Didimanyisha 20:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakakuata dragon, nyoka au wa kale, udi diabolo ne Satana, wakamusuika bidimu tshinunu,

MUKANDA WA MYIDI MUKULU

² Kukuataye nyoka wa tshidika, nyoka wa kale: ke diabolu nansha Satane. Kumusuikaye bua bamulame mu lukanu bidimu tshinunu.

Didimanyisha 20:2 교차 참조

Genese 3:1

Nyoka wakatamba nyama yonso yakafuka Yehowa Nzambi bidimu. Nyoka wakakonka mukashi ne, Nzambi wakamba ne, Kanudi mamuma a nu tshi yonso idi mu budimi, anyi?

Genese 3:15

Nenteke lukuna hankatshi hebe ne mukashi, ne hankatshi ha bana bebe ne bana bandi, muana wa mukashi neakukume ku mutu kuebe, ne wewe neumusume ku tshikankanyi-tshiandi.

Yobe 1:7

Yehowa wakakonka Satana ne, Udi ufuma kudi kunyi? Satana wakakudimuna Yehowa dî ne, Ndi nfuma ha buloba, nakadi ntambakana, ngendakana eku ne eku.

Yeshaya 24:22

Nebasangishibue hohamue, bu mudibo basangisha bena lukanu mu tshina tshia mu nsubu wa lukanu; nebabakomene mu nsubu wa lukanu, ne hahita matuku a bungi nebabakengeshe.

Yeshaya 27:1

Mu dituku adi Yehowa neikale ne muele wandi wa nvita mukole ne munene, neakengeshe nyoka mimene udi unyema lubilu, nyoka munene udi wenda utunyangala; neashihe nyama munene udi mu mai manene.

Yezekiyele 47:5

Ku nyima wakidikisha tshinunu tshinai, ne akadi musulu unakadi tshiyi mumanye mua kusabuka ku makasa; bualu bua mai akamana kubanda, mai a dilembue a kuowela, musulu wakadi muntu kayi mumanye mua kusabuka ku makasa.

Matayi 19:29

Muntu yonso wakushia nsubu yandi, anyi bana babo balume anyi bana babo bakashi, anyi tatuʼandi, anyi baba wandi, anyi bana bandi, anyi madimi andi, bualu bua dina dianyi yeye neahete masanka misangu lukama matambe a diambedi, neahiane muoyo wa tshiendelele kabidi.

Matayi 8:29

Bakela dî bikole ne, Wewe Muana wa Nzambi, tudi nʼebe bualu kai? Wewe wakulua kutukengesha diambedi dituku dia dikenga dietu kadî dianze kulua, anyi?

Marke 4:15

Kabobo aba ba kukala kua nshila kuakumiaminabo dî; hakunvuabo dî, Satana ulualua lukasa, udi unyenga dî diakadi dimiamina munda muabo.

Marke 5:7

wakela dî diandi bikole ne, Wewe, Yesu, Muana wa Nzambi Mutambe Bunene wa mu diulu, ndi nʼebe bualu kai? Ndi nkutshihisha mu dina dia Nzambi ne, Kunkengeshi;

Yowanane 12:31

Katataka dihila dia buloba ebu didiku; nebihate mukokeshi wa buloba ebu.

Yowanane 16:11

bua dihila, bualu bua mukokeshi wa buloba ebu wakumana kuhila.

Rome 16:20

Nzambi wa ditalala neadiatshishe Satana munshi mua makasa enu tshituha tshihi. Ngasa wa Mukelenge wetu Yesu Kilisto ikale nʼenu.

Ebrewu 2:14

Bualu bua bana bakuabanyangana mubidi ne mashi, yeye muine kabidi wakadiangatshila bintu binʼebe muomumue; bua ku lufu luandi yeye amuvuishe tshianana udi ne bukole bua lufu, ndiabolo mene;

1 Petro 5:8

Nuikale bahote, nutabale; umena lukuna wenu, diabolo mene, udi wendakana bu nyama wa ntambue udi ukungula, ukeba bantu ba kudieye;

2 Petro 2:4

Bualu bua bikala Nzambi kai muengeleke banjelo hakenzabo bibi, kadi yeye wakabela mu Ngena ne wakabafila mu nyongola ya mîdima, bua balamibuemu tô ne ku dilumbuluisha diabo;

Yuda 1:6

Ne banjelo bakadi kabai balamate bukelenge buabo, kadi bakashia muaba wabo mene wa kuikalamu, yeye wakubalama mu nkanu ya tshiendelele mu midima tô ne halua dituku dinene dia dilumbuluisha.

Didimanyisha 12:13

Hakatangila dragon ne, Nakuedibua ha buloba, wakakengesha mukashi wakalela muana mulume.

Didimanyisha 12:15

Ne nyoka wakela mai bu musulu mahatuke mukana muandi ku nyima kua mukashi, bua kumukokela ha musulu.

Didimanyisha 12:17

Ne dragon wakafikila mukashi munda, wakaya kuluangana nvita ne tunkanunuina tuandi tuakashala, tudi tutumikila mikenshi ya Nzambi, ne tudi ne bumanyishi bua Yesu:

Didimanyisha 12:3

Ne tshimanyinu tshikuabo tshiakamuenebua mu diulu; ne mona, dragon mukunze, muikale ne mitu muanda mutekete ne nsengu dikumi, ne bifulu bia butumbi muanda mutekete ha mitu handi.

Didimanyisha 12:4

Mukila wandi wakakoka tshituha tshisatu tshia mitoto ya mu diulu, ne wakayela ha buloba; ne dragon wakimana ku mpala kua mukashi wakadi wamba kulela, bua kudieye muana wandi hamuleleye.

Didimanyisha 12:9

Dragon munene wakedibua hanshi, nyoka au wa kale, yeye udi muidikibue ne, Diabolo ne Satana, mudingi wa ba ha buloba bonso; wakedibua hanshi ha buloba, ne banjelo bandi bakedibua nʼandi hanshi.

Didimanyisha 13:2

Ne nyama nuakatangila wakafuana nyama wa nkashama, ne makama andi akadi bu akama a nyama wa ours, ne mukana muandi muakadi bu mukana mua nyama wa ntambue; ne dragon wakamuhesha bukole buandi, ne nkuasa wandi wa butumbi, ne bukokeshi bunene.

Didimanyisha 13:4

ne bakakukuila dragon bualu bua yeye wakahesha nyama wa luonji bukokeshi buandi, ne bakakukuila nyama wa luonji, bamba ne, Udi bu nyama wa luonji nganyi? Udi mua kuluangana nʼandi nganyi?

Didimanyisha 20:10

Ne diabolo wakadi ubadinga wakedibua mu dishiba dia kahia ne soufre, kudi nyama wa luonji ne muprofete wa mashimi kabidi, nebakengeshibue munya ne bufuku tshiendelele.

Didimanyisha 20:7

Hashika bidimu tshinunu, Satana nealekedibue mu nsubu wandi wa lukanu,

Didimanyisha 9:11

Idi ne mukelenge ha mutu hai, udi muanjelo wa tshina tshidi katshi ne nshikidilu; dina diandi mu muaku wa Bena Ebelu didi Abadona, ne mu muaku wa Bena Gelika didi Apoluona.