Didimanyisha 17:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yeye wakantuala mu nyuma ku tshihela: nakatangila mukashi mushikame ha nyima ha nyama wa luonji mukunzekunzu, mûle tente ne mena a kuhenda nʼau Nzambi, muikale ne mitu muanda mutekete ne nsengu dikumi.

MUKANDA WA MYIDI MUKULU

³ Mueyelu wa Mvidi Mukulu kumvulula, kuya nanyi mu tshipela. Meme kumonamu mukaji musombe pa nyama mukunze kunzuu. Bavua bafunde pambidi ponsu pa nyama mena a kupenda nawu Mvidi Mukulu. Nyama awu uvua ne mitu muanda mutekete, ne nsengu dikumi.

Didimanyisha 17:3 교차 참조

1 Bakalenga 18:12

Hashishe hangumuka kûdi, Nyuma wa Yehowa neaye nʼebe kukuabo kundi tshiyi mumanye: nunku hanafika kudi Ahaba bua kumuambila ne yeye kena mumanye mua kukusangana, yeye neanshihe; kadi meme, muntu webe, nakatshina Yehowa katshia ku buana buanyi.

2 Bakalenga 2:16

Bakamuambila ne, Mona, bakole makumi atanu badi munkatshi mua bantu bebe badi kunoko; ludi tukusengelela ne. Ubatume, bakehe mukelenge webe; bumue Nyuma wa Yehowa wakabanda nʼandi, wakamuela ha mutu ha mukuna mukuabo anyi mu tshinga tshibanda. Yeye wakamba ne, Kanubatumi.

Musambu wa Solomo 8:5

Udi ufuma ku tshihela mukuate ku diboko dia wandi munanga nganyi? Nakakutahasha muinshi mua mutshi wa mamuma; mamu webe wakadiku ne kanyinganyinga bualu buebe, yeye wakakulelaku ne kanyinganyinga.

Yezekiyele 11:24

Hashishe Nyuma wakambandisha, wakalua nʼanyi mu tshikena kumona tshifume kudi Nyuma wa Nzambi tô ne ku buloba bua Bena Kasada, kudi bantu bakadi mu buhika. Nunku tshikena kumona tshinakamona diambedi tshiakumuka kundi.

Yezekiyele 3:12

Hakumuka butumbi bua Yehowa mu muaba wakadibu, Nyuma wakanjula, ne nakuhua ku nyima kuanyi tshiona tshia kukanka kua buloba kunene;

Yezekiyele 8:3

Yeye wakolola tshinfuanyi tshia tshianza, wakankuata ku tshisuba tshia nsuki ya ku mutu kuanyi; Nyuma wakambisha mulu hankatshi ha buloba ne diulu, wakaya nʼanyi mu bikena kumona bia Nzambi to ne ku Yelushalema, ku tshibi tshia ku tshibuelelu tshia ku luseke lua node tshidi tshibuela mu tshiendelu tshia munda mua ntempelo, kuakadi luhingu lua mukau, ludi lusonsola mukau.

Danyele 11:36

Mukelenge au nênze bu mudi mutshima wandi musue; neadinemeshe, neadibandishe ba mutu ba nzambi yonso, neadiule Nzambi wa nzambi ne mei adi matambe bubi. Neatute dikasa dimpe tô ne hashika tshiji tshia Nzambi, bualu bua malu akahangidisheye nênjibue.

Danyele 7:20

Nakasua kumanya kabidi bualu bua nsengu ai dikumi yakadi ha mutu handi, ne be lusengu alu lukuabo luakamenabu, bakatulabo nsengu mikuabo isatu ku mpala kualu, lusengu alu mene luakadi ne mesu, ne mukana muamba mei a diambu, luakadi luhite mikuabo bunene.

Danyele 7:25

Yeye neadiule Nzambi Mutambe Bunene wa mu diulu ne mei mabi, neatatshishe bansanto ba Mutambe Bunene wa mu diulu tô ne hahangabo. Neahangidishe bua kukudimuna bikondo bia tshijila ne mikenji, ne bansanto nebafidibue mu bianza biandi tô ne hahita tshikondo tshimue, bikondo bibidi ne tshituha tshia tshikondo.

Danyele 7:8

Hanakadi ngela meji a nsengu ei, ekumona, munkatshi muai muakamena lusengu lukuabo, lusengu lukese mene; ku mpala kualu bakatula nsengu isatu ya diambedi ne bitaku biai! Monai! Ku lusengu elu kuakadi mesu bu a muntu, mukana muakadi muamba mei a diambu.

Matayi 27:28

Akamuvula bilulu, akamuluatshisha tshikowelu tshikunze.

Bienzedi 8:39

Hakaluhukabo mu mai, Nyuma wa Mukelenge wakangata Filipo, wakaya nʼandi; muntu mutungula kakamutangila kabidi, wakaya biandi mu nshila usanka.

2 Tesalonike 2:4

Yeye ngudi udimanyika ne udi udibandisha ku mpala kua bionso bidi bidikibua ne, Nzambi, anyi bionso bidi bantu batendelela; nunku yeye udi ushikama mu ntempelo wa Nzambi udilesha kudi bantu ne, Meme ndi Nzambi.

Didimanyisha 1:10

Nakadi mu Nyuma dituku dia Mukelenge, ne nakunvua dî dikole ku nyima kuanyi, bu dia mpungi,

Didimanyisha 12:14

Bakuhesha mukashi mahuahua abidi a nyunyu wa mukanku munene bua yeye ahahale mu tshihela ku muaba wandi, kudibo bamudisha tshikondo, ne bikondo, ne tshituha tshia hankatshi ha tshikondo bua kumukeye ku mpala kua nyoka.

Didimanyisha 12:3

Ne tshimanyinu tshikuabo tshiakamuenebua mu diulu; ne mona, dragon mukunze, muikale ne mitu muanda mutekete ne nsengu dikumi, ne bifulu bia butumbi muanda mutekete ha mitu handi.

Didimanyisha 12:6

Ne mukashi wakanyema mu tshihela, mudiye ne muaba mumulongoluela kudi Nzambi, bua kumudishaboku matuku tshinunu ne nkama ibidi ne makumi asambombo.

Didimanyisha 17:18

Ne mukashi uwakatangila udi musoko munene udi ukokesha ku mutu kua bakelenge ba ha buloba.

Didimanyisha 17:4

Mukashi wakadi muluatshisha ne bilulu bikunzubile ne bikunzekunzu, mulengeshibue ne ngolo ne mabue a mushinga mukole ne a perle, muikale ne luhanza lua ngolo mu tshianza tshiandi lûle tente ne malu a bukoya bua masandi andi.

Didimanyisha 18:12

bintu bia ngolo, bia argent, mabue a mushinga mukole, ne mabue a perle, ne bilulu bimpe bia line, ne bikunzubile bia soie, ne bikunzekunzu; ne mitshi ya mushindu wonso wa muhuya muimpe, ne luvu luonso lusonga lua mibanga, ne luvu luonso lusonga lua mitshi ya mushinga mutamba bukole, ne lua tshiamu tshia mitaku, ne lua tshiamu tshifike, ne lua marbre;

Didimanyisha 18:16

bamba ne, Mulau, mulau, musoko munene, wakadi muluatshishe bilulu bia line bimpe, ne bikunzubile ne bikunzekunzu, mulengesha ne ngolo ne mabue a mushinga mukole ne mabue a perle!

Didimanyisha 21:10

Wakaya nʼanyi mu Nyuma ku mukuna mimene ne mule, wakandesha musoko wa tshijila, Yelushalema, uhueka hanshi, uluhuka mu diulu kudi Nzambi,

Didimanyisha 4:2

Mu diba adi mene nakadi mu Nyuma, ne mona, nkuasa wa butumbi wakashikikibua mu diulu, ne mukuabo wakadi mushikame ha nkuasa wa butumbi.