Didimanyisha 15:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

MUKANDA WA MYIDI MUKULU

³ Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Didimanyisha 15:3 교차 참조

Genese 17:1

Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

1 Kulondolola 6:49

Kadi Alona ne bana bandi ba balume bakafila milambu ya kuosha ha kahia ne ku tshioshelu tshia musenga wa manananshi ne ya midimu yonso ya mu muaba wa tshijila ne ya kubuikila nʼai mibi ya Bena Isalele bu muakadi mikenji yonso yakela Mose, muntu wa Nzambi.

2 Kulondolola 24:6

Mukelenge wakabikila Yehoyada muakuidi, wakamuambila ne, Wewe kuakuenzesha Bena Lewi bua bobo balue ne milambu ya Mose, muntu wa Yehowa, kudi Bena Yuda ne ba mu Yelushalema ne ba mu nseke yonso ya Isalele, mu ntenta wa bumanyishi bishi?

Nehemya 9:14

wewe wakabamanyisha dituku diebe dia Lumingu lua tshijila; wakabelela mikenji yebe ne mei ebe ne mikandu yebe kudi Mose muntu webe,

Yobe 36:24

Uvuluke bua wewe kutumbisha mudimu wandi udi bantu batumbisha mu misambu yabo.

Yobe 5:9

udi wenza malu manene ne malu adi bantu kabayi mua kujingulula, ne malu a kukema adi kâyi mua kubadibua:

Misambu 100:5

Bualu bua Yehowa udi muimpe; luse luandi lujalame ludiku tshiendelele, lulamatu luandi lua bushuwa ludiku tô ne ku bikondo bionso.

Misambu 105:5

Nuvuluke bienu bienzedi bia kukema biakenzeye, malu andi a kukema ne dilumbulula dia mukana muandi,

Misambu 111:2

Midimu ya Yehowa idi minene, idi mikononona kudi bonso badi basanka bualu buai.

Misambu 111:7

Bienzedi bia bianza biandi bidi bilesha bushuwa buandi ne kulumbulula kuandi kuakane, mei onso adiye wambila bantu adi mua kueyemenyibua.

Misambu 139:14

Ndi nkusakidila, bualu bua difukibua dianyi didi dilengesha meji a mua kukunemeka bikole, didi dikemesha. Midimu yebe yonso idi malu a kukema; mutshima wanyi udi mumanye bualu ebu bimpe.

Misambu 145:17

Yehowa udi muakane mu nshila yonso idiye uyilamu, udi ulesha dinanga mu bienzedi biandi bionso.

Misambu 145:6

Bantu nebambilangane bua bukole bua bienzedi biebe bidi bibakuatshisha buowa; meme nembalondele bienzedi biebe binene.

Misambu 18:30

Au mmalu a Nzambi — nshila wandi udi muakane tshishiki; dî dia Yehowa diakatetshibua ne, Didi dia bushuwa. Yeye udi ngabu wa banso badi banyemena kudiye.

Misambu 78:12

Yeye wakenza malu a kukema ku mesu kua batatu babo, mu buloba bua Ejipitu, mu madimi a mu Soana.

Misambu 92:5

Mona mudi bienzedi biebe binene, Yehowa! Meji ebe adi atamba bule!

Misambu 99:4

Bukole bua Mukelenge budi bunanga kulumbulula kuakane. Wewe wakajadika buakane mu kulumbulula; wakulumbulula ne kulumbulula kuakane, wakuenza bienzedi biakane munkatshi mua bana ba Yakoba.

Yeshaya 33:22

Bualu bua Yehowa udi mulumbuluishi wetu, Yehowa udi mutueledi wa mikenji, Yehowa udi Mukelenge wetu; yeye neatusungile.

Yeshaya 45:21

Nuambe bienu, nuleshe malu anudi basue kutumbila: bulelela, bele tshifufu, batuleshe ne, Wakunuambila bualu ebu mu bidimu bia diambedi nganyi? Wakadianjila kuamba bualu ebu kale nganyi? Meme Yehowa tshiakuenza bualu ebu, anyi? Kakuena nzambi mukuabo muomumue nʼanyi, muakane ne Musungidi; kakuena mukuabo muomumue nʼanyi.

Danyele 6:20

Hakafikeye ha buihi ne buina buakadi Danyele, mukelenge wakela dî dikole dia kanyinganyinga kudi Danyele, umuebesha ne, Danyele, mutendeledi wa Nzambi udi ne muoyo, Nzambi webe, ûdi utendelela ku dituku ku dituku, wakumanya mua kukusungila mukana mua nyama ya ntambue, anyi?

Danyele 9:11

Bulelela, bonso ba mu Isalele bakushiha mikenji yebe, bakusesuka, kabakunvua dî diebe. Nunku bakutuha mulau bu muakuamba mutshihu udi mufunda mu mikenji ya Mose, muntu wa Nzambi, bualu bua tuakuenzela Nzambi bibi.

Osheya 14:9

Udi ne meji ajingulule malu â; udi ne lungenyi lua kuamanya, âmanye biandi; bualu bua nshila ya Yehowa idi milulame; bantu bakane badi bendamu, kadi bantu babi badi badishindamu.

Mika 7:20

Neuleshe Yakoba lulamatu luebe, ne luse luebe lujalame kudi Abalahama, bu muwakaditshiha kudi batatu betu, bibangile ku matuku a kale.

Sefanya 3:5

Yehowa udi muakane munkatshi muau; yeye kena wenza bualu bubi. Ku dinda ku dinda udi umuenesha kulumbulula kuakane hatoke, katu wahanga; kadi badi kabayi ne buakane kabena bamanye bundu.

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Yowanane 1:17

Mose wakatuha mikenshi, kadi ngasa ne bulelela biakafuma kudi Yesu Kilisto.

Dielulula 31:30

Mose wakambila Bena Isalele bonso mei a musambu eu mu matshu abo, tô ne hakashikisheye.

Dielulula 32:3

Bualu bua meme nengambe dina dia Yehowa: tumbishai bunene bua Nzambi wetu.

Dielulula 34:5

Nunku Mose, muinu wa Yehowa, wakafua mu buloba bua Moaba muakamba Yehowa.

1 Timote 1:17

Kudi Mukelenge wa kashidi, udi kai mua kufua, udi kai mua kumuenebua ku mesu, Nzambi umue, buneme ne butumbi bikale kudiye ku bikondo ne ku bikondo. Amen.

Ebrewu 3:5

Bulelela, Mose wakadi wa kueyemenyibua mu nsubu wa Nzambi muonso bu muena mudimu, bua kuikaleye tshimanyishilu tshia malu akadi amba kuambibua ka nyima;

Yoshua 22:5

Nuikale ne dinanukila dia kutumikila mei ne mikenji biakanuambila Mose, muntu wa Yehowa, bua kusua Yehowa, Nzambi wenu, ne bua kuenda mu nshila yandi yonso, ne bua kutumikila mikenji yandi, ne bua kulamata kudiye, ne bua kumukuatshia mudimu ne mitshima yenu yonso ne mioyo yenu yonso.

Didimanyisha 1:8

Mukelenge Nzambi udi wamba ne, Meme ndi A ne Z, ne udiku, ne wakadiku, ne udi ulua, Wa Bukole Buonso.

Didimanyisha 11:17

bamba ne, Tudi tukusakidila, Mukelenge Nzambi wa Bukole Buonso, udiku ne wakadiku; bualu bua wewe wakuangata bukole buebe bunene, ne wakakokesha.

Didimanyisha 14:3

ne badi bimba bu musambu muhia-muhia ku mpala kua nkuasa wa butumbi, ne ku mpala kua bifukibue binai bidi ne muoyo ne bakulu; ne kakuakadi muntu wakamanya mua kuyila musambu eu, anu bantu aba tshishikula tshimue ne mbombo inai ne binunu binai, bobo mene bakasumbibua mu ba ha buloba.

Didimanyisha 14:8

Ne muanjelo mukuabo, muibidi wakalonda, wamba ne, Babulona munene wakuhuka, wakuhuka, wakunuisha bisamba bionso nvinyo wa tshishi tshia masandi andi.

Didimanyisha 17:14

Ne bobo nebaluangane nvita ne Muana wa Mukoko, ne Muana wa Mukoko neabahite bukole, bualu bua yeye udi Mukelenge wa bakelenge ne Nfumu wa banfumu; ne bantu badi nʼandi, babikidibue, ne basungidibue, ne ba kueyemena, nebahite bukole kabidi.

Didimanyisha 19:16

Yeye udi ne dina difunda ha tshmialu ne ha tshibelu tshiandi ne, Nfumu wa Banfumu, ne Mukelenge wa Bakelenge.

Didimanyisha 19:2

bualu bua dilumbulula diandi didi dilelela ne diakane; bualu bua wakulumbuluisha mukashi wa masandi mimene, yeye wakanyanga buloba ne masandi andi, ne wakasombuela mashi a bahika bandi mualombe ku tshianza tshiandi.

Didimanyisha 4:8

Ne bifukibue binai bidi ne muoyo, ku tshintu ne ku tshintu, bidi ne mahuahua asambombo, bidi biûle tente ne mesu mabinyunguluka bam bidi ne munda; kabiena ne dikisha munya ne butuku, biamba ne, Wa Tshijila, Wa Tshijila, Wa Tshijila udi Mukelenge Nzambi wa Bukole Buonso, wakadiku ne udiku ne udi ulua.