Didimanyisha 15:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nakatangila bu mai manene a ntalatala masangisha ne kahia; ne nakatangila badi bahita nyama wa luonji, ne tshifuanyikishi tshiandi, ne nomba wa dina diandi bukole, bimane biabo ha mai manene a ntalatala, bikale ne nkombe ya Nzambi.

MUKANDA WA MYIDI MUKULU

² Pashishe meme kumona tshintu bu mayi manene menza bu lumuenu, engelela bu kapia. Meme kumona kabidi bavua batshimune nyama, tshimfuanyi tshiende, ne kampanda uvua ne dina didi bungi budileja. Bavua bimane pa mayi manene awu, bakuate mu tshianza nzenze ivua Mvidi Mukulu mubapeshe.

Didimanyisha 15:2 교차 참조

Matayi 3:11

Bulelela, ndi nubatiza mu mai bualu bua nuenu nukudimune mitshima yenu; kadi udi ulua ku nyima kuanyi udi muntambe meme, tshiena ne buakane bua kutuala bisabata biandi; yeye neanubatize mu Nyuma Muimpe ne mu kahia;

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

1 Petro 4:12

Bananga, kanukemi bua dikenga didi bu kahia munkatshi muenu diakaluila kunudi bu diteta, bu bualu buhia-buhia buakanukuata;

Didimanyisha 12:11

Ne bobo bakamuhita bukole bualu bua mashi a Muana wa Mukoko, ne bualu bua dî dia bumanyishi buabo; ne bobo kabakasua mioyo yabo tô ne ku lufu.

Didimanyisha 13:1

Ne wakimana ha lusenga lua ku mai manene. Nakatangila nyama wa luonji uhatuka mu mai manene, wakadi ne nsengu dikumi ne mitu muanda mutekete, ne wakadi ne bifulu bia butumbi dikumi ha nsengu yandi, ne ha mitu handi mena a kuhenda nʼau Nzambi.

Didimanyisha 13:14

Yeye udi udinga bantu badi bikala ha buloba bualu bua bimanyinu biakadiye uheshibua bua kuenza ku mesu kua nyama wa luonji, wambila badi bikala ha buloba bua kuenzabo tshifuanyikishi tshia nyama wa luonji wakadi ne mputa wa muele wa nvita ne wakushala ne muoyo.

Didimanyisha 13:17

bua kakuikadi muntu udi mua kusumba, nasha kuhana, anu udi ne tshimanyinu, dina mene dia nyama wa luonji, anyi nomba wa dina diandi.

Didimanyisha 21:18

Bintu biakibakabo nʼabi lumbu luau biakadi bia yasape; musoko wakadi wa ngolo muimpe, mufuanangane ne ntalatala.

Didimanyisha 4:6

Ku mpala kua nkuasa wa butumbi kuakamueneka bu mai manene a ntalatala mafuane dibue ditoke tô; ne munkatshi mua nkuasa wa butumbi ne munyunguluka nkuasa wa butumbi muakadi bifukibue binai bidi ne muoyo biûle tente ne mesu ku mpala ne ku nyima.

Didimanyisha 5:8

Ne hakangateye mukunda, bifukibue bidi ne muoyo ne bakulu makumi abidi ne banai bakahona ku mpala kua Muana wa Mukoko, muntu ne muntu muikale ne lunkombe, ne mpanza ya ngolo miûle tente ne mananashi a kuosha adi mitendelelu ya basanto.