Didimanyisha 13:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nakatangila umue wa mitu yandi bu mudiu mutaha mputa wa lufu; ne mputa wandi wa lufu wakuma; ne ba ha buloba buonso bakakema ku nyima kua nyama, wa luonji;

MUKANDA WA MYIDI MUKULU

³ Umue wa ku mitu yende uvua umueka bu mutapa mputa wa lufu. Kadi mputa awu ukavua mumane kuuma. Buloba bujima buvua bukatshila, bulonda nyama munyima.

Didimanyisha 13:3 교차 참조

Yezekiyele 30:24

Nenkoleshe maboko a mukelenge wa Babulona, nenteke muele wa nvita mu bianza biandi, kadi nentshibule maboko a Palô, ne yeye neatue mikemu ku mpala kuandi, mikemu bu ya muntu udi mutahibue mputa ya lufu.

Luke 2:1

Mu matuku au Kaisa Augusto wakela mukenshi ne, Bafundishe mena a ba ha buloba bonso.

Yowanane 12:19

Bafalese bakambilangana ne, Nudi numona ne kanuena nuheta bualu; monai, ba ha buloba bonso badi bamulonda.

Bienzedi 8:13

Simona mene wakitabusha kabidi; hakamubatizabo, yeye wakalamata kudi Filipo; hakatangileye bimanyinu ne malu manene a kukema biakenjibua, wakakema biandi.

Didimanyisha 13:12

Yeye udi wenzesha bukokeshi buonso bua nyama wa kumudilu ku mesu kuandi. Ne udi wenzesha buloba ne bonso badi bikalahu bua kukukuilabo nyama wa luonji wa kumudilu, wakadi ne mputa wa lufu mûme.

Didimanyisha 13:14

Yeye udi udinga bantu badi bikala ha buloba bualu bua bimanyinu biakadiye uheshibua bua kuenza ku mesu kua nyama wa luonji, wambila badi bikala ha buloba bua kuenzabo tshifuanyikishi tshia nyama wa luonji wakadi ne mputa wa muele wa nvita ne wakushala ne muoyo.

Didimanyisha 17:10

ne bakelenge muanda mutekete badiku; batanu bakumana kuhona, umue udiku, ne mukuabo kena muanze kulua; ne halueye, budiye nʼabu mbua kushala tshituha tshihi.

Didimanyisha 17:11

Ne nyama wakadiku, ne kenaku, udi biandi mukelenge wa muanda mukulu, ne udi wa mu ba-muanda mutekete; ne udi uya mu dibutuka.

Didimanyisha 17:13

Bobo badi ne meshi amue, ne badi bahesha bukole buabo ne bukokeshi buabo kudi nyama wa luonji.

Didimanyisha 17:17

Bualu bua Nzambi wakabuesha bualu ebu mu mitshima yabo bua kuenzabo mudiye wela meshi, ne bua kuikalabo ne meshi amue, ne bua kufilabo bukelenge buabo kudi nyama wa luonji tô ne hashika mei a Nzambi.

Didimanyisha 17:6

Ne nakatangila mukashi mukuatshike ne mashi a basanto, ne mashi a bamanyishi ba Yesu. Hanakamutangila, nakakema ne dikema dikole.

Didimanyisha 17:8

Nyama uwakatangila wakadiku ne kenaku, ne udi wamba kuluhuka mu dina didi kadi ne tshishikidilu, udi uya mu dibutuka. Ne badi bikala ha buloba nebakeme, badi kabai ne dina difunda mu mukanda wa muoyo ku tshibangidilu tshia buloba, nebakeme hatangilabo nyama wa luonji, bu muakadiyeku ne kenaku, ne neikaleku.