Didimanyisha 13:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bikala muntu ubuesha bakuabo mu buhika, Uyaya mu buhika; bikala muntu ushiha bakuabo ne muele wa nvita, budiye nʼabu mbua kushihibua ne muele. Eku kudi ditantamana, ne ditabusha dia basanto.

MUKANDA WA MYIDI MUKULU

¹⁰ Muntu udibu bafundile lukanu, nebaye nende mu lukanu. Muntu udibu bafundile kufua ku muele wa mvita, neafue ku muele wa mvua. Ke padi bantu ba Mvidi Mukulu ne bua kunanukila mu dikenga, kuleja ditaba diabu.”

Didimanyisha 13:10 교차 참조

Yeshaya 14:2

Ba mu bisamba bia ba bende nebabangate, nebabafile ku muaba wabo. Ba mu Bena Isalele nebadiangatshile bantu aba bu buhianyi buabo mu buloba bua Yehowa bua kuikalabo bahika babo balume ne bahika babo bakashi. Nunku nebabueshe bantu aba mu buhika bakadi bababuesha mu buhika diambedi, ne nebakokeshe ku mutu kua bakadi babakengesha.

Yeshaya 26:21

Bua, monai, Yehowa udi uluhuka mu muaba wandi bua kukengesha ba ha buloba bua bubi buabo; buloba kabidi nebusokolole mashi akanuabu, kabuena busokoka kabidi bakadi bashihibuamu.

Yeshaya 33:1

Mulau wikale kûdi, wewe udi ubutula, ne kabakubutula; udi mutungidianganyi wa tshitungu kadi kabena banze kukutungila wewe tshitungu. Hawamana kulekela kubutula bakuabo, nebakubutule wewe; hawamana kutungila bantu bakuabo tshitungu, nebakutungile wewe tshitungu.

Yirmeya 15:2

Hakukonkabo ne, Tuyaya kudi kunyi? wewe ubambile ne, Yehowa udi wamba ne, Badi basungula tshihuhu nebaye ku tshihuhu; badi basungula muele wa nvita, nebaye ku muele wa nvita; badi basungula tshiole nebafue ku tshiole; badi basungula buhika nebaye mu buhika.

Yirmeya 43:11

Yeye nealue, neakume ba mu buloba bua Ejipitu, ufila ku lufu bandi nsunguila lufu, ubuesha mu buhika bandi nsunguila buhika, ufila ku muele wa nvita bandi nsunguila muele wa nvita.

Muadi 3:26

Bidi bimpe bua muntu atekemene ne indile biandi luhandu lua Yehowa talalâ.

Abakuke 2:3

Bualu bua tshikena kumona etshi ntshia tshikondo tshiakuhangishishabo bua kumuenekatshi, tshidi tshienda lukasa ku tshikondo tshiatshi, katshiena tshidinga, biajangulukatshi, utshindile; bualu bua netshimueneke bulelela, katshiena tshihanga kulua.

Matayi 26:52

Yesu wakamuambila ne, Hingasha muele webe mu muaba wau; bualu bua bonso badi bangata muele nebashihibue ku muele.

Matayi 7:2

Nebalumbulule malu adi munda muenu bu munudi nulumbulula malu adi munda muabo; nebanuidikishile bintu ne luidi lunudi nuidikishila nʼalu kabidi.

Luke 21:19

Nenudiangatshile mioyo yenu bualu bua dinanukila dienu.

Kolose 1:11

ne bua nuenu mikoleshibue ne bukole buonso, bu mudi bukole bua butumbi buandi, tô ne ku dinanukila dionso ne ku lutulu lusangisha ne disanka.

Ebrewu 6:12

bua kanulu bienu bahungidi, kadi nulue bidikishi ba badi bahiana milayi bua ditabusha ne lutulu.

Didimanyisha 1:9

Meme, Yone, muanʼenu wa ma Kilisto, ne muabanyanganyi nʼenu wa mu dikenga ne bukelenge ne ditantamana bidi mu Yesu, nakadi mu tshisanga tshidibo babikila ne Patemo, bualu bua dî dia Nzambi ne bua dimanyisha dia Yesu.

Didimanyisha 11:18

Ne ba mu bisamba bakadi ne tshishi, ne tshishi tshiebe tshiakalua, ne tshikondo tshia kulumbuluisha bafue tshiakalua, ne tshikondo tshia kufila bukenshi kudi bahika bebe, baprofete, ne kudi basanto, ne kudi badi batshina dina diebe, bakese ne banene; ne tshia kubutula badi babutula buloba.

Didimanyisha 14:12

Eku nkutantamana kua basanto, badi batumikila mikenshi ya Nzambi, ne ditabusha dia Yesu.

Didimanyisha 16:6

Bualu bua bakahongolola mashi a basanto ne a baprofete, ne wewe wakabahesha mashi bua kunua; badi bâkanyine.

Didimanyisha 17:11

Ne nyama wakadiku, ne kenaku, udi biandi mukelenge wa muanda mukulu, ne udi wa mu ba-muanda mutekete; ne udi uya mu dibutuka.

Didimanyisha 17:8

Nyama uwakatangila wakadiku ne kenaku, ne udi wamba kuluhuka mu dina didi kadi ne tshishikidilu, udi uya mu dibutuka. Ne badi bikala ha buloba nebakeme, badi kabai ne dina difunda mu mukanda wa muoyo ku tshibangidilu tshia buloba, nebakeme hatangilabo nyama wa luonji, bu muakadiyeku ne kenaku, ne neikaleku.

Didimanyisha 2:19

Ndi mumanye midimu yebe, ne dinanga diebe ne ditabusha diebe, ne dikuatshilangana diebe dia mudimu, ne ditantamana diebe, ne midimu yebe ya kunshikidilu idi ihita ya diambedi bungi.

Didimanyisha 2:2

Ndi mumanye bienzedi biebe, ne mudimu webe mukole, ne ditantamana diebe, ne kuena mua kuitabusha bantu babi, ne wakateta badi badiamba ne, Tudi bapostolo, kadi kabena bapostolo, ne wakabasangana bena mashimi.

Didimanyisha 3:10

Bualu bua wakalama dî dia kutantamana kuanyi, nenkulame kabidi ku diba dia kuteta, diodio didi diamba kulua kudi ba ha buloba bonso, bua kuteta badi bikala ha buloba.

Didimanyisha 3:3

Nunku, uvuluke bu muwakuangata ne muwakulua; ulame bûdi nʼabu, ukudimune mutshima webe. Nunku, biwikala kui utabala, nendue bu muibi, ne kuena umanya diba dindi ndua kûdi.