Didimanyisha 12:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ ne kabakabahita bukole, ne kabakasangana muaba wabo mu diulu.

MUKANDA WA MYIDI MUKULU

⁸ Kadi kutshimunabu nyoka wa tshidika ne batumibue bende abu. Kabavua banyisha bua nyoka ne batumibue bende kushalabu kabidi mu diulu nansha.

Didimanyisha 12:8 교차 참조

Yobe 20:9

Disu diakamumona kadiena dimumona kabidi, ne muaba wandi kawena umumona kabidi.

Yobe 7:10

kena uhingana kabidi mu nsubu muandi, ba ku muaba wakadiye ushikama diambedi kabena bamumona kabidi.

Yobe 8:18

Biamubutulabo mu muaba wandi, muaba eu neumubenge ne, Tshiena muanze kukumona.

Misambu 129:2

Bakankengesha ku buana buanyi tô ne mpindiu, kadi kabakumpita bukole.

Misambu 13:4

bua muena lukuna wanyi kambi biandi ne, Nakumutamba bukole; ne bua bahumbishi banyi kabasanki bualu bua nakudishinda.

Misambu 37:10

Tshituha tshihi katshiyi tshianji kuleha, muntu mubi kena wikalaku kabidi; e, neukebe kumona muaba wandi ne disuminyina, kena wikalaku.

Yirmeya 1:19

Yehowa wakamba ne, Nebaluangane nʼebe, kadi kabena bakuhita bukole; bualu bua meme ndi nʼebe bua kukuhandisha.

Yirmeya 5:22

Yehowa udi ukonka ne, Kanuena nuntshina, anyi? Kanuena nuzakala ku mpala kuanyi, meme nguakuteka nsenga bu mukalu wa mai manene, bu nkila wa tshiendelele udi mai manene kâyi mua kuhitaku, anyi? Bialua mavuala bua kuditutaku, kaena mua kumubumbula; bialuau ne tshiona tshikole, kaena mua kumusambuka.

Matayi 16:18

Ndi nkuambila kabidi ne, Wewe udi Petelo, ha dibue edi nengibake ekelesia wanyi; bibi bia ku mbelu kua Muaba wa Bafue kabiena bimuhita bukole.

Bienzedi 1:25

bua kuangateye muaba mu mudimu eu ne mu bupostolo muakahonena Yudasa bua kuyeye ku muaba wandi muine.

Yuda 1:6

Ne banjelo bakadi kabai balamate bukelenge buabo, kadi bakashia muaba wabo mene wa kuikalamu, yeye wakubalama mu nkanu ya tshiendelele mu midima tô ne halua dituku dinene dia dilumbuluisha.

Didimanyisha 12:11

Ne bobo bakamuhita bukole bualu bua mashi a Muana wa Mukoko, ne bualu bua dî dia bumanyishi buabo; ne bobo kabakasua mioyo yabo tô ne ku lufu.

Didimanyisha 12:7

Nvita minene yakadi mu diulu; Mikaele ne banjelo bandi bakaya kuluangana nvita ne dragon; ne dragon ne banjelo bandi bakaluangana nʼabo;

Didimanyisha 12:9

Dragon munene wakedibua hanshi, nyoka au wa kale, yeye udi muidikibue ne, Diabolo ne Satana, mudingi wa ba ha buloba bonso; wakedibua hanshi ha buloba, ne banjelo bandi bakedibua nʼandi hanshi.

Didimanyisha 20:11

Nakatangila nkuasa wa butumbi mimene mutoke, ne wakadi ushikamahu, wakanyemabo kudi buloba ne diulu ku mpala kuandi, ne kabakabisangena muaba kabidi.