Didimanyisha 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ne yeye wakadi ne difu, wakadi udila, muikale ne didinyenga dia kuleleye, ne mu dikenga dia kumuleleshabo.

MUKANDA WA MYIDI MUKULU

² Ukavua pa kulela muana, wela mbila mikole ya pa lulelu, ukengakana.

Didimanyisha 12:2 교차 참조

Yeshaya 26:17

Bu mudi mukashi udi ne difu wenza, hafika tshikondo tshia kuleleye, udi ukenga ne udi usasabala mu didinyenga diandi, tuakadi nunku ku mpala kuebe, Yehowa;

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

Yeshaya 54:1

Imba biebe, wewe mukashi wa nkumba, wewe udi kuyi mulele; bandisha mei ebe mu kuimba kua misambu, wela dî dikole, wewe udi kuyi muikale ne didinyenga dia ha kulela! Bualu bua Yehowa udi wamba ne, Bana ba mukashi udi mushale hatuhu badi bahita bana ba mukashi mubaka bungi.

Yeshaya 66:6

Unvuai! Mutoyi udi ufuma ku musoko, dî didi difuma ku ntempelo! Ndî dia Yehowa udi uha badi nʼandi lukuna difutu diabo!

Mika 4:9

Bualu kai udi ubandisha mei ebe a muadi mpindiu? Kakuena mukelenge munkatshi muenu, anyi? Mukulu wa meji wakufua, anyi? Bua bualu ebu kanyinganyinga kakukukuata bu ka mukashi udi ne didinyenga dia ha kulela munyi?

Mika 5:3

Nunku yeye neabafile mu bianza bia badi nʼabo lukuna tô ne ku tshikondo tshialela mukashi muana, ne hahingana difuka dia bana babo kudi Bena Isalele.

Matayi 24:8

Kadi malu â adi tshibangidilu tshia kanyinganyinga.

Yowanane 16:21

Hatshidi mukashi mukuatshike ha kulela, udi ne kanyinganyinga, bua diba diandi diakufika; kadi haleleye muana, kena uvuluka kabidi kanyinganyinga, bualu bua disanka diandi ne, Muntu wakuledibua ha buloba.

Ngalate 4:19

Bana banyi bakese, bandi mukuatshikile didinyenga dia ha kulela kabidi bua bualu buenu tô ne bamueneka Kilisto munda muenu,

Ngalate 4:27

Bua bakafunda ne, Mukashi wa nkumba udi kai mulele, usanke biebe; Ne mukashi udi kai ne didinyenga dia ha kulela, uhandishe dî diebe, udile biebe; Bualu bua bana ba mukashi muhidibue badi batambe bana ba mukashi wakashala ne mulume bungi.

Didimanyisha 12:4

Mukila wandi wakakoka tshituha tshisatu tshia mitoto ya mu diulu, ne wakayela ha buloba; ne dragon wakimana ku mpala kua mukashi wakadi wamba kulela, bua kudieye muana wandi hamuleleye.