Didimanyisha 11:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Ne bakunvua dî dikole difuma mu diulu dibambila ne, Luai bienu kunoku. Ne bakabanda mu diulu mu ditutu; ne bakadi nʼabo lukuna bakabatangila.

MUKANDA WA MYIDI MUKULU

¹² Pashishe bambi babidi kumvua diyi dikole dia mu diulu, dibabikila ne: “Bandayi kuneku!” Bobu kubuela mu divuba, kubanda munda mua diulu, bena lukuna babu batangile.

Didimanyisha 11:12 교차 참조

2 Bakalenga 2:1

Hakafika tshikondo tshiakasungula Yehowa bua kuya ne Eliya mu diulu mu nvunde, Eliya wakafuma ne Elisha mu Gilegala.

2 Bakalenga 2:11

Hakatshidibo benda bayikila, monai, dikalu dia kahia ne tubalu tua kahia biakamueneka, biakabahandulula, ne Eliya wakabandishibua mu diulu mu nvunde.

2 Bakalenga 2:5

Bana balume ba baprofete ba mu Yeleko bakaluhuka kudi Elisha, bakamuebesha ne. Udi mumanye ne, Yehowa neumushe mukelenge webe ku mutu kuebe lelu, anyi? Yeye wakabambila ne, E, ndi mumanye, nuanji kuhuwa.

2 Bakalenga 2:7

Makumi atanu ba bana balume ba baprofete bakaya, bakimana ha bule buludiludi nʼabo, bubidi buabo bakimana hehi ne Yadene.

Misambu 112:10

Muntu mubi neatangile muanda eu, neakuatshike kanyinganyinga; neasumakane menu, neajimine. Disua dia bantu babi nedijimine.

Misambu 15:1

Yehowa, muntu kai neashikame mu nsubu webe wa ntenta? Washikama mu mukuna webe wa tshijila nganyi?

Misambu 24:3

Wabanda mukuna wa Yehowa nganyi? Wimana mu muaba wandi wa tshijila nganyi?

Misambu 86:17

Undeshe tshimanyinu tshia disanka diebe kundi, bua badi nʼanyi lukuna bamanye mua kutshimona, bafuishibua bundu; bualu bua wewe, Yehowa, wakunkuatshisha, wakunsamba.

Ekesode 14:25

Wakakanga nkata ya makalu, kabakamanya mua kuya bimpe, Bena Ejipitu bakamba ne, Tunyeme bietu ku mesu kua Bena Isalele, bualu bua Yehowa udi ubaluila nvita yabo, udi uluangana ne Bena Ejipitu.

Yeshaya 14:13

Wewe wakamba mu mutshima webe ne, Nembande mu diulu, nembandishe nkuasa wanyi wa bukelenge mulu ha mutu ha mitoto ya Nzambi; nenshikame bianyi ha mutu ha mukuna wa disangisha kunfudilu kua luseke lua nôde.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Yeshaya 60:8

Aba mbanganyi badi baya lukasa bu ditutu, bu nyunyu ya nkutshi idi ibuela ha masoso a nsubu wai?

Malaki 3:18

Hashishe, nenujingulule ditahuluka didi hankatshi ha bantu bimpe ne bantu babi, hankatshi ha badi bakuatshila Nzambi mudimu ne badi kabayi bamukuatshila mudimu.

Luke 16:23

Mu Muaba wa Bafue yeye wakatangila mulu, hakadiye mu makenga, wakamona Abalahama kuakua ne Lazalo mu tshiadi tshiandi.

Bienzedi 1:9

Hakambeye dî edi, hakadibo bamutangila, wakangatshibua mu diulu; ditutu diakamuangata, kabakamumona kabidi.

1 Tesalonike 4:17

ne hasnishe tuetu batshidi ne muoyo badibo bashîa netuangatshibue nʼabo hohamue mu matutu, bua kusangila ne Mukelenge mu luhehele; nunku netuikale ne Mukelenge tshiendelele.

Didimanyisha 12:5

Yeye wakalela muana, muana mulume mene, udi ne bualu bua kukokesha bisamba bionso ne dikombo dia tshiamu; ne muana wandi wakakuatshibua mu diulu kudi Nzambi ne ku nkuasa wandi wa butumbi.

Didimanyisha 3:21

Udi uhita bukole nemuhe bua kushikameye nʼanyi mu nkuasa wa butumbi, bu munakatamba bukole ne munakashikama ne Tatu wanyi mu nkuasa wandi wa butumbi.

Didimanyisha 4:1

Ku nyima kua malu â nakatangila, ne mona, tshibi tshiakadi tshiunzuluke mu diulu, ne dî dia kumudilu dinakunvua diakadi bu dia mpungi diakula neanyi, diamba ne, Ubande biebe kunu, ne nenkuleshe malu adi ne bua kulua ku nyima kua malu â.