Didimanyisha 10:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nakuangata mukanda mukese mu tshianza tshia muanjelo, nakûdia; wakadi ushemakana mukana muanyi bu buitshi; ne hanakaudia, difu dianyi diakavuishibua bululu,

MUKANDA WA MYIDI MUKULU

¹⁰ Meme kuangata mukanda mukese mu tshianza tshia mutumibue, kuudia. Uvua musheme mukana bu buitshi. Kadi meme mumane kuumina, kungenzawu bululu mu tshifu.

Didimanyisha 10:10 교차 참조

Misambu 104:34

Meji andi ngela bua bualu buandi amusankishe, bua meme ndi nsanka mu Yehowa.

Misambu 119:103

Mona mudi mei ebe mashemakane handi ngalabula, mahite buitshi kushemakana mukana muanyi!

Misambu 19:10

Kubinanga kudi kuhita kunanga or buimpe; e, kudi kuhita kunanga or wa mushinga mukole wa bungi buimpe. Bidi bihita buitshi ne mamata a buitshi a ku dihula kushemakana.

Nsumuinu 16:24

Mei malengele adi bu dikatshi dia buitshi, adi mashemakane ku muoyo ne adi asangulusha mubidi.

Yezekiyele 2:10

Yeye wakauvungulula ku mpala kuanyi. Wakadi ne mei mafunda munda muau ne ha nyima hau; mei a muadi, madilu ne mulau akadi mafundamu.

Yezekiyele 3:14

Ka Nyuma wakanjula, wakaya nʼanyi; nakaya ne kanyinganyinga ne nyuma wanyi utema bikole, tshianza tshia Yehowa tshiakanema bikole hamʼbidi hanyi.

Yezekiyele 3:3

Wakangambila ne, Muana wa muntu, diaku mukanda eu undi nkuha, ûhatshishe munda muebe tente. Nunku nakaudia; ne wakadi mutue nse-nse bu buitshi mukana muanyi.

Didimanyisha 10:11

Badi bangambila ne, Bûdi nʼabu mbua kuamba dî dia Nzambi kabidi bua bantu ba bungi ne bisamba ne miaku ne bakelenge.

Didimanyisha 10:9

Nakaya kudi muanjelo tunuambila bua kumpeye mukanda mukese. Ne wakangambila ne, Uwangate, ûdie; neuvuishe difu diebe bululu, kadi mukana muebe nemuikale mushemakane bu buitshi.