Didimanyisha 1:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Tangilai, yeye udi ulua ne matutu; ne disu dionso nedimumone, ne bobo bine bakamutua difuma nebamumone; ne bisamba bionso bia ha buloba nebidile muadi bua bualu buandi. Bulelela. Amen.

MUKANDA WA MYIDI MUKULU

⁷ Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.

Didimanyisha 1:7 교차 참조

Yobe 33:26

Udi utendelela Nzambi, yeye udi uluangana nʼandi bimpe, nunku udi umona mpala wa Nzambi ne disanka; yeye udi uhingishila muntu buakane buakadiye nʼabu.

Misambu 22:16

Bualu bua mbua yakunnyunguluka, tshisumbu tshia benji ba malu mabi tshidi tshingela munkatshi; bakuntaha mputa misompoke mu bianza ne mu makasa.

Misambu 68:1

Nzambi ajuke, badi nʼandi lukuna bamuangalashibue; bonso badi nʼandi lukuna banyeme ku mpala kuandi.

Misambu 97:2

Matutu ne mîdima bidi bimunyunguluka; buakane ne kulumbulula kuakane bidi bishimikidi bia nkuasa wandi wa butumbi.

Yeshaya 19:1

Di dia tshijila bualu bua Ejipitu. Monai, Yehowa udi wenda mubande ba ditutu didi diya lukasa, ne neafike ku Ejipitu. Mpingu ya mu Ejipitu neyizakale ku mpala kuandi, mitshima ya ba mu Ejipitu neyivingutuke munda muabo.

Danyele 7:13

Nakatangila mu bikena kumona butuku kabidi, ekumona, mukuabo mufuane muana wa muntu ulua mu matutu a mu diulu, wakafika kudi Wa Kale wa Matuku a Bungi, bakafua nʼandi ku mpala kuandi.

Nahume 1:3

Yehowa kena ukuata tshiji lukasa, udi ne bukole bua bungi, kadi kena ubingisha badi bahila bua bubi, nansha kakese. Yehowa udi ne nshila wandi mu nvunde ne mu tshihuhu, matutu adi luhuishi lua ku makasa andi.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Zekâya 12:11

Mu dituku adi muadi munene newikale mu Yelushalema, bu madilu a ku Hadadalimona mu tshibanda tshia Megido.

Dibadika 24:17

Ndi mumutangile kadi tshiena mumutangile katataka, ndi mumumone kadi yeye kena ha buihi, Mutoto nebiluhuke kudi Yakoba, ne dikombo dia bukelenge nedibike munkatshi mua Bena Isalele, nedikume ku matshika a Moaba, nedishihe bana bonso ba Shete.

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

Matayi 16:28

Bulelela, ndi nuambila ne, Bakuabo badi bimana aha kabena bafua tô ne hamonabo Muana wa muntu ulua mu bukelenge buandi.

Matayi 24:30

hashishe, tshimanyinu tshia Muana wa muntu netshimueneke mu diulu; bisamba bionso bia ha buloba nebidile, nebimone Muana wa muntu ulua ha matutu a mu diulu ne bukole buandi ne butumbi buandi bunene.

Matayi 25:31

Halua Muana wa muntu mu butumbi buandi ne banjelo bonso, neashikame mu nkuasa wa butumbi buandi;

Matayi 26:64

Yesu wakamuambila ne, Muomu; kadi ndi numanyisha ne, Ku dituku adi nenumone Muana wa muntu mushikame ku tshianza tshia balume tshia Bukole, ulua biandi ha matutu a mu diulu.

Marke 13:26

Hashishe, nebamone muana wa muntu ulua mu matutu ne bukole buandi bunene ne butumbi buandi.

Marke 14:62

Yesu wakamba ne, Nmeme; nenumone Muana wa muntu mushikame ku tshianza tshia balume tshia Bukole, ulua biandi ne matutu a mu diulu.

Luke 21:27

Hashishe nebamone Muana wa muntu ulua mu ditutu ne bukole ne butumbi bunene.

Yowanane 19:34

Kadi dinga disalayi diakamutua difuma mu lubadi, mashi ne mai biakahatuka.

Yowanane 19:37

Dinga dî didi mu Mukanda wa Nzambi kabidi ne, Nebatangile wakutuabo difuma.

1 Tesalonike 1:10

ne bua kuindila Muana wandi ulualua mu diulu; wakabisheye munkatshi mua bafue, Yesu mene, udi utuhandisha ku tshishi tshilualua.

1 Tesalonike 4:17

ne hasnishe tuetu batshidi ne muoyo badibo bashîa netuangatshibue nʼabo hohamue mu matutu, bua kusangila ne Mukelenge mu luhehele; nunku netuikale ne Mukelenge tshiendelele.

Ebrewu 10:29

nudi nuela meshi ne muntu neabadibue muakanyine dikenga ditambe misangu bungi munyi, nyeye wakudiata Muana wa Nzambi munshi mua makasa andi, ne wakubala mashi a tshihungidi akadiye ujidibua nʼau bu tshintu tshia tshianana ne wakuhenda Nyuma wa ngasa?

Ebrewu 6:6

ne hashishe bakalekela malu â, kubahingasha tshiakabidi kudi dikudimuna dia mutshima kakuena mua kuenjibua tshiendelele, bualu bua badi badishihela kabidi Muana wa Nzambi ku mutshi mutshiamakane, ne badi bamufuisha bundu ku mesu kua bantu.

1 Yone 3:2

Bananga, katataka tudi bana ba Nzambi; kadi kabuena buanze kumanyibua mutuikala. Tudi bamanye ne, Biamueneshibueye, netuikale bafuanangane nʼandi; bualu bua netumumone bu mudiye.

Yuda 1:14

Ne Hanoka, muntu wa muanda mutekete ku nyima kua Adama wakamba mei kudibo kabidi, wamba ne, Tangilai, Mukelenge wakalua ne mbombo ya bantu bandi ba tshijila,

Didimanyisha 22:20

Yeye udi umanyisha malu â udi wamba ne, E, ndi ndua lubilu. Amen; lua, Mukelenge Yesu.

Didimanyisha 22:4

ne nebamone mpala wandi; ne dina diandi nedikale ha mpala habo.

Balombodi 5:31

Yehowa, bantu bonso badi nʼebe lukuna bafue nunku; kadi bantu badi bakusue bikale bu diba habandadi ne bukole buadi buonso. Buloha buakadi talalâ bidimu makumi anai.