Didimanyisha 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Muntu udi ubala, ne badi bunvua mei a buambi ebu, ne badi balama malu adi mafundamu, badi ne disanka; bua tshikondo tshidi ha buihi.

MUKANDA WA MYIDI MUKULU

³ Muntu udi ubala mukanda ewu, mmuena diakalenga. Bantu badi bateleja miaku ya kudi muambi wa Mvidi Mukulu ewu, bakumbaja bidibu bafunde muaba ewu, badi kabidi bena diakalenga! Bualu bionsu ebi nebikumbane amu mpindiewu.

Didimanyisha 1:3 교차 참조

Nsumuinu 8:34

Muntu udi ungunvuila, udi wimana ku bibi bianyi ku dituku ku dituku, udi windila ku bilua bia ku bibi bianyi, udi ne disanka.

Yirmeya 51:61

Yelemiya wakambila Selaya ne, Hawafika ku Babulona, kuhangi kubala mei â onso,

Matayi 24:15

Nunku hanuamona tshinyanga tshia dibutuka, tshiakambabo kudi muprofete Danyele, tshimane mu muaba wa tshijila (udi ubala bualu ebu amanye biandi),

Luke 11:28

Kadi yeye wakamba ne, Nasha, badi batelesha dî dia Nzambi, badi badilama, badi ne disanka.

Rome 13:11

Nuenze malu â, bualu bua nudi bamanye tshikondo etshi ne, Diba diakumana kufika bua nuenu kubishibua ku tulu; bua katataka luhandu luetu ludi lutamba dituku dia dianjila kuitabusha kuikala ha buihi.

Rome 13:12

Butuku budi buamba kutshia, munya wakusemena ha buihi, nunku tuvule bienzedi bia midima, tuluate bintu bia nvita bia munya.

1 Petro 4:7

Kadi kunshikidilu kua malu onso kudi ha buihi; nunku nuikale ne meshi majalama, ne nuikale bahole mu mitendelelu;

2 Petro 3:8

Kadi bananga, kanuhu muoyo bua bualu ebu bumue ne, Dituku dimue kudi Mukelenge didi bu bidimu tshinunu, ne bidimu tshinunu bidi bu dituku dimue.

Didimanyisha 22:10

Yeye wakangambila ne, Kuteki tshimanyishilu ku mei a buambi bua mu mukanda eu; bualu bua tshikondo tshidi ha buihi.

Didimanyisha 22:12

Tangila, ndi ndua lubilu; ne difutu dianyi didi nʼanyi, dia kuhingishila kudi muntu ne muntu, bu mudi mudimu wandi.

Didimanyisha 22:20

Yeye udi umanyisha malu â udi wamba ne, E, ndi ndua lubilu. Amen; lua, Mukelenge Yesu.

Didimanyisha 3:11

Ndualua lubilu, ukuate bikole tshiudi nʼatshi, bua muntu kanyengi tshifulu tshiebe tshia butumbi.