Didimanyisha 1:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ ne Udi ne muoyo; nakadi mufue, ne mona, ndi ne muoyo tshiendelele, ne ndi ne nvungula ya lufu ne ya Muaba wa Bafue.

MUKANDA WA MYIDI MUKULU

¹⁸ Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.

Didimanyisha 1:18 교차 참조

Yobe 19:25

Kadi meme hanyi ndi mumanye ne, Muakudi wanyi udi ne muoyo; ne mu matuku a kunshikidilu yeye neimane ha buloba.

Yobe 38:17

Bakusokoluela bibi bia ku lufu, anyi? Wewe wakumona bibi bia ku mundidimbi wa lufu, anyi?

Misambu 18:46

Yehowa udi ne muoyo; dibue dianyi divudishibue disanka, ne Nzambi wa luhandu luanyi atumbishibue,

Misambu 68:20

Nzambi udi Nzambi wa luhandu kutudi, ne kudi Yehowa Mukelenge kudi kufuma kuhanduka ku lufu.

Yeshaya 22:22

Nenteke luvungula lua ku nsubu wa Davidi ha diaha diandi; yeye neutulule tshibi, kakuena muntu watshinshila; neatshioshile, kakuena muntu watshiunzulula.

Matayi 11:23

Ne wewe Kapênuma, nebakubandishe mu diulu, anyi? Neuhueke biebe mu Muaba wa Bafue; bualu bua bu malu a kukema akenjibua munkatshi muebe, menjibue mu Sodoma, wakadi kushala tô ne katataka.

Matayi 16:19

Nenkuhe nvungula ya bukelenge bua mu diulu, mu diulu nebasuike tshiwasuika ha buloba; mu diulu nebasuike tshiwasulula ha buloba.

Luke 24:5

Hakatshinabo, hakatuabo mpala hanshi, balume bakabakonka ne, Nudi nukebela udi ne muoyo munkatshi mua bafue tshinyi?

Yowanane 11:25

Yesu wakamuambila ne, Meme ndi bianyi dibisha, ndi bianyi muoyo; udi ungitabusha, nasha biafueye, neikale ne muoyo kabidi;

Yowanane 14:19

Tshituha tshihi ba ha buloba kabena bantangila kabidi; kadi nuenu nudi nuntangila; bualu bua meme ndi ne muoyo, muenu kabidi nenuikale ne muoyo.

Rome 6:9

Tudi bamanye ne, Kilisto wakabishibua ku lufu kena ufua kabidi; lufu kaluena mua kumukokesha kabidi.

2 Korente 13:4

Yeye wakashihibua ku mutshi mutshiamakane bua butekete bua mubidi, kadi udi ne muoyo bua bukole bua Nzambi. Tuetu tudi batekete nʼandi, kadi netuikale nʼandi ne muoyo bualu bua bukole bua Nzambi kunudi.

Ngalate 2:20

Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

Kolose 3:3

Bualu bua nuakafua, ne muoyo wenu udi musokoka ne Kilisto mu Nzambi.

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

Ebrewu 12:2

batangila kudi Yesu, mubandi ne mushikishi wa ditabusha dietu, yeye, bua disanka diakatekibua ku mpala kuandi, wakakankamana hakakengeye ka mutshi mutshiamakane, wakalengulula bundu, ne wakushikama ku tshianza tshikole tshia nkuasa wa butumbi wa Nzambi.

Ebrewu 7:16

wakavuishabo muakuidi, kembua mikenshi ya bantu ba ha buloba, kadi bua bukole bua muoyo udi kawi ujimina;

Ebrewu 7:25

Nunku yeye udi ne bukole bua kusungila ne luhandu lujima badi basemena ha buihi ne Nzambi bua bualu buandi, yeye muikale ne muoyo tshiendelele bualu bua kubakuila.

Didimanyisha 10:6

wakaditshiha kudi udi ne muoyo tshiendelele, wakafuka diulu ne bintu bidimu, ne buloba ne bintu bidihu, ne mai manene ne bintu bidimu, ne, Kakuena dishanguluka kabidi;

Didimanyisha 15:7

Ne tshimue tshia bifukibue binai bidi ne muoyo tshiakahesha banjelo muanda mutekete mpanza ya ngolo muanda mutekete miûle tente ne tshishi tshia Nzambi udi ne muoyo tshiendelele.

Didimanyisha 2:8

Fundila muanjelo wa ekelesia wa ku Semuna ne, Wa Kumudilu ne Wa Kunshikidilu, wakadi mufue ne udi muikale ne muoyo kabidi, udi wamba malu â ne,

Didimanyisha 20:13

Mai manene kabidi, akahatula bafue bakadimu, ne lufu ne Muaba wa Bafue biakahatula bafue bakadimu, ne bakalumbuluisha muntu yonso bu muakadi bienzedi biandi.

Didimanyisha 20:14

Bakela lufu ne Muaba wa Bafue mu dishiha dia kahia. Elu ndufu luibidi, dishiba dia kahia mene.

Didimanyisha 3:7

Fundila muanjelo wa ekelesia wa ku Filadelefia ne, Udi wa tshijila, udi wa bulelela, udi ne luvungula lua Davidi, udi unzulula ne kakuena udi winshila, udi winshila ne kakuena udi unzulula, udi wamba malu â ne,

Didimanyisha 4:9

Ne hafila bifukibue bidi ne muoyo butumbi ne buneme ne disakidila kudi yeye udi ushikama ba nkuasa wa butumbi, kudi yeye udi ne muoyo tshiendelele,

Didimanyisha 5:14

Ne bifukibue binai bidi ne musyo biakamba ne, Amen. Ne bakulu bakahona hanshi, bakakukuila.

Didimanyisha 6:8

Nakatangila, ne mona, kabalu ka tshitoketoke; ne dina dia wakadi ushikama ha nyima haku diakadi Lufu; ne Muaba wa Bafue wakalonda ku nyima kuandi. Ne bakabaha bukokeshi ha mutu ha tshituha tshinai tshia ba ha buloba, bua kubashiha ne muele wa nvita, ne tshiole, ne lufu, ne kudi nyama ya luonji ya ha buloba.

Didimanyisha 9:1

Muanjelo muitanu wakela mpungi, ne nakamona mutoto mufuma mu diulu muhone ha buloba; ne bakamuha luvungula lua buina bua tshina tshidi katshi ne nshikidilu.

1 Samuele 2:6

Yehowa udi ushiha ne udi ufululula kabidi: udi ubatuma ku Muaba wa Bafue, udi ubabisha kabidi.