Dibadika 8:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku wewe neumushe Bena Lewi munkatshi mua Bena Isalele, Bena Lewi nebikale banyi.

MUKANDA WA MYIDI MUKULU

¹⁴ Ke muudi ne bua kumusha bena Levi munkatshi mua bena Izrayele bakuabu. Tshisamba tshia bena Levi netshikale tshianyi meme.

Dibadika 8:14 교차 참조

Malaki 3:17

Yehowa wa misumba udi wamba ne, Bobo nebikale banyi, mu dituku dindi ngenza malu â, nebikale bantu banyi nkayanyi mene; meme nembafuile luse bu mudi muntu ufuila muanʼandi mulume udi umukuatshila mudimu luse.

Dibadika 18:6

Mona! Meme nakadiangatshila bana benu, Bena Lewi, munkatshi mua Bena Isalele badi bu kuha kuebe kuwakuha Yehowa bua kuenza mudimu wa mu ntenta wa kusambakena.

Dibadika 3:12

Mona, meme nakudiangatshila Bena Lewi munkatshi mua Bena Isalele mu miaba ya banʼa bute bonso bakalelabo munkatshi mua Bena Isalele, Bena Lewi nebikale banyi:

Dibadika 3:45

Angata Bena Lewi mu miaba ya banʼa bute ba munkatshi mua Bena Isalele, ne bimuna bia Bena Lewi mu miaba ya bimuna biabo, Bena Lewi nebikale banyi meme ndi Yehowa

Dibadika 3:9

Wewe neufue Bena Lewi kudi Alona ne kudi bana bandi balume bobo badi bafidibue kudi Alona, bua kukuatshishabo Bena Isalele.

Dibadika 6:2

Wambile Bena Isalele ne, Biatshiha nansha mulume nansha mukashi kuditshiha kua Munazi bua kudijidila kudi Yehowa,

Dibadika 8:13

Wewe neushikike Bena Lewi ku mpala kua Alona ne kua bana bandi balume, ubanyukule ku mpala kua Yehowa.

Dibadika 8:17

Bualu bua banʼa bute bonso ba mu Isalele mbanyi, ne ba bantu ne ba nyama, mu dituku dinakashiha banʼa bute bonso ba mu buloba bua Ejipitu nakabajidila kundi.

Rome 1:1

Paulo, muhika wa Yesu Kilisto, wakabikidibua bua bakola mupostolo; wakafidibua ku lumu luimpe lua Nzambi,

Ngalate 1:15

Kadi hakasua Nzambi nguakansungula munda mua baba wanyi ne nguakambikila ku ngasa wandi,

Dielulula 10:8

Ku tshikondo atshi Yehowa wakajidila tshisamba tshia Lewi, bua kutualabo mushete wa tshihungidi tshia mei a Nzambi, ne bua kuimana ku mpala kua Yehowa bua kamuenzela mudimu, ne bua kuvudishila bantu disanka mu dina diandi, bu mudibo benza lelu.

Ebrewu 7:26

Bua muakuidi munene wa nunku wakadi mutukumbane, wa tshijila, kai ne bubi, kai mubiha, mutahuluke kudi bantu babi, muvuishibue ha mutu ha mulu;