Dibadika 24:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Mai adi aluhuka mu milondo yandi, bana bandi nebikale munkatshi mua mai a bungi, mukelenge wandi neahite Agaga bunene, bukelenge buandi nebutumbishibue.

MUKANDA WA MYIDI MUKULU

⁷ Mayi adi muwule mu mpokolu, apueka mavule mu madimi. Mukalenga wa bena Izrayele udi mupite Agage. Bukalenga buende budi ne bukole.

Dibadika 24:7 교차 참조

2 Samuele 5:12

Davidi wakajingulula ne Yehowa wakunjadika mukelenge ku mutu kua Bena Isalele, ne yeye wakadiundisha bukelenge buanyi bualu bua bantu bandi Bena Isalele.

1 Bakalenga 4:21

Solomo wakakokesha makelenge onso ku musulu wa Pelata to ne ku buloba bua Bena Peleshete ne ku matshika a buloba bua Ejipitu; bakamulambula milambu, bakakuatshila Solomo mudimu tô matuku andi onso.

1 Bakalenga 5:1

Hilama, mukelenge wa Tulo, wakatuma bantu bandi kudi Solomo; bualu bua yeye wakunyua lumu ne, Bakamuela manyi bua kumubuesha mu bukelenge mu muaba wa tatu wandi; bualu bua Hilama wakananga Davidi matuku andi onso.

1 Kulondolola 14:2

Davidi wakamanya ne, Nzambi wakunjadika mukelenge ku mutu kua Bena Isalele; bualu bua bukelenge buandi buakadi bubandishibue kulu bua bantu bandi Bena Isalele.

Ezela 4:20

Bakelenge banene bakadi ku mutu kua Yelushalema, bakadi bakokesha buloba buonso bua dishiya dia musulu wa Pelata; bakadi bafila milambu ne bungendʼa mushinga ne mpunga kudibo.

Estere 3:1

Ku nyima kua malu a mukelenge Ahashawelosha wakabandisha Hamana, muana wa Hamedata, Muena Agaga, wakamuteka ku mutu kua bantu banene bonso bakadi nʼandi.

Misambu 18:43

Wewe wakansungila ku mafuilangana a bantu; wakanteka ku mutu kua bisamba bia bantu. Bantu banakadi tshiyi muanze kumanya diambedi bakankuatshila mudimu.

Misambu 68:26

Bimba ne, Vudishilai Nzambi disanka mu masangisha a bantu; vudishilai Mukelenge disanka, nuenu mushimi wa mai wa Bena Isalele.

Misambu 72:11

E, bakelenge bonso bamukukuile, ba mu bisamba bionso bia bantu bamukuatshile mudimu.

Misambu 89:27

Nemmuvuishe muanʼa bute wanyi, mukelenge udi muhite bakelenge ba ha buloba kutumba.

Yeshaya 2:2

Mu matuku atshidi alua mukuna wa nsubu wa Yehowa neujadikibue bu mukuna muhite mikuabo bule, neubandishibue ha mutu ha mikuna mikese; ne ba mu bisamba bionso nebabuelemu.

Yeshaya 30:25

Tusulu tua mai ne misulu mikuabo nebikale ha mutu ha mukuna mule wonso ne ha mutu ha mukuna muihi wonso, mu dituku dia kushiha kunene, huhuka bibumba.

Yeshaya 48:1

Unvuai bualu ebu, nuenu bana ba Yakoba, badibo babikila ku dina diandi dia Isalele, ne badi bahatuka munda mua Yuda; badi baditshiha ku dina dia Yehowa, badi batela dina dia Nzambi wa Isalele, kadi kabena baditela mu bushuwa anyi mu buakane.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Yirmeya 51:13

Wewe udi mushikame hetu ne misulu ya mai ya bungi, udi ne luhetu lua bungi, nshikidilu webe wakumana kufika, luhetu luwakuangata ku buihi ludi luamba kujimina.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Dibadika 24:20

Yeye wakatangila kudi Amaleka, wakabela lusumuinu luandi ne, Amaleka wakadi tshisamba tshia ku mpala munkatshi mua bisamba, kadi kunshikidilu tshisamba tshiandi netshijimme tshiendelele.

Yowanane 1:49

Natanaele wakamuandamuna ne, Labi, wewe udi Muana wa Nzambi, wewe udi Mukelenge wa Isalele.

Didimanyisha 11:15

Muanjelo wa muanda mutekete wakela mpungi; ne mei makole a mu diulu akalua, amba ne, Bukelenge bua ha buloba buakulua bukelenge bua Mukelenge wetu, ne bua Kilisto wandi, ne yeye neakokeshe tô ne tshiendelele.

Didimanyisha 17:1

Umue wa banjelo muanda mutekete bakadi ne mpanza muanda mutekete wakalua, wakakula nʼanyi, wamba ne, Lua biebe kunoku, nenkuleshe dilumbuluisha dia mukashi wa masandi munene udi ushikama ha mutu ha mai a bungi,

Didimanyisha 17:15

Yeye wakungambila ne, Mai awakatangila, kudi mukashi wa masandi ushikama, adi bantu ne bisumbu bia bantu, ne bisamba, ne miaku.

Didimanyisha 19:16

Yeye udi ne dina difunda ha tshmialu ne ha tshibelu tshiandi ne, Nfumu wa Banfumu, ne Mukelenge wa Bakelenge.