Dibadika 24:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshiji tshiakakuata Balaka bualu bua Belâma wakakuma bianza biandi Balaka wakambila Belâma ne, Nakakubikila bua kungelela bantu badi hanyi lukuna mulau, kadi mona, wewe wakubavudishila disanka misangu ei isatu.

MUKANDA WA MYIDI MUKULU

¹⁰ Balake kufikila Balaame munda bikole. Kumukanyinaye, wamba ne: — Meme mvua mukubikile bua kutshipa baluishi banyi. Kadi udi mubeele lupemba misangu isatu milondangane!

Dibadika 24:10 교차 참조

Nehemya 13:2

bualu bua bobo kabakaya kusangakena ne Bena Isalele ne bidia ne mai; kadi bakaha Belâma mbueshilu bua kubeleye mulau; kadi Nzambi wetu wakakudimuna mulau bua kuluau disanka.

Yobe 27:23

Bantu badi batuta bikashi bua dibutuka diandi, badi bamubingila bua kumuihata mu muaba wandi.

Yezekiyele 21:14

Nunku, wewe, muana wa muntu, amba mei ebe, tuta tshikashi, muele wa nvita utahe tshiakabidi, utahe tshiakasatu, muele wa nvita wa bantu bashihibue, muele wa nvita mene wa bantu bashihibue udi ubalamina ku nseke yonso.

Yezekiyele 21:17

Meme kabidi nentute bikashi, nendekele tshiji tshianyi; meme Yehowa nakuamba mei anyi.

Yezekiyele 22:13

Tangila, bua malu â nakukatshila bua bintu biwakunyenga ku mashimi ebe, ne bua mashi awakumatshisha munkatshi muenu.

Dibadika 22:11

Bantu bakaluhuka mu Ejipitu, bakatangadika buloba buonso, lua biebe, ubangelele mulau, hashishe nemmanye mua kuluangana nʼabo, nembihate.

Dibadika 22:17

bualu bua meme nenkuhe butumbi bunene, nengenze mei onso audi wamba, lua biebe, ndi nkusengelela, ungelele bantu aba mulau.

Dibadika 22:6

Nunku lua biebe, ndi nkusengelela, ungelele bantu aba mulau, bualu bua bobo badi bantamba bukole, hashishe nembahite bukole, netubashihe, nengihate mu buloba, bualu bua ndi mumanye ne, Muntu ûdi uvudishila disanka neikale ne disanka, ne mundi ûdi wela mulau neikale ne mulau.

Dibadika 23:11

Balaka wakambila Belâma ne, Wakungenzela tshinyi? Nakakubikila bua kungelela bantu badi nʼanyi lukuna mulau, ne mona, wewe wakubavudishila disanka.

Dibadika 24:11

Katataka ya kuebe, nakadi ngelangana meji bua kukuha butumbi bunene, kadi mona, wewe wakubavudishila butumbi ebu.

Dibadika 24:9

Udi walamina bu nyama wa ntambue, udi ulala hanshi bu mukashi wa nyama wa ntambue, nganyi neamubishe? Wakasankisha ikale biandi ne disanka, ne wakuela mulau ikale biandi ne mulau.

Bienzedi 11:10

Bakenza nunku misangu isatu, bakakoka bintu bionso mulu kabidi.

Dielulula 23:6

Kanukebi mua kubalesha ditalala ne malu makane tô matuku enu onso.