Dibadika 22:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku lua biebe, ndi nkusengelela, ungelele bantu aba mulau, bualu bua bobo badi bantamba bukole, hashishe nembahite bukole, netubashihe, nengihate mu buloba, bualu bua ndi mumanye ne, Muntu ûdi uvudishila disanka neikale ne disanka, ne mundi ûdi wela mulau neikale ne mulau.

MUKANDA WA MYIDI MUKULU

⁶ Ndi nkusengelela ne: ufike kuneku, ubatshipe. Bualu mbatupite bukole! Wewe mubatshipe, misangu mikuabu ndi mua kubatshimuna, kubipata mu ditunga. Meme ndi mujadike ne: wewe muele muntu lupemba, nansha mumutshipe, bidi bienzeka anu muudi muambe.”

Dibadika 22:6 교차 참조

Genese 12:3

Nensankishe bantu badi bakuvudishila wewe disanka, nengele muntu mulau udi ukuela wewe mulau Bisamba bionso bia ha buloba nebisanke bua bualu buebe.

Genese 27:29

bantu bakukuatshile mudimu, ne bisamba bia bantu bitue mpala hanshi ku mesu kuebe wikale mukelenge wa bana benu, bana ba mamu webe batue mpala hanshi ku mesu kuebe, muntu yonso udi ukuela mulau neadiele mulau muntu yonso udi ukuvudishila disanka, adivudishile disa nka.

1 Bakalenga 22:13

Messager wakaya kubikila Mikaya, wakamuambila ne, Mona, baprofete bonso badi bambila mukelenge mei mimpe bu mukana mumue; nunku ndi nkusengelela ne, Dî diebe difuanangane ne mei abo, bua kumuambila mei mimpe kabidi.

1 Bakalenga 22:6

Hashishe mukelenge wa Isalele wakasangisha baprofete bu nkama inai, wakabebesha ne, Nye kuluangana ne Bena Lamota-gilada, anyi nshale? Bakamuambila ne, Uye biebe, bualu bua Yehowa neafile musoko mu bianza bia mukelenge.

1 Bakalenga 22:8

Mukelenge wa Isalele wakambila Yehoshafata ne, Muntu mukuabo udiku utudi mua kuebesha Yehowa mukana muandi, dina diandi Mikaya, muana wa Yimela; kadi ndi nʼandi tshiji bualu bua yeye katu wangambila malu mimpe, utu wangambila anu malu mabi, Yehoshafata wakamba ne, Mukelenge kambi nunku nansha.

Nehemya 13:2

bualu bua bobo kabakaya kusangakena ne Bena Isalele ne bidia ne mai; kadi bakaha Belâma mbueshilu bua kubeleye mulau; kadi Nzambi wetu wakakudimuna mulau bua kuluau disanka.

Misambu 109:28

Nansha bobo bangele mulau, kadi wewe unvudishile disanka. Badi bajuka bua kufuilangana nʼanyi bafuishibue bundu, kadi muntu webe asanke biandi.

Nsumuinu 26:2

Bu mudi mushamusha uhahala eku ne eku, wikila eku ne eku, bu mudi kandindi katua mulelu, mbu mudi mulau udi bantu bela hatuhu kauyi ukuata.

Yezekiyele 13:6

Bakumona bikena kumona bia mashimi ne kutempa kua mbuku kudi kubadinga; badi bamba ne, Yehowa udi wamba dî edi, kadi Yehowa kakubatuma. Badi batekemena ne dî didibo bamba nedijadikibue.

Mika 6:5

Bantu banyi, vulukai bienu mpindiu bualu buakahangidisha Balaka, mukelenge wa Bena Moaba, bua kuenza; ne mei akamukudimunabo kudi Belâma, muana wa Beô; vulukai luendu lua ku Shitima tô ne ku Gilegala, bua nuenu nujingulule bienzedi biakane bia Yehowa.

Dibadika 22:12

Nzambi wakambila Belâma ne, Kuyi nʼabo, kuedi bantu aba mulau nansha, bantu aba badi basankishibue.

Dibadika 22:17

bualu bua meme nenkuhe butumbi bunene, nengenze mei onso audi wamba, lua biebe, ndi nkusengelela, ungelele bantu aba mulau.

Dibadika 23:13

Balaka wakamuambila ne, Ndi nkusengelela ne, Lua hanyi ku muaba mukuabo kûdi mumanye mua kubatangila, wewe mutangile anu tshituha tshiabo, kuena utangila buonso buabo, ubangelele mulau ku muaba au.

Dibadika 23:27

Balaka wakambila Belâma ne, Lua biebe, nenkuleshe muaba mukuabo, bumue Nzambi neitabushe bua wewe ubangelele mulau ku muaba au.

Dibadika 24:9

Udi walamina bu nyama wa ntambue, udi ulala hanshi bu mukashi wa nyama wa ntambue, nganyi neamubishe? Wakasankisha ikale biandi ne disanka, ne wakuela mulau ikale biandi ne mulau.

Bienzedi 16:16

Hatuakadi tuya ku muaba wa kutendelela, nsongakashi muhika wakasangakana nʼetu, wakadi ne nyuma mubi wakadi umubukisha, wakamuenesha banfumuʼandi bintu bia bungi bualu bua lubuku luandi.

Dielulula 23:4

bualu bua bobo kabakanuha bia kudia ne mai a kunua mu nshila hanuakaluhuka mu Ejipitu; ne bualu bua bobo bakahita Belâma, muana mulume wa Beô ku Petô wa mu Mesopotamia, bua kunueleye mulau.

Yoshua 24:9

Balaka, muana mulume wa Sipô, mukelenge wa Moaba, wakabika, wakaluangana ne Bena Isalele; wakatuma bantu, bakabikila Belâma, muana mulume wa Beô, bua kunueleye mulau;

1 Samuele 17:43

Muena Peleshete wakambila Davidi ne, Meme ndi mbua bua wewe udi ulua kundi ne bibangu, anyi? Muena Peleshete wakela Davidi mulau mu mena a nzambi yandi.