Dibadika 21:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bakumukamu, bakashikama dishiya dia mai a Ânona, mu tshihela tshidi ku butshika bua buloba bua Bena Amole, mai a Ânona adi ku butshika bua Moaba, hankatshi ha Moaba ne Bena Amole.

MUKANDA WA MYIDI MUKULU

¹³ Bumuka mu tshibandabanda amu, kusabukabu musulu wa Amone, udi ufumina ku bena Amore, upitshila mu tshipela, pashishe uleja mikalu pankatshi pa bena Mowabe ne bena Amore.

Dibadika 21:13 교차 참조

Yeshaya 16:2

Bu mudi nyunyu yendakana mulu, bu tunyunyu tua mu disua didi disasula, mbu mudi bana bakashi ba Moaba ku tshisabukilu tshia ku musulu wa Ânona.

Yirmeya 48:20

Bakufuisha Moaba bundu, bakumutamba bukole, umuashile muadi, umudidile! Ambai dî edi ku muelelu wa musulu wa Ânona ne, Bakuhaula Moaba.

Dibadika 21:14

Nunku bakafunda mu mukanda dina diau Nvita ya Yehowa ne, Waheba wa mu Sufa ne tshibanda tshia Ânona,

Dibadika 22:36

Hakunvia Balaka lumu ne, Belâma wakalua, wakaya kusangakena nʼandi ku tshimenga tshia Moaba, tshidi ku muelelu wa mai a Amona, ku butshika bua buloba buandi mene.

Dielulula 2:13

Katataka bikai bienu, nusabuke kasulu ka Zelede; tuakasabuka kasulu ka Zelede.

Dielulula 2:18

Lelu nenuhite ku Ala, butshika bua Moaba:

Dielulula 2:24

Bikai bienu, yai, nuhite mu tshibanda tshia mai a Ânona: monai, nakafila Sihona, Muena Amole, mukelenge wa Heshebona, ne buloba buandi mu tshianza tshienu; nubange kuhiana buloba, nuluangane nʼandi nvita.

Balombodi 11:18

Hashishe bakahitshila mu tshihela, bakanyunguluka buloba bua Edome ne buloba bua Moaba kabidi, bakayila ku esete kua buloba bua Moaba, bakashikama dishiya dia musulu wa Ânona; kadi kabakabuela mu mu-kalu wa Moaba, bualu bua Ânona wakadi mukalu wa Moaba.