Dibadika 20:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mose wakabandisha tshianza tshiandi, wakakuma dibue ne mulangala wandi misangu ibidi, mai a bungi akabuluka, ne bantu bonso bakanua, ne bimuna biabo.

MUKANDA WA MYIDI MUKULU

¹¹ Moshe kutuuta dikombu pa lubuebue misangu ibidi. Mayi kupatuka mapite bungi. Bena Izrayele kunua, ne bimuma biabu kabidi.

Dibadika 20:11 교차 참조

1 Kulondolola 15:13

Bualu bua nuenu kanuakautuala diambedi, Yehowa Nzambi wetu wakahatuka kutudi bua kukukengesha, bualu bua tuetu katuakakeha disua diandi mu mukenji eu.

1 Kulondolola 15:2

Hashishe Davidi wakamba ne, Anu Bena Lewi badi ne bua kutuala mushete wa Nzambi; bualu bua Yehowa wakabasungila bua kutualabo mushete ne bua kumukuatshilabo mudimu tshiendelele.

Misambu 105:41

Yeye wakahanda dibue, mai akahumukamu; akahueka mu miaba miume bu musulu.

Misambu 114:8

wakakudimuna dibue bua kuluadi kashiba ka mai, wakakudimuna dibue dia mutemu bua kuluadi mushimi wa mai.

Misambu 74:15

Wakahanda nshila bua mishimi ya mai ne tusulu bihuekelemu, wakabaluisha misulu yakadi ihueka misangu yonso.

Misambu 78:15

Wakahanda mabue a mu tshihela, wakabaha mai a kunua a bungi bu muakadiu muhatuke mu ndondo wa mu mai manene.

Misambu 78:16

Wakahatula misulu ya mai kabidi mu dibue, wakahuekeshaku mai bu mudi misulu ihueka.

Misambu 78:20

Monai, yeye wakakuma dibue, ne hua muanda eu mai akahatukamu, ne misulu yakahasalala. Udi mua kutuha bidia kabidi, anyi? Udi mua kulongoluela bantu bandi munyinyi, anyi?

Ekesode 17:6

Mona, meme nengimane ku mpala kuebe ha mutu ha dibue dia Holeba, wewe neukume dibue ne mai neahatuke, bantu banue mai Mose wakenza nunku ku mesu kua bakulu ba Bena Isalele.

Yeshaya 43:19

Monai, nengenze bualu buhia-buhia; nebumueneke mpindiu, kamina babumanye, anyi? Nengenze nshila mu tshihela, nempatule misulu mu tshihela tshia lusenga.

Yeshaya 48:21

Kabakadi ne nyota hakabalomboleye mu bihela bia lusenga; yeye wakabahatuila mai mu dibue; wakahanda dibue kabidi, ne mai akahatuka.

Osheya 13:5

Nakanumanya mu tshihela tshia lusenga, mu buloba bua munanga mukole.

Lewitiki 10:1

Nadaba ne Abihu, bana balume ba Alona, bakangata malonga a kahia, muntu dilonga diandi muntu dilonga diandi, bakatekamu kahia, bakelahu musenga wa manananshi, bakalua ne kahia kakadi kakayi tshijila ku mpala kua Yehowa, hakadiye kayi mubambile.

Dibadika 20:8

Angata mulangala, usangishe bantu bonso ne wewe ne Alona mukuluʼebe, wewe wambile dibue didi ku mesu kuabo, dihatule mai, wewe neubahatuile mai ku dibue, wewe neubanuishe mai ne bimuna biabo.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

1 Korente 10:4

buonso buabo bakanua bia kunua biobiumue bia Nyuma; bua bakanua ku dibue dia Nyuma diakabalonda, ne dibue edi diakadi Kilisto.

Dielulula 8:15

wakanulombola mu tshihela tshinene tshibi, tshiakadi ne nyoka isuma bu kahia ne tuminyiminyi, ne buloba budi kabuyi ne mai; wakanuhatula mai mu dibue dikole;

Yakobe 1:20

bualu bua tshishi tshia muntu katshiena tshienza malu makane a Nzambi.

Balombodi 15:19

Kadi Nzambi wakahanda dina diakadi mu dibue dia Lehi ne mai akahatuka; hakanueye mai, muoyo wandi wakahingana ne yeye wakasangala; nunku wakidika muaba au ne, Enehakole, udi mu Lehi tô ne lelu.

1 Samuele 15:19

Nunku wewe kuakatumikila dî dia Yehowa bua tshinyi? Kadi wakahana bintu, Wakenza bualu bubi ku mesu kua Yehowa.

1 Samuele 15:24

Shaula wakambila Samuele ne, Nakuenza bualu bubi bualu bua nakuhidia mukenji wa Yehowa ne mei ebe kabidi; nakatshina bantu, nakatumikila mei abo.