Dibadika 18:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuenu nenulame tshitendelelu ne tshioshelu, nunku mulau mukuabo kaukuatshi Bena Isalele.

MUKANDA WA MYIDI MUKULU

⁵ Nuenu nenuenze mudimu muaba wa tshijila, ne ku tshilambuilu. Nanku tshiakufikila kabidi bena Izrayele bonsu munda to.

Dibadika 18:5 교차 참조

1 Kulondolola 23:24

Aba bakadi bana balume ba Lewi ku nsubu ya batatuʼabo, bakadi ku mutu kua nsubu ya batatuʼabo bu bantu bakabalabo ku mena abo ku muntu ne muntu, bakadi benza mudimu wa mu nsubu wa Yehowa, bakadi ne bidimu bikumbane makumi abidi tô ne ku mutu.

1 Kulondolola 23:32

ne bua bobo balame nsubu wa kusambakena ne muaba wa tshijila, ne bana balume ba Alona, bana babo, mu mudimu wa mu nsubu wa Yehowa.

1 Kulondolola 24:5

Bakabatahulula ku nshobo ku mudimu ne ku mudimu; bualu bua bakadi ne tuhita tua mu muaba wa tshijila ne tua Nzambi tua munkatshi mua bana ba Eleazâ ne tua Itamâ kabidi.

1 Kulondolola 9:19

Shaluma, muana wa Kole, muana wa Ebiyasafa, muana wa Kola, ne bana babo nʼandi ba mu nsubu wa tatu wandi, Bena Kola, bakadi ku mutu kua mudimu eu, balami ba ku bibuelelu bia mu ntenta wa kusambakena; batatu babo bakadi ku mutu kua tshitudilu tshia Yehowa, balami ba ku bibuelelu.

1 Kulondolola 9:23

Nunku bobo ne bana babo balela bakadi batangila bibuelelu bia mu nsubu wa Yehowa, nsubu wa kusambakena mene, bu balami babi.

1 Kulondolola 9:33

Aba mbimbi ba misambu ba ku mutu kua nsubu ya batatu babo ba Bena Lewi bakadi bashikama mu nsubu ei; bakadi kabayi ne mudimu mukuabo, bualu bua bakadi ne mudimu wabo munya ne butuku.

Ekesode 27:21

Mu tshitendelelu ku mpala kua tshilulu tshidi ku mpala kua mushete wa Nzambi Alona ne bana bandi balume nebalame muinda dilolo tô ne dinda ku mesu kua Yehowa, bualu ebu nebuikale bu mukenji ku bikondo bienu tshiendelele kudi bana ba Isalele.

Yirmeya 23:15

Nunku Yehowa wa misumba udi wamba bua baprofete aba ne, Tangilai, nembadishe ne bintu bia bululu, nembanuishe mai a lulengu, bualu bua malu mabi mafume kudi baprofete ba mu Yelushalema, akutangadika mu buloba buonso.

Yezekiyele 44:15

Mukelenge Yehowa udi wamba ne, Kadi bakuidi ba munkatshi mua Bena Lewi, bana ba Sadoka, bakadi balama tshitendelelu tshianyi hakahambuka Bena Isalele bua kumuka kundi, bobo bine basemene ha buihi hanyi bua kunkuatshilabo mudimu; bimane ku mpala kuanyi bua kufila manyi ne mashi kundi.

Yezekiyele 44:16

Babuele mu tshitendelelu tshianyi, balue ku mesa anyi bua kunkuatshila mudimu, ne bobo balame malu anyi.

Lewitiki 10:6

Mose wakambila Alona ne Eleazâ ne Itama ne, Kanutudi bifulu ku mitu yenu, kanuhandi bilulu bienu, bua kanufu bienu, ne bua tshiji tshia Yehowa katshilu kudi bantu bonso, kadi bana benu, tshisamba tshionso tshia Bena Isalele, badile bualu bua kahia kakatemesha Yehowa.

Lewitiki 24:3

Alona nealongolole minda dilolo ne dinda ku mesu kua Yehowa ku dituku ku dituku, ku mpala kua tshilulu tshia ku muaba wa tshijila mu ntenta wa kusangakena eu udi mukenji wa tshiendelele mu bikondo bienu bionso.

Zekâya 10:3

Tshiji tshianyi tshidi kudi balami, nenkengeshe balombodi; bualu bua Yehowa wa misumba udi ulama mikoko yandi, Bena Yuda mene, neabavuishe bu kabalu kandi ka lumu mu nvita.

Dibadika 1:50

kadi usungule Bena Lewi bua kuenzabo mudimu mu nsubu wa tshitendelelu, ne wa bintu bionso bidimu bobo nebatuale nsubu ne bintu bionso bidimu, bobo nebabibale, nebashikame ha buihi ne nsubu wa tshitendelelu.

Dibadika 1:53

Kadi Bena Lewi nebashimike ntenta yabo minyunguluke nsubu wa tshitendelelu, bua mulau kaukuatshi Bena Isalele Bena Lewi nebabale nsubu wa tshitendelelu.

Dibadika 16:46

Mose wakambila Alona ne, Angata dilonga dia kahia, tekahu kahia ka ku tshioshelu, tekahu musenga wa manananshi, uye biebe lubilu kudi tshisumbu tshia bantu, bua kubabuikidila bubi buabo, bualu bua tshiji tshiakumana kuhatuka kudi Yehowa, disama dikole diakumana kubanga.

Dibadika 18:4

Bobo nebakukuatshishe bua bintu bia mu ntenta wa kusambakena, ne mu mudimu wonso wa Ntenta muenyi kalu ha buihi nʼenu.

Dibadika 4:18

Kanumushi tshisamba tshia meku a Bena Kohata munkatshi mua Bena Lewi,

Dibadika 8:19

Nakafila Bena Lewi kudi Alona ne bana bandi balume bu kuha kuabo munkatshi mua Bena Isalele, bua kukuatshila Bena Isalele mudimu mu nsubu wa tshitendelelu, ne bua kubuikidila Bena Isalele bubi buabo, bua bualu bubi kabukuatshi Bena Isalele haluabo ha buihi ne ntenta wa kusambakena.

Dibadika 8:2

Wambile Alona ne, Hawatemesha minda minda muanda mutekete neyikale ku mpala kua tshitekelu tshia muinda.

1 Timote 1:18

Ndi nkutekela mukenshi eu, muanʼanyi Timote, bu mudi mei a baprofete akadianjilabo kuamba bua bualu buebe, bua wewe uluangane nvita mimpe ne dikuatshisha diau.

1 Timote 3:15

kadi binashala musangu mule, udi nkufundila mukanda eu bua wewe umanye bu mudibo ne bua kuenza mu nsubu wa Nzambi, udi muaba wa tshijila wa ekelesia wa Nzambi udi ne muoyo, udi bu dikunshi ne tshishindamenu bia malu malelela.

1 Timote 5:21

Ndi akolesha buabo, ebu bikole ku mesu kua Nzambi ne kua Kilisto Yesu ne kua banjelo bandi basungula, bua wewe kutumikila malu â kui mudianjile kukosa bualu munda muebe ne kui ne kansungunsungu.

1 Timote 6:20

Wewe Timote, ulame tshiakakuhebua; ehuka ku biakulakula bia hatuhu ne ku mpata ya bantu badi ne lungenyi ludibo batuhakana ne, Ndulelela;