Dibadika 16:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Kadi bikala Yehowa wenza bualu buhia-buhia, ne buloba bubulula mukana muabu bubamina ne bantu bonso hadibo nʼabo, ne bobo baya ku Muaba wa Bafue hatshidibo ne muoyo, nunku nenumanye ne bantu aba bakalengulula Yehowa.

MUKANDA WA MYIDI MUKULU

³⁰ Kadi, pikala Maweja-Nangila mubenzele bualu budi kabuyi buanji kuenzeka, pikala buloba bumine, bujibikile bantu abu ne bena meku abu, ne bintu biabu, baye mu kandondu ka bafue, batshikale ne muoyi, nanku nenujadike ne: mbasendeke Maweja-Nangila.

Dibadika 16:30 교차 참조

Yobe 31:2

Bua buhianyi bua kudi Nzambi wa mu diulu budi mua kuikala tshinyi? Buhianyi bua kudi Wa Bukole Buonso wa mu diulu budi mua kuikala tshinyi?

Yobe 31:3

Kabuena dikenga kudi bantu babi, anyi? Kabuena dibutuka kudi benji ba malu mabi, anyi?

Misambu 124:3

ha diba adi bakadi kutumina, tuetu batshikale ne muoyo, hakadi tshiji tshiabo tshitema bua kutuosha;

Misambu 55:15

Dibutuka dikuluke hamʼbidi habo, bahueke biabo ne muoyo tô ne ku Muaba wa Bafue, bualu bua malu mabi adi mu nsubu yabo ne munkatshi muabo.

Yeshaya 28:21

Bua Yehowa neajuke bu muakajukeye ha mukuna wa Pelazima, neikale ne tshiji bu muakadiye nʼatshi mu luhongo lua Gibeona; bua kuenza mudimu wandi, mudimu udi ukemesha bantu, bua kumana tshienzedi tshiandi, tshienzedi tshiandi tshidiye kayi muanze kuenza diambedi.

Yeshaya 43:19

Monai, nengenze bualu buhia-buhia; nebumueneke mpindiu, kamina babumanye, anyi? Nengenze nshila mu tshihela, nempatule misulu mu tshihela tshia lusenga.

Yeshaya 45:12

Nakafuka buloha, nakafuka bantu badimu. Bianza bianyi nkayabi biakabaha diulu, ne nakelela bintu biadi bionso mukenji.

Yeshaya 45:7

Ndi ngenza munya, ndi nfuka midima kabidi; ndi nvuisha ditalala, ndi nvuisha makenga; meme ndi Yehowa udi wenza malu â onso.

Yirmeya 31:22

Wewe muana mukashi wakunkoma nyima, newendakane eku ne eku musangu bule bishi? Bualu bua Yehowa wakufuka tshintu tshihia-tshihia ha buloba: mukashi neatambe mulume.

Yezekiyele 31:14

bua mitshi mikuabo idi hehi ne mai kayimanyi mua kudibandisha mulu, anyi kutuma tutongabela tuai mu matutu, ne bua mitshi idi mua mai kayimanyi mua kutamba mikuabo bule. Bualu bua bakahisha buonso buai bua kuluayi, bua kuhuekayimu ndondo wa buloba, munkatshi mua bukua bantu, hohamue ne badi bahueka mu Dina dia Bafue.

Dibadika 16:31

Hakashikisheye kubambila mei a onso, buloba buakahandika muinshi mua makasa abo,

Dibadika 16:33

Nunku bobo ne bantu bonso bakalamata kudibo bakaya mu Muaba wa Bafue hakadibo ne muoyo, ne buloba buakabuikila mukana muabu ku mutu kuabo, ne bobo biakajimina munkatshi mua tshisumbu.