Dibadika 13:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Mose wakabatuma ku Kanâna bumuke ku tshihela tshia Palana, muakamba Yehowa buonso buabo bakadi balume ba ku mutu kua Bena Isalele.

MUKANDA WA MYIDI MUKULU

³ Moshe kuitaba diyi dia Maweja-Nangila. Kusungulaye bantu bavua bonsu bamfumu ba bena Izrayele, bua bumuke mu tshipela tshia Parane, baye mu Kenaane.

Dibadika 13:3 교차 참조

Dibadika 10:12

Bena Isalele bakaya ku mpala ku luendu luabo mu tshihela tshia Sinai, ditutu bakimana mu tshihela tshia Palana.

Dibadika 12:16

Hashishe bantu bakumuka ku Haselota, bakashikama mu tshihela tshia Palana.

Dibadika 13:2

Utume bantu, bua bobo batentekele buloba bua Kanâna, bundi mpa Bena Isalele, usungule mundi ku tshisamba ku tshisamba, mundi yonso udi bu mukelenge munkatshi muabo.

Dibadika 13:26

Hakafikabo, bakalua kudi Mose ne kudi Alona ne kudi tshisumbu tshionso tshia Bena Isalele mu tshihela tshia Palana ku Kadesha, bakalua kudibo ne kudi tshisumbu tshionso ne dî diabo, bakabalesha mamuma a buloba abu.

Dibadika 13:4

Au mmena abo wa mu tshisamba tshia Lubena, Shamua, muana mulume wa Zaku.

Dibadika 32:8

Batatu benu bakenza nunku hanakabatuma ku Kadeshe-bânea bua kutentekelabo buloba.

Dibadika 34:17

Au mmena a balume badi banutahuluila buloba bua buhianyi buenu, Eleazâ muakindi ne Yoshua, muana mulume wa Nuna.

Dielulula 1:19

Tuakabika ku Holeba, tuakenda tô mu tshihela atshi tshinene tshibi tshinuakatangila, ku nshila wa ku mikuna ya Bena Amole, bu muakatuambila Yehowa, Nzambi wetu; tuakalua ku Kadeshe-bânea.

Dielulula 1:23

Bualu ebu buakusankisha bimpe, nakasungula balume dikumi ne babidi, muntu ku tshisamba muntu ku tshisamba.

Dielulula 9:23

Hakanumusha Yehowa ku Kadeshe-bânea ne, Yai bienu, nuhiane buloba bunakanuha; hashishe nuakahidia dî dia Yehowa, Nzambi wenu, kanuakamuitabusha, kanuakunvua di diandi.

1 Samuele 25:1

Samuele wakafua; Bena Isalele bonso bakadisangisha, bakamujinga, bakamujika mu nsubu wandi mu Lama. Davidi wakajuka, wakaya biandi mu tshihela tshia Palana.