Danyele 9:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ tuakuenza malu mabi, tuakuhambuka mu nshila wa buakane, tuakuenza bibi, tuakutomboka, tuakusesuka ku mikenji yebe ne mei ebe.

MUKANDA WA MYIDI MUKULU

⁵ Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Danyele 9:5 교차 참조

2 Bakalenga 18:12

bualu bua kabakatumikila dî dia Yehowa, Nzambi wabo, kadi bakashiha tshihungidi tshiandi; bakabenga mikenji yonso yakabambila Mose, muntu wa Yehowa, kabakayunvua, kabakayenza.

2 Bakalenga 21:15

bualu bua bobo bakuenza malu mabi ku mesu kuanyi, bakunfuisha tshiji ku difuku dinakafuma ne bankambua babo mu Ejipitu tô ne ku dituku edi.

Ezela 9:6

nakamba ne, O Nzambi wanyi, bundu budi bunkuata bikole bua meme kuhandisha mesu anyi kûdi, Nzambi wanyi; bualu bua malu mabi etu akavulangana ha mitu hetu, ne kuhila kuetu kuakamana kufika mu diulu.

Misambu 106:6

Tuakuenza bibi bu muakenza batatu betu; tuakuenza malu a tshishiku, tuakuenza malu mabi.

Misambu 119:102

Tshiakuehuka ku mei ebe majalame, bualu bua wewe muine wakunyisha.

Misambu 119:176

Nakuhambuka bu mukoko mujimine; ukebe muena mudimu webe, bualu bua tshiena mpua mikenji yebe muoyo.

Misambu 18:21

Bualu bua nakalamata nshila ya Yehowa, ne tshiakumuka kudi Nzambi wanyi bua kumuenzela malu mabi.

Yeshaya 53:6

Buonso buetu tuakubambuka bu mikoko, tuakukudimuka bua kuya muntu wandi nshila muntu wandi nshila; Yehowa wakuteka dihila dia bubi bua buonso buetu hamʼbidi handi.

Yeshaya 59:13

ludi tumutombokela, ne tudi tuhidia Yehowa; tudi tuhingana, katuyi tulonda Nzambi wetu; tudi tuamba mei a dikengesha ne ditomboka; tudi tuelangana meji a mashimi ne tudi tuamba mei a mashimi adi afuma mu mitshima yetu.

Yeshaya 64:4

Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

Yirmeya 14:20

Yehowa, tudi tutonda mibi yetu ne malu mabi a batatu betu; bualu bua tuakukuenzela bibi.

Yirmeya 14:7

Bulelela, mihi yetu idi ituhisha, kadi wewe Yehowa, utukuatshishe bualu bua dina diebe; tuakualukila ku mibi misangu ya bungi, tuakukuenzela bibi.

Yirmeya 3:25

Tulale bietu hanshi mu bundu buetu, malu etu a bundu atubuikile; bualu bua tuakuenzela Yehowa Nzambi wetu bibi, tuetu ne batatu betu kabidi, ku buana buetu tô ne ku dituku edi; katuakutumikila dî dia Yehowa Nzambi wetu.

Yirmeya 30:14

Bakunangi bebe bonso bakukuhua muoyo, kabena bakukeba kabidi; bualu bua nakukutaha mputa bu wa muena lukuna, nakukukengesha ne dikengesha dia muena lukuna udi kayi ne luse, bualu bua mibi yebe yakadi ya bungi, ne malu mabi ebe akuvulangana.

Yirmeya 44:3

bualu bua malu mabi abo akenzabo bua kunkuatshishabo tshiji, hakayabo kuosha musenga wa manananshi ne kutendelelabo nzambi mikuabo yakadibo kabayi bamanye, nansha bobo nansha nuenu nansha batatu benu.

Muadi 1:18

Yehowa udi mubinge, bualu bua nakutombokela mukenji wandi. Unvuai, nuenu bantu bonso, nutangile kanyinganyinga kanyi, bua mishikankunde yanyi ne bansongalume banyi badi baye mu buhika.

Muadi 1:20

Yehowa, tangila biebe, bualu bua ndi mu ntatu, mutshima wanji udi usama; mutshima wanyi wakunyengabala munda muanyi, bualu bua nakutombokela Nzambi bikole. Ha mbelu muele wa nvita wakubishila bantu lufu, mu nsubu mudi lufu kabidi.

Muadi 3:42

Tuakushiha mikenji yebe ne tuakukutombokela; wewe kuakutubuikidila mibi yetu.

Yezekiyele 5:6

Kadi bena musoko eu bakutombokela mikenji yanyi mu kuenza kua malu mahite a bisamba bikuabo ne a ba mu maloba adi abanyunguluka bubi; bualu bua bakuhidia mikenji yanyi, kabakuenda mikenji inakabafundila.

Yezekiyele 6:9

Ba munkatshi muenu badi bahanduka nebanvuluke munkatshi mua bisamba biaya nʼabo mu buhika, hananyingalasha mitshima yabo ya masandi yakûmushabo kundi, ne hanafofomesha mesu abo akadibo batangisha ku mpingu yabo bu bena masandi. Malu mabi akenzabo neababihishe ku mesu kuabo, malu abo a bundu mene.

Danyele 9:11

Bulelela, bonso ba mu Isalele bakushiha mikenji yebe, bakusesuka, kabakunvua dî diebe. Nunku bakutuha mulau bu muakuamba mutshihu udi mufunda mu mikenji ya Mose, muntu wa Nzambi, bualu bua tuakuenzela Nzambi bibi.

Danyele 9:15

Katataka, Mukelenge Nzambi wetu, wakuluhula bantu bebe mu buloba bua Ejipitu ku tshianza tshikole, wakunvuisha dina diebe dinene bu mudidi lelu eu, tuakuenza bibi, tuakuenza malu mabi.

Danyele 9:9

Kudi Mukelenge Nzambi wetu kudi luse ne kujimisha kua mibi yetu, bualu bua tuakumutombokela.

Osheya 1:2

Ku tshibangidilu hakayikila Yehowa ne Hoshea, Yehowa wakamuambila ne, Ya biebe, ubake mukashi wa masandi, ulele nʼandi bana ba mu masandi; bualu bua ba mu buloba ebu badi balonda malu a masandi, bahambuke kudi Yehowa.

Malaki 3:7

Mu matuku a batatu benu tô ne mpindiu nuakûmuka ku mikenji yanyi, kanuakuyitabusha. Yehowa wa misumba udi wamba ne, Hinganai kundi ne meme nempingane kunudi. Kadi nudi nuamba ne, Netuhingane munyi?

Ebrewu 3:12

Bana betu, nudimuke bua bumue kakulu kuikala umue wenu udi ne mutshima mubi wa buhidia munda muandi, mu dilekela diandi dia Nzambi wa muoyo;