Danyele 9:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bulelela, bonso ba mu Isalele bakushiha mikenji yebe, bakusesuka, kabakunvua dî diebe. Nunku bakutuha mulau bu muakuamba mutshihu udi mufunda mu mikenji ya Mose, muntu wa Nzambi, bualu bua tuakuenzela Nzambi bibi.

MUKANDA WA MYIDI MUKULU

¹¹ Tshisamba tshijima tshia bena Izrayele tshiwa tshishipe mikenji yebe, tshisesuke ku malongesha ebe. Nanku milawu idi mifunda mu mikenji ya muena mudimu webe Moshe, yatukuatshi bua buntomboji buetu ebu.

Danyele 9:11 교차 참조

2 Bakalenga 18:12

bualu bua kabakatumikila dî dia Yehowa, Nzambi wabo, kadi bakashiha tshihungidi tshiandi; bakabenga mikenji yonso yakabambila Mose, muntu wa Yehowa, kabakayunvua, kabakayenza.

2 Bakalenga 22:16

Yehowa udi wamba ne, Monai, meme nentume malu makole ku muaba eu ne kudi bena buloba abu bu mudi mei onso adi mafunda mu mukanda eu wakabala mukelenge wa Yuda.

Yeshaya 1:3

Ngombe udi mumanye nfumu wandi, mpunda udi mumanye tshidilu tshia mukelenge wandi; kadi Bena Isalele kabena bamanye bualu, bantu banyi kabena bajingulula malu.

Yeshaya 43:28

Nunku nakubihisha bakokeshi bebe bakujidikabo kundi; nakujidila Yakoba bua kuikaleye tshintu tshia kubutula, ne Isalele bu tshintu tshia kuhendabo.

Yirmeya 16:11

Nunku neubambile ne, Yehowa udi wamba ne, Bualu bua batatu benu bakundekela, bakulonda nzambi ya bende, bakuyikuatshila mudimu, bakuyitendelela, bakundekela ne kabakutumikila mikenji yanyi.

Yirmeya 2:29

Yehowa udi ukonka ne, Bua tshinyi nudi basue kumbanda meme, ne buonso buenu nuakuntombokela?

Yirmeya 30:14

Bakunangi bebe bonso bakukuhua muoyo, kabena bakukeba kabidi; bualu bua nakukutaha mputa bu wa muena lukuna, nakukukengesha ne dikengesha dia muena lukuna udi kayi ne luse, bualu bua mibi yebe yakadi ya bungi, ne malu mabi ebe akuvulangana.

Yirmeya 32:23

Bakabuelamu, bakabuangata bu buloha buabo. Kadi kabakatumikila dî diebe, ne kabakenda mu mikenji yebe; kabakenza bualu bumue bua malu onso awakabambila bua kuenzabo. Nunku wewe wakubatumina malu â onso.

Yirmeya 40:3

Yehowa wakushikisha dî diandi, wakuenza bu muakambeye; bualu bua nuakenzela Yehowa bibi, kanuakatumikila dî diandi; nunku malu a onso akunukuata.

Yirmeya 44:22

Yehowa kakamanya mua kuitabusha kabidi bienzedi bienu bibi ne malu enu manyanguke. Bua bualu ebu buloba buenu buakulua bikulu, budi bukuatshisha buowa kudi bakuabo, budi ne mulau, kabuyi ne bantu bu mudibu dituku edi.

Yirmeya 44:23

Makenga â akunukuata, atudi tumona lelu, bualu bua nuakuoshila nzambi mikuabo musenga wa manananshi, ne nuakuenzela Yehowa bibi, kanuakutumikila dî dia Yehowa, kanuakuenda mu mikenji yandi, mu mei andi majalame ne mu mikenji idi ilesha bu mudiye.

Yirmeya 6:19

Wewe buloba, unvua biebe; nentumine bantu aba makenga, mmamuma adi meji abo akuama, bualu bua kabena batumikila mei anyi; bakahetula mikenji yanyi.

Yirmeya 9:26

Ba mu Ejipitu, ba mu Yuda, ba mu Edome, ba mu Amona, ba mu Moaba ne bonso badi ne nsuki yabo mibeya biketu badi bashikame mu tshihela; bualu bua ba mu bisamba abi bionso kabena ne ditengula dilelela, ne Bena Isalele kabena batengudibue mu mitshima yabo.

Danyele 9:13

Dikenga edi diakutukuata, bu muakafundabo mu mikenji ya Mose; katuena banze kulomba luse kudi Yehowa Nzambi wetu; katuena banze kulekela malu mabi etu ne katuakutumikila mei ebe a bushuwa.

Danyele 9:5

tuakuenza malu mabi, tuakuhambuka mu nshila wa buakane, tuakuenza bibi, tuakutomboka, tuakusesuka ku mikenji yebe ne mei ebe.

Zekâya 1:6

Kadi mei anyi ne mikenji yanyi, binakuelela bantu banyi baprofete, kabiakafika kudi batatu benu, anyi? Nunku bobo bakakudimuka, bakamba ne, Bu muakadi Yehowa wa misumba muhangidishe bua kutuenzela bua bienzedi bietu ne bua malu etu, mbu mudiye mutuenzele.

Zekâya 7:12

Eyo, bakavuisha mitshima yabo bu dibue dia diamant, bua kabunvu diyisha dia mikenji ne mei akadi Yehowa wa misumba mubatumine ku bukole bua Nyuma wandi mukana mua baprofete ba diambedi. Nunku tshiji tshikole tshia Yehowa wa misumba tshiakaha kudibo.

Zekâya 8:13

Bu munuakadi bantu bedibue mulau munkatshi mua bisamba bia bantu, nuenu Bena Yuda ne Bena Isalele, nunku ndi musue kunuhandisha, ne nenulue bantu badi basankisha bakuabo. Kanutshinyi, maboko enu ikale ne bukole.

Dielulula 8:20

Bu muakajimisha Yehowa bisamba bikuabo ku mpala kuenu, nunku nuenu nenujimine, bualu bua nuenu nuakahidia kunvua dî dia Yehowa, Nzambi wenu.