Danyele 8:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nakabanduluka, nakatangila, ekumona, tshimpanga tshiakadi ne nsengu ibidi tshiakimana ku muelelu wa musulu. Nsengu ei yakadi mile, kadi lumue luakahita lukuabo bule, ne lusengu alu luhite bule luakamena ku nyima kua lukuabo.

MUKANDA WA MYIDI MUKULU

³ Ntangila, meme kumona tshimpanga tshimane, tshitangilangane ne mukidi awu. Tshivua ne nsengu ibidi mile. Lusengu luvua lumene kunyima lututa lupite lukuabu bule.

Danyele 8:3 교차 참조

1 Kulondolola 21:16

Davidi wakabanduluka, wakamona muanjelo wa Yehowa muimane hankatshi ha diulu ne buloba ne muele wa nvita mu tshianza tshiandi tshiolola ha mutu ha Yelushalema. Hashishe Davidi ne bakulu baluate bilulu bikayabala bakatua mpala yabo hanshi.

Ezela 1:2

Kolesha, mukelenge wa Pelasa, udi Wamba ne, Yehowa, Nzambi wa mu diulu, wakumpa makelenge onso a ha buloba; nyeye wakungelela mukenji bua meme kumuashila nsubu mu Yelushalema, udi mu buloba bua Yuda.

Ezela 4:5

bakatatshisha bantu anu bua kubahumbishabo matuku onso a Kolesha, mukelenge wa Pelasa, tô ne ku bukokeshi bua Dayawesha, mukelenge wa Pelasa.

Estere 1:3

mu tshidimu tshisatu tshia bukokeshi buandi yeye wakalambishila bantu bandi banene ne bena mudimu bandi bidia bia disanka; bena bukole ba Bena Pelasa ne Bena Madai, bantu banene ne bana ba bakelenge ba mu nseke yonso, bakadi ku mpala kuandi;

Yeshaya 13:17

Monai! Nensonsole Bena Madai bua kuleshabo bantu aba, ne bobo kabena bamona argent bu tshintu tshimpe, ne or kena ubasankisha.

Yeshaya 21:2

Bakummanyisha tshikena kumona tshikole; muena lukinu udi wenza malu a lukinu, muhaudi udi uhaula. Bandaku, Elama; tshintshimika, Madai! Nempuwishe kuhumuna kuonso kuakuvuisheye ku luseke alu.

Yeshaya 44:28

udi wamba bua Kolesha ne, Udi mulami wa mikoko yanyi, nênze malu onso andi mudihangidishile. Udi wamba bua Yelushalema ne, Nebamuibake kabidi; ne bua ntempelo ne, Nebajadike bishimikidi biebe.

Yirmeya 51:11

Sakishai mikete, kuatai ngabu bikole; Bualu bua Yehowa wakusonsola mitshima ya banfumu ba Bena Madai, bualu bua yeye wakuhangidisha bua kubutula Babulona; bua edi ndisombuela dia Yehowa, disombuela didiye nʼadi bua ntempelo wandi.

Danyele 10:5

nakabanduluka, nakatangila, eku mona, muntu wakadiku, muluate bilulu bia lin, musuike mukaba wa or wa mushinga mukole wa ku Ufasa.

Danyele 2:39

Ku nyima kuebe bukelenge bukuabo, buhite buebe buhuekela, nebubike; hashishe, bukelenge buisatu bua tshiamu tshia mitaku mene nebumueneke, nebukokeshe ba ha buloba bonso.

Danyele 5:31

Dayawesha, Muena Madai, wakadia bukelenge, wakadi ne bidimu bu makumi asambombo ne bibidi.

Danyele 6:28

Nunku Danyele wakadi ne diakalengele mu matuku a bukokeshi bua Dayawesha ne mu bukokeshi bua Kolesha, Muena Pelasa.

Danyele 7:5

Monai! Nyama muibidi wakadiku, mufuanangane ne nyama wa ours, wakadi mulale kabese, wakadi ne mifuba ya mbavu isatu mukana muandi mikuata ku menu andi; bakamuela dî ne, Juka, udie munyinyi wa bungi.

Danyele 8:2

Nakamona malu â mu tshikena kumona; hanakâmona, nakamanya ne, Ndi mu Shushana, luhangu lunene lua mukelenge lua mu province wa Elama; mu tshikena kumona atshi nakadimona hehi ne musulu wa Ulai.

Danyele 8:20

Bua tshimpanga tshiwakamona tshiakadi ne nsengu ibidi, nsengu ai idi bukelenge ba Bena Madai ne Bena Pelesa.

Zekâya 1:18

Nakabanduluka, nakatangila; ne monai, nsengu inai yakadiku!

Zekâya 2:1

Nakabanduluka, nakatangila; ekumona! Muntu muikale ne luidi mu tshianza tshiandi.

Zekâya 5:1

Nakabanduluka kabidi, nakatangila, ekumona, mukanda muvunga wakadi ubuka!

Zekâya 5:5

Hashishe, muanjelo wakadi uyikila nʼanyi wakaluhuka, wakangambila ne, Banduluka, mona tshintu etshi tshidi tshihatuka ne, Ntshintu kai?

Zekâya 5:9

Hashishe, nakabanduluka, nakatangila, ekumona! Bakashi babidi baluhuke, luhehele luakadi mu mahuahua abo; bakadi ne mahuahua bu mahuahua a kasonga nyunyu. Bakambula tshihiminu tshia épha ne bakatshibandisha hankatshi ha diulu ne buloba.

Zekâya 6:1

Nakabanduluka kabidi, nakatengila, ekumona! Makalu a nvita anai akadi afuma hankatshi ha mikuna ibidi; mikuna ei yakadi mikuna ya tshiamu tshia mitaku.

Dibadika 24:2

Belâma wakabandisha mesu andi, wakatangila Bena Isalele bashikama ku milongo ya bisamba biabo, Nyuma wa Nzambi wakalua kudiye.

Yoshua 5:13

Hakadi Yoshua hehi ne Yeleko, wakabanduluka, wakatangila ne, monai, muntu wakadi muimane hehi nʼandi ne muele wa nvita mu tshianza tshiandi, ne Yoshua wakaya kudiye, wakamukonka ne, Wewe udi ku luseke luetu anyi ku luseke lua badi nʼetu lukuna?

Didimanyisha 13:11

Nakatangila nyama wa luonji mukuabo uhatuka mu buloba, wakadi ne nsengu ibidi mifuane ya muana wa mukoko, ne wakakula bu dragon.

Didimanyisha 5:6

Nakatangila munkatshi mua nkuasa wa butumbi ne mua bifukibue bidi ne muoyo, ne mua bakulu, muana wa mukoko wakadi muimane bu mumane kushihibua, muikale ne nsengu muanda mutekete ne mesu muanda mutekete, bidi Nyuma ya Nzambi muanda mutekete idibo batuma ha buloba buonso.