Danyele 8:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yeye neikale ne bukokeshi bua bungi, kadi kena ubuheta ku bukole buandi nkayandi. Yeye neavuishe dibutuka didi ditamba bukole, neatute dikasa dimpe mu malu mabi adiye wenza neabutule bantu badi ne bukole ne bantu ba bansanto diatshimue.

MUKANDA WA MYIDI MUKULU

²⁴ Bukole buende nebudiunde, kadi ki nku bukole buende yeye nansha. Neabutule matunga mushindu wa dikema. Malu onsu adiye wenza nealubuluke. Neabutule too ne bantu badi ne bukole, kabidi ne tshisamba tshia tshijila.

Danyele 8:24 교차 참조

Misambu 37:35

Nakumona muntu mubi muikale ne bukole buandi bua bungi, mudituntumushe bu mutshi mubishi udi udiunda mu buloba buau,

Danyele 11:23

Habunga nʼandi mukuabo tshihungidi, mu diba adi mene yeye neabange kuenza malu a kumudinga nʼau; nealue muntu mimene, muikale ne bantu babalê ku nyima kuandi.

Danyele 12:7

Nakunvua dî dia muntu wakadi muluate bilulu bia lin, ne wakadi umueneka ku mutu kua mai a musulu, hakabisheye tshianza tshiandi tshia balume ne tshia bakashi mulu, wakaditshiha mu dina dia udi ne muoyo tshiendelele ne, Malu â neashike hahita tshikondo tshimue, bikondo bibidi ne tshituha tshia tshikondo, hamanabo kutekesha bukole bua bantu ba tshijila.

Danyele 7:25

Yeye neadiule Nzambi Mutambe Bunene wa mu diulu ne mei mabi, neatatshishe bansanto ba Mutambe Bunene wa mu diulu tô ne hahangabo. Neahangidishe bua kukudimuna bikondo bia tshijila ne mikenji, ne bansanto nebafidibue mu bianza biandi tô ne hahita tshikondo tshimue, bikondo bibidi ne tshituha tshia tshikondo.

Danyele 8:10

Luakalua lunene bu bintu bia mu diulu; luakela misumba mikuabo ya mitoto hanshi, luakayidiata muinshi mualu.

Danyele 8:11

E, luakadivuisha bunene bu Mukokeshi wa misumba ya ba mu diulu, luakamunyenga milambu yandi ya kuosha ya buatshia-buatshia, luakanyanga muaba wa tshitendelelu tshiandi.

Danyele 8:12

Bakafila musumba wa mu diulu ne mulambu wa kuosha wa buatshia-buatshia kudilu, bualu bua ditombokela Nzambi. Luakela malu a bushuwa hanshi, luakenza bu muakadilu lusue kuenza, luakatuta dikasa dimpe.

Danyele 8:23

Mu tshikondo tshia kunshikidilu tshia makelenge â, havulangana malu mabi, mukelenge mukuabo udi ne mpala wa luonji wa disu dikole ne wa budimu neajuke.

Didimanyisha 16:6

Bualu bua bakahongolola mashi a basanto ne a baprofete, ne wewe wakabahesha mashi bua kunua; badi bâkanyine.

Didimanyisha 17:17

Bualu bua Nzambi wakabuesha bualu ebu mu mitshima yabo bua kuenzabo mudiye wela meshi, ne bua kuikalabo ne meshi amue, ne bua kufilabo bukelenge buabo kudi nyama wa luonji tô ne hashika mei a Nzambi.

Didimanyisha 17:6

Ne nakatangila mukashi mukuatshike ne mashi a basanto, ne mashi a bamanyishi ba Yesu. Hanakamutangila, nakakema ne dikema dikole.

Didimanyisha 19:2

bualu bua dilumbulula diandi didi dilelela ne diakane; bualu bua wakulumbuluisha mukashi wa masandi mimene, yeye wakanyanga buloba ne masandi andi, ne wakasombuela mashi a bahika bandi mualombe ku tshianza tshiandi.