Danyele 8:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshisatu tshia bukokeshi bua mukelenge Beleshasâ tshikena kumona tshiakamueneka kundi meme Danyele, bu muakamuenekatshi kundi ku tshibangidilu.

MUKANDA WA MYIDI MUKULU

¹ “Mu tshidimu tshisatu tshia bukalenga bua Baltazare, meme Daniyele, mvua mumone bualu bupiabupia budi Mvidi Mukulu mundeje kunyima kua bumvua mumone kumpala.

Danyele 8:1 교차 참조

Yezekiyele 1:1

Mu tshidimu tshia makumi asatu, mu ngondo muinai, mu dituku ditanu dia ngondo, hanakadi munkatshi mua bahika ku muelelu wa musulu wa Kebâ, diulu diakabuluka, ne nakamona bikena kumona bia Nzambi.

Danyele 1:17

Nzambi wakaha bansongalume aba banai meji ne lungenyi mu diyila dia mikanda yonso ne mu meji makuabo; ne Danyele wakadi ne lungenyi lua kujingulula bikena kumona bionso ne bilota.

Danyele 10:2

Mu matuku au, meme Danyele nakadi ndiladila mbingu isatu.

Danyele 10:7

Meme Danyele, nkayanyi nakamona tshikena kumona; bantu bakadi nʼanyi kabakamona tshikena kumona etshi, kadi kuzakala kukole kuakabakuata, bakanyema bua kusokoma.

Danyele 11:4

Hatantamaneye, nebanyenge bukelenge buandi, nebabutahulule tô ne ku mpehele inai ya mu diulu; kadi kabena babuhiana kudi bana bandi, kabuena buikala ne bukole buakadibu nʼabu hakadiye ubukokeshe; bualu bua nebabuangate, nebabuheshe banga bantu badi kabayi ba munkatshi mua bantu bandi.

Danyele 7:1

Mu tshidimu tshia kumudilu tshia bukokeshi bua Beleshasa, mukelenge wa Babulona, Danyele wakalota tshilota, wakamona bikena kumona ku mutu wandi hakadiye mu bulalu buandi; hashishe, wakafunda tshilota tshiandi, utela malu onso akamoneye.

Danyele 7:15

Meme, Danyele, mutshima wanyi wakalubakana munda muanyi, bikena kumona bia ku mutu wanyi biakankuatshisha buowa.

Danyele 7:28

Eu nshikidilu wa muanda eu. Meme hanyi, Danyele, mutshima wanyi wakahampakana ne buowa, ne mpala wanyi wakandamuka; kadi nakalama muanda eu mu mutshima wanyi.

Danyele 8:15

Hashishe, meme Danyele, hanakatangila tshikena kumona etshi, nakadi nkeba kutshijingulula, ekumona, tshinfuanyi bu tshia muntu tshimana ku mpala kuanyi!

Danyele 8:2

Nakamona malu â mu tshikena kumona; hanakâmona, nakamanya ne, Ndi mu Shushana, luhangu lunene lua mukelenge lua mu province wa Elama; mu tshikena kumona atshi nakadimona hehi ne musulu wa Ulai.

Danyele 9:2

mu tshidimu tshia kumudilu tshia bukokeshi buandi, meme Danyele, nakatangila mu Mifundu ya Nzambi ne bidimu makumi muanda mutekete nebihite diambedi dibutuka dia Yelushalema kadiyi dianze kushika bu bungi bua bidimu biakambila Yehowa Yelemiya muprofete.