Danyele 7:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Wa ku mpala wakadi bu nyama wa ntambue, wakadi ne mahuahua bu nyunyu wa mukanku. Hanakadi ntangila, bakatula mahuahua andi, bakamujula hanshi, bakamuimanyika ku makasa abidi bu muntu, bakamuha mutshima bu wa muntu.

MUKANDA WA MYIDI MUKULU

⁴ Nyama wa kumpala uvua mufuanangane ne ntambue, kadi uvua ne mapuapua bu nyunyi wa tshiminyi. Pantshivua mutangile, kutulabu mapuapua ende. Kumuelabu panshi, kumuimanyika pa mikonu ibidi ya nyima bu muntu. Kupetaye lungenyi lua muntu.

Danyele 7:4 교차 참조

2 Samuele 1:23

Shaula ne Yonatana bakadi bakane, bakadi banyishibua kudi bantu mu mioyo yabo, kabakadi bahanduluke mu lufu luabo; bakahita nyunyu ya mikanku lubilu, bakatamba nyama ya ntambue bukole.

Yobe 25:6

Monai mudi muntu mutambe kukeheshibua, udi bu tshikusu, ne mudi muana wa muntu mukeheshibue, udi bu musanda!

Misambu 9:20

Yehowa, ubakuatshishe buowa, ba mu bisamba bia bantu bamanye biabo ne, Tudi anu bantu.

Yirmeya 25:38

Yeye wakulekela tshisokomenu tshiandi bu mudi nyama wa ntambue wenza; bualu bua buloba buakulua bu tshihela bualu bua bukole bua muele wa nvita wa Yehowa, ne bua bukole bua tshiji tshiandi.

Yirmeya 4:13

Monai! Yeye udi ubandaku bu mudi matutu abanda, makalu andi a nvita nende lubilu bu nvunde; tubalu tuandi tudi tuhita nyunyu ya mikanku lubilu. Mulau udi utukuata! Bualu bua tuakubutuka.

Yirmeya 4:7

Nyama wa ntambue wakubandaku, mufume mu tshihuka muakadiye, mubutudi wa bisamba bia bantu; udi mu nshila wandi, muhatuke mu muaba wandi bua kuvuisha buloba buenu tshihela, bua misoko yebe ibutuke, ikale kayiyi ne bantu.

Yirmeya 48:40

Bualu bua Yehowa udi wamba ne, Monai, muena lukuna neahahale mulu bu nyunyu wa mukanku, neolole mahuahua andi bua kuluisha Bena Moaba.

Yirmeya 49:19

Monai, neabandeku bu mudi nyama wa ntambue mufume ku ditu dia ku musulu wa Yadene bua kuluisheye mikoko idi mu luhangu ludi hola, nunku nembihate mu muaba wabo lukasa, nenteke muntu yonso undi nsungula ha mutu hau. Bualu bua udi bu meme nganyi! Nganyi udi mua kusunguila tshikondo tshia kuenza bualu? Mulami wa mikoko kai udi mua kuimana ku mpala kuanyi?

Muadi 4:19

Batuihatshi bakahita nyunyu ya mikanku ya mulu kuya lubilu; bakatuihata tô ne ha mikuna, bakatualamina mu tshihela.

Yezekiyele 17:3

ubambile ne, Mukelenge Yehowa udi wamba ne, Nyunyu munene wa mukanku, wakadi ne mahuahua manene, mahuahua male mene, muase masala a bungi akadi ne mibidi ya mishindu mishilangane, wakalua ku Lebanona; wakangata ditamba dia ku lusongo lua mutshi wa cêdre;

Yezekiyele 28:2

Muana wa muntu, ambila mukokeshi wa mu Tulo ne, Mukelenge Yehowa udi wamba ne, Wakunanga tshiadi tshiebe, wakuamba ne, Ndi Nzambi, ndi mushikame mu tshishikaminu tshia Nzambi munkatshi mua mai manene; kadi wewe udi anu muntu, kuena Nzambi, nansha wewe wela meji ne, Ndi Nzambi.

Yezekiyele 28:9

Newambe ku mpala kua mukushihi ne, Meme ndi Nzambi, anyi? Kadi wewe udi anu muntu mu bianza bia mukutahi wa mputa; kuena Nzambi nansha.

Danyele 2:38

Yeye wakufila bukua bantu mu bianza biebe, nyama ya mu mpata, nyunyu ya mulu, ne miaba yonso idibi tushikame, wakauteka wewe mukokeshi ku mutu kuabi. Wewe mume udi mutu au wa or.

Danyele 4:36

Mu diba adi mene meji anyi akahingana kundi; ne bua butumbi bua bukelenge buanyi, buneme buanyi ne butumbi buanyi biakahingana kundi. Bena meji banyi ne miloho yanyi hakalua kundomba lungenyi. Nakajadikibua mu bukelenge buanyi, ne butumbi buanyi buakahita bua diambedi bunene.

Danyele 7:12

Nyama ai mikuabo, bakayinyenga bukokeshi buai, kadi bakayilehesha matuku a mioyo yai tô ne ku tshikondo tshikuabo.

Danyele 7:5

Monai! Nyama muibidi wakadiku, mufuanangane ne nyama wa ours, wakadi mulale kabese, wakadi ne mifuba ya mbavu isatu mukana muandi mikuata ku menu andi; bakamuela dî ne, Juka, udie munyinyi wa bungi.

Matayi 24:28

Bikololo bitu biadisangisha hadi tshintu tshibole.

Dielulula 28:49

Yehowa neanutumme tshisamba tshia kule kuakua ku ditunga dikuabo bu nyunyu wa mukanku; kanuena bamanye muaku wa tshisamba atshi;

Didimanyisha 13:2

Ne nyama nuakatangila wakafuana nyama wa nkashama, ne makama andi akadi bu akama a nyama wa ours, ne mukana muandi muakadi bu mukana mua nyama wa ntambue; ne dragon wakamuhesha bukole buandi, ne nkuasa wandi wa butumbi, ne bukokeshi bunene.