Danyele 7:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nebafile bukelenge ne bukokeshi ne butumbi bua makelenge a muinshi mua diulu dionso kudi bantu ba bansanto ba Nzambi Mutambe Bunene wa mu diulu. Bukelenge buabo nebuikale bukelenge bua tshiendelele, ba mu makokeshi onso makuabo nebabakuatshile mudimu ne nebatumikile mei abo.

MUKANDA WA MYIDI MUKULU

²⁷ Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Danyele 7:27 교차 참조

Misambu 145:13

Bukelenge buebe budi bukelenge bua tshiendelele, ne bukokeshi buebe budi bushala tô ne ku bikondo bionso.

Misambu 22:27

Ba mu kunfudilu kua buloba nebamuvuluke, nebakudimune mitshima yabo kudi Yehowa. Ba mu biota bionso bia bisamba bia bantu nebatendelele ku mpala kuebe.

Misambu 72:11

E, bakelenge bonso bamukukuile, ba mu bisamba bionso bia bantu bamukuatshile mudimu.

Misambu 86:9

Ba mu bisamba bionso bia bantu biwakufuka nebalue kukukuila ku mesu kuebe, Mukelenge, nebatumbishe dina diebe.

Yeshaya 14:2

Ba mu bisamba bia ba bende nebabangate, nebabafile ku muaba wabo. Ba mu Bena Isalele nebadiangatshile bantu aba bu buhianyi buabo mu buloba bua Yehowa bua kuikalabo bahika babo balume ne bahika babo bakashi. Nunku nebabueshe bantu aba mu buhika bakadi bababuesha mu buhika diambedi, ne nebakokeshe ku mutu kua bakadi babakengesha.

Yeshaya 54:3

Bualu bua wewe neubaluluke ku tshianza tshia balume ne ku tshianza tshia bakashi; tunkanunuma tuebe netuhiane buhianyi bua bisamba bia bantu, nebashikame mu misoko yakadi bikulu.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.

Danyele 6:26

Ndi ngela mukenji ne. Mu nseke yonso ya bukelenge bundi nkokesha, bantu bazakale, bikale ne ditshina ku mpala kua Nzambi wa Danyele; Bualu bua yeye udi Nzambi wa muoyo, udiku tshiendelele; bukelenge buandi mbukelenge budi kabuyi mua kubutudibua kashidi, bukokeshi buandi nebuikaleku tô ne kunshikidilu kua malu onso.

Danyele 7:14

Bakamuha bukokeshi, butumbi ne bukelenge, bua bantu bonso, ba bisamba bionso ne ba miaku yonso bamukuatshile mudimu. Bukokeshi buandi budi bukokeshi bua tshiendelele, budi kabuyi mua kujimina, bukelenge buandi m bukelenge budi kabuyi mua kubutudibua.

Danyele 7:18

Kadi bansanto ba Nzambi Mutambe Bunene wa mu diulu nebangate bukelenge, bukelenge nebuikale kudibo tshiendelele, lahalaha.

Danyele 7:22

tô ne hakalua Wa Kale wa Matuku a Bungi. Mu tshilumbuluidi yeye wakabingisha bansanto ba Mutambe Bunene wa mu diulu hakalua tshikondo tshia bansanto kudiabo bukelenge.

Obadya 1:21

Bahikudi nebabande ha mukuna wa Siona bua kulumbuluisha mu mukuna wa Esau, ne bukelenge nebuikale bua Yehowa.

Zekâya 14:9

Yehowa neikale Mukelenge wa buloba bujima. Mu dituku adi Yehowa neikale anu umue, ne dina diandi nedikale dimue.

Luke 1:33

neikale mukelenge wa nsubu wa Yakoba tshiendelele; bukelenge buandi kabuena ne tshishikidilu.

Yowanane 12:34

Bantu bakamukonka ne, Tuakunvua mu mikenshi ya Nzambi ne, Kilisto udi wikala tshiendelele; ahu munyi mûdi wamba ne, Budi nʼabu Muana wa muntu mbua kubishibua? Eu Muana wa muntu nganyi?

1 Korente 15:24

Hashishe, kunshikidilu kulualua, hafileye bukelenge kudi Nzambi, Tatu mene, hajimisheye makelenge onso makuabo ne bukokeshi buonso ne bukole.

Didimanyisha 11:1

Ne bakumpa dilenga bu tshibangu, bangambila ne, Bika, widikishe ntempelo wa Nzambi ne tshioshelu, ne badi batendelelamu.

Didimanyisha 11:15

Muanjelo wa muanda mutekete wakela mpungi; ne mei makole a mu diulu akalua, amba ne, Bukelenge bua ha buloba buakulua bukelenge bua Mukelenge wetu, ne bua Kilisto wandi, ne yeye neakokeshe tô ne tshiendelele.

Didimanyisha 17:14

Ne bobo nebaluangane nvita ne Muana wa Mukoko, ne Muana wa Mukoko neabahite bukole, bualu bua yeye udi Mukelenge wa bakelenge ne Nfumu wa banfumu; ne bantu badi nʼandi, babikidibue, ne basungidibue, ne ba kueyemena, nebahite bukole kabidi.

Didimanyisha 19:16

Yeye udi ne dina difunda ha tshmialu ne ha tshibelu tshiandi ne, Nfumu wa Banfumu, ne Mukelenge wa Bakelenge.

Didimanyisha 20:4

Nakatangila nkuasa ya butumbi, ne bakashikamahu, ne bakabaha bukole bua kulumbuluisha; ne nakatangila mioyo ya bakoshibua mitu bualu bua bumanyishi buabo bua Yesu, ne bualu bua dî dia Nzambi, ne bobo bakadi kabai bakukuna nyama wa luonji, anyi tshifuanyikishi tshiandi, ne hakadi kabai bangata tshimanymu ha mpala habo ne ha tshianza tshiabo; bobo bakikala ne muoyo, ne bakakokesha ne Kilisto bidimu tshinunu.

Didimanyisha 22:5

Kakuena kuikala butuku kabidi; ne kabena bakengela dinkenka dia muinda, nasha munya wa diba; bualu bua Mukelenge Nzambi neabatemene; ne bobo nebakokeshe tshiendelele.