Danyele 7:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Nakatangila mu bikena kumona butuku kabidi, ekumona, mukuabo mufuane muana wa muntu ulua mu matutu a mu diulu, wakafika kudi Wa Kale wa Matuku a Bungi, bakafua nʼandi ku mpala kuandi.

MUKANDA WA MYIDI MUKULU

¹³ “Mvua ntangila amu kutangila malu avua Mvidi Mukulu undeja butuku: Meme kumona tshintu tshifuanangane ne muntu, ufumina mu mavuba a mu diulu. Kusemenaye mutangile kuvua mununu, kuvuabu bamufila.

Danyele 7:13 교차 참조

Misambu 110:2

Yehowa neolole bukokeshi buebe bu dikombo kule bubangile mu Siona. Ukokeshe biebe munkatshi mua badi nʼebe lukuna.

Misambu 2:8

Ulombe, nenkuhe bantu ba bisamba bia bende bu buhianyi buebe, ne ba kunfudilu kua buloba bu bantu bebe.

Misambu 47:5

Nzambi wakubanda mu diulu munkatshi mua mbila, Yehowa wakubanda mu tshiona tshia dî dia mpungi.

Yirmeya 49:19

Monai, neabandeku bu mudi nyama wa ntambue mufume ku ditu dia ku musulu wa Yadene bua kuluisheye mikoko idi mu luhangu ludi hola, nunku nembihate mu muaba wabo lukasa, nenteke muntu yonso undi nsungula ha mutu hau. Bualu bua udi bu meme nganyi! Nganyi udi mua kusunguila tshikondo tshia kuenza bualu? Mulami wa mikoko kai udi mua kuimana ku mpala kuanyi?

Yezekiyele 1:26

Ha mutu ha diulu diakadi ha mutu habi hakadi tshinfuanyi tshia nkuasa wa bukelenge, muikale ne mubidi wa dibue dia saphir; ne ha tshinfuanyi tshia nkuasa wa bukelenge hakadi tshinfuanyi tshia mundi mushikame mulu amu.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Danyele 7:12

Nyama ai mikuabo, bakayinyenga bukokeshi buai, kadi bakayilehesha matuku a mioyo yai tô ne ku tshikondo tshikuabo.

Danyele 7:2

Danyele wakamba ne, Nakadi ntangila mu tshikena kumona tshianyi butuku, ekumona, mpehele inai ya mu diulu yakaheha ha mutu ha mai manene.

Danyele 7:22

tô ne hakalua Wa Kale wa Matuku a Bungi. Mu tshilumbuluidi yeye wakabingisha bansanto ba Mutambe Bunene wa mu diulu hakalua tshikondo tshia bansanto kudiabo bukelenge.

Danyele 7:9

Hanakadi ntangila, bakateka nkuasa ya bukelenge. Wa Kale wa Matuku a Bungi wakashikamahu. Bivualu biandi biakadi bitoke tô bu neige, ne nsuki ya ku mutu wandi yakadi bu miosa ya mikoko. Nkuasa wandi wa bukelenge wakadi bu ludimi lunene lua kahia, nkata ya ku nkuasa wandi yakadi kahia kakole.

Danyele 8:15

Hashishe, meme Danyele, hanakatangila tshikena kumona etshi, nakadi nkeba kutshijingulula, ekumona, tshinfuanyi bu tshia muntu tshimana ku mpala kuanyi!

Matayi 13:41

Muana wa muntu neatume banjelo bandi, nebasungule mu bukelenge buandi benji ba malu mabi ne bintu bionso bidi bilenduisha bantu,

Matayi 24:30

hashishe, tshimanyinu tshia Muana wa muntu netshimueneke mu diulu; bisamba bionso bia ha buloba nebidile, nebimone Muana wa muntu ulua ha matutu a mu diulu ne bukole buandi ne butumbi buandi bunene.

Matayi 25:31

Halua Muana wa muntu mu butumbi buandi ne banjelo bonso, neashikame mu nkuasa wa butumbi buandi;

Matayi 26:64

Yesu wakamuambila ne, Muomu; kadi ndi numanyisha ne, Ku dituku adi nenumone Muana wa muntu mushikame ku tshianza tshia balume tshia Bukole, ulua biandi ha matutu a mu diulu.

Matayi 28:18

Yesu wakalua kudibo, wakabambila ne, Bakumana kumpa bukokeshi buonso mu diulu ne ha buloba.

Matayi 8:20

Yesu wakamuambila ne, Mibuabua idi ne mena ai, nyunyu ya mulu idi ne masua ai; kadi Muana wa muntu kena ne ha kuladika mutu wandi.

Marke 13:26

Hashishe, nebamone muana wa muntu ulua mu matutu ne bukole buandi bunene ne butumbi buandi.

Luke 21:27

Hashishe nebamone Muana wa muntu ulua mu ditutu ne bukole ne butumbi bunene.

Luke 21:36

Tabalai misangu yonso, nutendelele Nzambi mua kuikala ne bukole bua kuhanduka mu malu â onso alua, ne bua kuimana ku mesu kua Muana wa muntu.

Luke 24:27

Wakabangila ku Mose ne ku baprofete bonso, wakabajinguluila malu akafundabo mu Mukanda wa Nzambi wonso bualu buandi.

Yowanane 12:34

Bantu bakamukonka ne, Tuakunvua mu mikenshi ya Nzambi ne, Kilisto udi wikala tshiendelele; ahu munyi mûdi wamba ne, Budi nʼabu Muana wa muntu mbua kubishibua? Eu Muana wa muntu nganyi?

Yowanane 3:13

Kakuena muntu wakubanda mu diulu anu yeye wakufuma mu diulu, Muana wa muntu mene, udi biandi mu diulu.

Yowanane 5:27

yeye wakamuha bukokeshi bua kulumbuluisha, bualu bua yeye udi muana wa muntu.

Bienzedi 7:56

wakamba ne, Monai, ndi ntangila diulu dibululuke, ne Muana wa muntu muimane ku tshianza tshia bukole tshia Nzambi.

1 Tesalonike 4:17

ne hasnishe tuetu batshidi ne muoyo badibo bashîa netuangatshibue nʼabo hohamue mu matutu, bua kusangila ne Mukelenge mu luhehele; nunku netuikale ne Mukelenge tshiendelele.

1 Timote 6:16

anu yeye udi kai mua kufua, udi wikala mu munya udi bantu kabai bamanye mua kufika kudiu, udi muntu kai muanze kuimona, ne udiye kai mumanye mua kumona kabidi; yeye ikale biandi ne buneme ne bukole bua tshiendelele. Amen.

Ebrewu 2:14

Bualu bua bana bakuabanyangana mubidi ne mashi, yeye muine kabidi wakadiangatshila bintu binʼebe muomumue; bua ku lufu luandi yeye amuvuishe tshianana udi ne bukole bua lufu, ndiabolo mene;

Ebrewu 9:24

Bualu bua Kilisto kakabuela mu muaba wa tshijila muasa ne bianza, mufuanangane ne muaba mulelela; kadi wakabuela mu diulu muine, bua kumuenekeye mpindiu ku mpala kua Nzambi bua bualu buetu;

Didimanyisha 1:13

ne munkatshi mua bitekelu bia minda nakamona mukuabo mufuana muana wa muntu, muluate tshilulu tshifika tô ne ku makasa, ne munyungulula ne mukaba wa ngolo ha tshiadi tshiandi.

Didimanyisha 1:18

ne Udi ne muoyo; nakadi mufue, ne mona, ndi ne muoyo tshiendelele, ne ndi ne nvungula ya lufu ne ya Muaba wa Bafue.

Didimanyisha 1:7

Tangilai, yeye udi ulua ne matutu; ne disu dionso nedimumone, ne bobo bine bakamutua difuma nebamumone; ne bisamba bionso bia ha buloba nebidile muadi bua bualu buandi. Bulelela. Amen.

Didimanyisha 14:14

Nakatangila ne, mona, ditutu ditoke; ne nakatangila mukuabo mafuane muana wa muntu ushikama ha ditutu, muikale ne tshifulu tshia butumbi tshia ngolo ha mutu handi, ne muele mutuisha wa kunowa nʼau mu tshianza tshiandi.