Danyele 4:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.

MUKANDA WA MYIDI MUKULU

³⁴ Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Danyele 4:34 교차 참조

2 Samuele 22:31

Nshila wa Nzambi udi muakane tshishiki; dî dia Yehowa didi ditetshibua; yeye udi ngabu kudi bantu bonso badi banyemena kudiye.

1 Kulondolola 29:10

Nunku Davidi wakavudishila Yehowa disanka ku mpala kua bantu bonso; Davidi wakamba ne, Yehowa, Nzambi wa Isalele tatu wetu, wikale ne disanka tshiendelele.

1 Kulondolola 29:13

Nunku, Nzambi wetu, tudi tukusakidila, tudi tutumbisha dina diebe dia butumbi.

Yobe 1:21

Wakamba biandi ne, Nakaluhuka mu difu dia mamuʼanyi butaka, nempingane butaka. Yehowa wakampa bintu, Yehowa wakangata bintu; dina dia Yehowa ditumbishibue.

Misambu 10:16

Yehowa udi Mukelenge tô ne tshiendelele; bisamba bia bantu biakujimina mu buloba buandi.

Misambu 102:24

Ndi ngamba ne, Nzambi wanyi, kungumushi hankatshi ha matuku anyi, wewe muena bidimu bidi bileba tô ne ku bikondo bionso.

Misambu 107:15

Basakidile Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:22

Bafile milambu kudiye ya kumusakidila nʼai, bambile bantu bienzedi biandi ne misambu ya disanka!

Misambu 107:31

Basakidile biabo Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:8

Basakidile biabo Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 111:7

Bienzedi bia bianza biandi bidi bilesha bushuwa buandi ne kulumbulula kuandi kuakane, mei onso adiye wambila bantu adi mua kueyemenyibua.

Misambu 121:1

Ndi mbandisha mesu anyi ku mikuna mile. Dikuatshisha dianyi didi difuma kudi kunyi?

Misambu 123:1

Ndi mbandisha mesu anyi kûdi, wewe udi mushikame mu diulu.

Misambu 145:13

Bukelenge buebe budi bukelenge bua tshiendelele, ne bukokeshi buebe budi bushala tô ne ku bikondo bionso.

Misambu 146:10

Yehowa neakokeshe tô ne kashidi; Siona, Nzambi webe neakokeshe tô ne bikondo bionso. Tumbishai Yehowa!

Misambu 50:14

Fila mulambu wa disakidila kudi Nzambi, futa mitshihu yebe kudi Udi Mutambe Bunene wa mu Diulu.

Misambu 66:7

Udi ukokesha bantu ku bukole buandi tshiendelele; mesu andi adi atentekela bisamba bia bantu — batombokedi kabadibandishi nansha.

Misambu 7:17

Nensakidile Yehowa bu mudi buakane buandi, nengimbile dina dia Yehowa Mutambe Bunene wa mu diulu misambu ya kumutumbisha nʼai.

Misambu 9:2

Nengikale ne disanka ne musangelu bua bualu buebe; nengimbile dina diebe misambu ya kuhumbisha nʼai, wewe Nzambi Mutambe Bunene wa mu diulu.

Misambu 92:1

Bidi bimpe bua kusakidila Yehowa, ne bua kuimba misambu ya kutumbisha nʼai dina diebe, Nzambi Mutambe Bunene wa mulu.

Yeshaya 13:11

Nenkengeshe ba ha buloba bua bubi buabo, ne bantu babi bua malu mabi abo; nempuwishe kudilesha kua badi badisue, nempuekeshe kudibandisha kua bakokeshi badi bakengesha bantu babo.

Yeshaya 2:11

Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Yeshaya 24:15

Bua malu â tumbishai bienu Yehowa mu maloba a ku esete, tumbishai dina dia Yehowa, Nzambi wa Isalele, mu maloba a ku muelelu wa mai manene.

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.

Muadi 3:38

Makenga ne masanka kabiena bifuma kudi Mutambe Bunene wa mu Diulu, anyi?

Danyele 12:7

Nakunvua dî dia muntu wakadi muluate bilulu bia lin, ne wakadi umueneka ku mutu kua mai a musulu, hakabisheye tshianza tshiandi tshia balume ne tshia bakashi mulu, wakaditshiha mu dina dia udi ne muoyo tshiendelele ne, Malu â neashike hahita tshikondo tshimue, bikondo bibidi ne tshituha tshia tshikondo, hamanabo kutekesha bukole bua bantu ba tshijila.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Danyele 4:2

Nakuelangana meji ne, Mbimpe bua meme kunumanyisha bua bimanyinu ne malu a kukema biakungenzela Nzambi Mutambe Bunene wa mu diulu.

Danyele 4:26

Bu muakelabo mukenji bua kushiya tshikuku tshia mutshi ne miji yatshi, bukelenge buebe nebuikale kûdi hawamanya ne wa mu diulu nyeye muine udi ukokesha.

Danyele 4:3

Monai bunene bua bimanyinu biandi! Monai bukole bua malu andi a kukema! Bukelenge buandi budi bukelenge bua tshiendelele, bukokeshi buandi budi bushala ku tshikondo ku tshikondo.

Danyele 4:32

Nebakuihate munkatshi mua bantu, neushikame ne nyama ya mu mpata; neudie mashinde bu mudi ngombe idia; ne bidimu muanda mutekete nebihite tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Danyele 4:36

Mu diba adi mene meji anyi akahingana kundi; ne bua butumbi bua bukelenge buanyi, buneme buanyi ne butumbi buanyi biakahingana kundi. Bena meji banyi ne miloho yanyi hakalua kundomba lungenyi. Nakajadikibua mu bukelenge buanyi, ne butumbi buanyi buakahita bua diambedi bunene.

Danyele 5:18

Mukelenge, umanye ne, Nzambi Mutambe Bunene wa mu diulu wakaha Nebukadenesâ tatuʼebe bukelenge, bunene, butumbi ne buneme.

Danyele 5:21

Bakamuihata munkatshi mua bukua bantu, mutshima wandi wakavuishibua bu wa nyama, wakashikama ne nyama ya mpunda ya mu mpata. Wakadia mashinde bu mudi ngombe idia, ne mubidi wandi wakabola ne dibungi dia mulu to ne hakamanyeye ne, Nzambi Mutambe Bunene wa mu diulu udi ukokesha mu bukelenge bua bantu, ne udi uteka muntu yonso udiye musue ku mutu kuabu.

Danyele 6:26

Ndi ngela mukenji ne. Mu nseke yonso ya bukelenge bundi nkokesha, bantu bazakale, bikale ne ditshina ku mpala kua Nzambi wa Danyele; Bualu bua yeye udi Nzambi wa muoyo, udiku tshiendelele; bukelenge buandi mbukelenge budi kabuyi mua kubutudibua kashidi, bukokeshi buandi nebuikaleku tô ne kunshikidilu kua malu onso.

Danyele 7:14

Bakamuha bukokeshi, butumbi ne bukelenge, bua bantu bonso, ba bisamba bionso ne ba miaku yonso bamukuatshile mudimu. Bukokeshi buandi budi bukokeshi bua tshiendelele, budi kabuyi mua kujimina, bukelenge buandi m bukelenge budi kabuyi mua kubutudibua.

Danyele 7:27

Nebafile bukelenge ne bukokeshi ne butumbi bua makelenge a muinshi mua diulu dionso kudi bantu ba bansanto ba Nzambi Mutambe Bunene wa mu diulu. Bukelenge buabo nebuikale bukelenge bua tshiendelele, ba mu makokeshi onso makuabo nebabakuatshile mudimu ne nebatumikile mei abo.

Danyele 9:14

Bua malu â Yehowa wakalongolola dikenga edi, wakadituma kutudi: bualu bua Yehowa Nzambi wetu udi muakane mu bienzedi biandi bionso, tuetu katuakutumikila dî diandi.

Yona 1:14

Bua muanda eu bakadila kudi Yehowa, bamba ne, Yehowa, tudi tukusengelela, kuitabushi bua tuetu kufua bua muntu eu, kuteki mashi a muntu udi kayi muhishibue hamʼbidi hetu; bualu bua wewe Yehowa, wakuenza bu muwakadi mumone ne mbimpe.

Mika 4:7

Nenyishe badi benda bazobele difuka dia tshisamba, nenvuishe bantu bakihatabo diambedi bu tshisamba tshinene, ne Yehowa neabakokeshe mu mukuna wa Siona ku dituku edi tô ne tshiendelele.

Luke 1:33

neikale mukelenge wa nsubu wa Yakoba tshiendelele; bukelenge buandi kabuena ne tshishikidilu.

Luke 18:13

Kadi musangishi wa mulambu wakimana ha bule, kakasua kuambula mpala mulu, wakadikuma mu tshiadi, wakamba ne, Nzambi, ndi muntu mubi, unfue luse.

Yowanane 5:26

Bu mudi Tatu ne muoyo munda muandi, nunku yeye wakaha Muana kabidi bua kuikaleye ne muoyo munda muandi;

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

1 Timote 1:17

Kudi Mukelenge wa kashidi, udi kai mua kufua, udi kai mua kumuenebua ku mesu, Nzambi umue, buneme ne butumbi bikale kudiye ku bikondo ne ku bikondo. Amen.

1 Timote 6:16

anu yeye udi kai mua kufua, udi wikala mu munya udi bantu kabai bamanye mua kufika kudiu, udi muntu kai muanze kuimona, ne udiye kai mumanye mua kumona kabidi; yeye ikale biandi ne buneme ne bukole bua tshiendelele. Amen.

Didimanyisha 10:6

wakaditshiha kudi udi ne muoyo tshiendelele, wakafuka diulu ne bintu bidimu, ne buloba ne bintu bidihu, ne mai manene ne bintu bidimu, ne, Kakuena dishanguluka kabidi;

Didimanyisha 11:15

Muanjelo wa muanda mutekete wakela mpungi; ne mei makole a mu diulu akalua, amba ne, Bukelenge bua ha buloba buakulua bukelenge bua Mukelenge wetu, ne bua Kilisto wandi, ne yeye neakokeshe tô ne tshiendelele.

Didimanyisha 4:10

bakulu makumi abidi ne banai nebahone ku mpala kua yeye udi ushikama ha nkuasa wa butumbi, nebatendelele yeye udi ne muoyo tshiendelele, nebele bifulu biabo bia butumbi ku mpala kua nkuasa wa butumbi, bamba ne

Didimanyisha 4:9

Ne hafila bifukibue bidi ne muoyo butumbi ne buneme ne disakidila kudi yeye udi ushikama ba nkuasa wa butumbi, kudi yeye udi ne muoyo tshiendelele,