Danyele 4:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye wakela dî dikole, wamba ne, Shimbulai mutshi eu, kosai matamba au, hoholai mabeshi au, tangalashai mamuma au! Nyama yumuke muinshi muau, nyunyu idi ha matamba au ibuke.

MUKANDA WA MYIDI MUKULU

¹⁴ Batumibue ba Mvidi Mukulu kufikisha dipangadika edi, bua bantu bonsu badi ne muoyi bamanye ne: Mvidi Mukulu, Muena kulu, udi mfumu wa makalenga a bantu. Udi upesha muntu udiye musue bukalenga. Udi mua kubupesha nansha muntu udi mushadile ku bonsu.

Danyele 4:14 교차 참조

Yobe 24:20

Difu dia muledi wandi didi dimuhua muoyo; tshikusu tshidi tshimudia ne disanka; bantu kabena bamuvuluka kabidi; bubi budi butshibudibue bu mutshi.

Yirmeya 27:5

Nakufuka buloba ebu ne bantu ne nyama bidi hanshi ha buloba, ku bukole buanyi ne ku diboko dianyi diolola; ndi mbidia muntu yonso bu mundi musue.

Yirmeya 51:6

Numuke mu Babulona, nunyenge, muntu yonso asungile muoyo wandi; kanufu nʼandi mu bubi buandi, bualu bua etshi ntshikondo tshia disombuela dia Yehowa, yeye neabafute difutu diabo.

Yirmeya 51:9

Tuakadi kushikisha disama dia Babulona, kadi disama diandi kadiena dishika. Tumulekele, tuye bietu muntu ku buloba buandi, muntu ku buloba buandi; bualu bua kulumbulula kuandi kudi kufika tô ne mu diulu, kudi kubandishibua tô ne ku matutu.

Yezekiyele 31:10

Bua malu â Mukelenge Yehowa udi wamba ne, Bualu bua wakaleha tô ne mulu, wakatuma katongabela kau tô ne mu matutu, ne mutshima wau wakadibandisha bua bule buau;

Danyele 2:21

Yeye udi ukudimuna bikondo ne bidimu; udi umusha bakelenge, udi ujadika bakelenge; udi ufila meji kudi bena meji, ne lungenyi kudi badi bamanye mua kujingulula malu.

Danyele 3:4

Messager wa nfumu wakela dî dikole ne, Badi banuelela mukenji eu, nuenu ba bisamba bionso ne miaku yonso ne,

Danyele 4:12

Mabeshi au akadi malengele, mamuma au akadi a bungi be, akadi makumbane bia kudia bia bantu bonso. Nyama ya mu mpata yakalala mu dileshi diau, nyunyu ya mulu yakikila ha matamba au ne bonso bakadi ne muoyo bakadia bia kudia kudiu.

Danyele 4:23

Mukelenge wakamona mutangidi, muntu wa tshijila, uhueka hanshi mufume mu diulu, wamba ne, Shimbulai mutshi eu, ûkosololai; kadi shiyai tshikuku ne miji yatshi mu buloba, tshisuikibue ne mukaba wa tshiamu tshifike ne wa tshiamu tshia mitaku, munkatshi mua mashinde a lutende; muntu au aboleshibue ne dibungi dia mulu; adie mashinde a mu mpata bu nyama tô ne hahita bidimu muanda mutekete.

Danyele 4:29

Hakahita ngondo dikumi ne ibidi, yeye wakadi wendakana mu mbalasa wa bukelenge mu province wa Babulona.

Danyele 5:20

Kadi hakadisueye, ne hakakolesheye mutshima wandi, ne bua malu â yeye wakenza malu a dihetu, bakamûmusha mu nkuasa wandi wa bukelenge, bakamunyenga butumbi buandi.

Danyele 5:21

Bakamuihata munkatshi mua bukua bantu, mutshima wandi wakavuishibua bu wa nyama, wakashikama ne nyama ya mpunda ya mu mpata. Wakadia mashinde bu mudi ngombe idia, ne mubidi wandi wakabola ne dibungi dia mulu to ne hakamanyeye ne, Nzambi Mutambe Bunene wa mu diulu udi ukokesha mu bukelenge bua bantu, ne udi uteka muntu yonso udiye musue ku mutu kuabu.

Matayi 3:10

Katataka tshisui tshidi tshiladika ha muji wa mutshi wonso; mutshi wonso udi kawi ukuama mamuma mimpe nebaushimbule, nebawele mu kahia.

Matayi 7:19

Mutshi wonso udi kawi ukuama mamuma mimpe nebaushimbule, nebawele mu kahia.

Luke 3:9

Katataka tshisui tshidi tshiladika ha muji wa mutshi wonso; mutshi wonso udi kawi ukuama mamuma mimpe nebaushimbule, nebawele mu kahia.

Didimanyisha 10:3

ne wakela dî dikole, bu muadi wa nyama wa ntambue; ne hakeleye dî diandi, mikungulu muanda mutekete yakakula mei ai.

Didimanyisha 18:2

Wakela dî dikole, wamba ne, Babulona munene wakuhuka, wakuhuka, wakulua muaba wa bademon ne nsubu wa lukanu wa nyuma yonso wa bukoya, ne nsubu wa lukanu wa nyunyu yonso wa bukoya ne udi wa kukina.