Danyele 2:39 - Mukanda wa Nzambi Dihungila Dikulukulu ne Dihungila Dihia-dihia 2003

³⁹ Ku nyima kuebe bukelenge bukuabo, buhite buebe buhuekela, nebubike; hashishe, bukelenge buisatu bua tshiamu tshia mitaku mene nebumueneke, nebukokeshe ba ha buloba bonso.

MUKANDA WA MYIDI MUKULU

³⁹ Kunyima kua bukalenga buebe, nekupatuke bukalenga bukuabu bushadile ku buebe. Pashishe bukalenga buisatu, budibu baleja kudi tshiamu tshikunze, nebumueneke, butangalaka buloba bujima.

Danyele 2:39 교차 참조

Yeshaya 44:28

udi wamba bua Kolesha ne, Udi mulami wa mikoko yanyi, nênze malu onso andi mudihangidishile. Udi wamba bua Yelushalema ne, Nebamuibake kabidi; ne bua ntempelo ne, Nebajadike bishimikidi biebe.

Danyele 10:20

Yeye wakamba ne, Wewe udi mumanye bualu bunakuluila kûdi, anyi? Mpindiu nempingane bua kuluangana ne muanjelo-mulami wa Bena Pelasa. Hanashikisha nʼandi nvita, muanjelo-mulami wa Bena Gelika nealue

Danyele 2:32

Mutu wa luhingu alu wakadi wa tshiamu tshia or muimpe, tshiadi tshialu ne maboko alu biakadi bia tshiamu tshia argent, dilu dialu ne bibelu bialu biakadi bia tshiamu tshia mitaku.

Danyele 2:38

Yeye wakufila bukua bantu mu bianza biebe, nyama ya mu mpata, nyunyu ya mulu, ne miaba yonso idibi tushikame, wakauteka wewe mukokeshi ku mutu kuabi. Wewe mume udi mutu au wa or.

Danyele 2:40

Bukelenge buinai nebuikale ne bukole bua tshiamu tshifike; bualu bua bu mudi tshiamu tshifike tshitshibula bintu bionso bituha bituha ne tshibibotekasha, ne bu mudi tshiamu tshifike tshibotesha bintu ebi bionso, nunku bukelenge abu nebutshibule, nebubutule makalenge â onso.

Danyele 7:23

Yeye wakangambila ne, Nyama eu muinai neikale bukelenge buinai ha buloba budi bushilangana ne makelenge makuabo onso. Nebubutule buloba bujima, nebubudiatakashe mu makasa, nebubusunsule.

Danyele 8:20

Bua tshimpanga tshiwakamona tshiakadi ne nsengu ibidi, nsengu ai idi bukelenge ba Bena Madai ne Bena Pelesa.

Danyele 8:21

Mpumbu wa mbushi udi mukelenge wa Bena Gelika; lusengu lua hankatshi ha mesu andi ludi mukelenge wa kumudilu.

Zekâya 6:3

ku dikalu disatu kuakadi tubalu tutoke; ku dikalu dinai kuakadi tubalu tutokoloke tuakadi ne matoba.

Zekâya 6:6

Dikalu didi ne tubalu tufike didi diya ku buloba bua ku nôde; tutoke tudi tuya ku buloba bia ku wesete; tudi ne matoba tudi tuya ku buloba bua ku sude.