Danyele 2:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Wewe, mukelenge, udi mukelenge wa bakelenge, udi Nzambi wa mu diulu muhe bukelenge, bukokeshi, bukole ne butumbi.

MUKANDA WA MYIDI MUKULU

³⁷ Wewe udi mukalenga mupite bakalenga bonsu. Mvidi Mukulu wa mu diulu udi mukupeshe bukalenga, dikanda, bukole ne lumu.

Danyele 2:37 교차 참조

1 Bakalenga 4:24

Bualu bua yeye wakakokesha bantu bonso dishiya dia munemu dia musulu wa Pelata ku Tifesa tô ne ku Gaza; wakadi ku mutu kua bakelenge bonso ba dishiya dia munemu dia musulu wa Pelata; yeye wakadi ne ditalala ku nseke yonso yakadi nunyunguluke.

2 Bakalenga 25:28

wakamuambila mei mimpe, wakamushikika mu nkuasa wa butumbi ku mutu kua bakelenge bakuabo bakadiye nʼabo mu Babulona.

2 Kulondolola 36:23

Kolesha, mukelenge wa Pelasa, udi wamba ne, Yehowa, Nzambi wa mu diulu, wakumpa makelenge onso a ha buloba; wakungelela mukenji bua kumuashila nsubu mu Yelushalema udi mu Yuda. Muntu yonso wa bantu bandi bonso badi munkatshi muenu aye biandi, ne Yehowa Nzambi wandi ikale nʼandi.

Ezela 1:2

Kolesha, mukelenge wa Pelasa, udi Wamba ne, Yehowa, Nzambi wa mu diulu, wakumpa makelenge onso a ha buloba; nyeye wakungelela mukenji bua meme kumuashila nsubu mu Yelushalema, udi mu buloba bua Yuda.

Ezela 7:12

Atashasete, mukelenge wa bakelenge, kudi Ezela, muakuidi, mufundi wa mikenji ya Nzambi wa mu diulu udi muakane:

Misambu 62:11

Nzambi wakuamba dî diandi musangu umue; nakunvua di edi misangu ibidi ne, Bukole mbualu bua Nzambi;

Nsumuinu 8:15

Bakelenge badi bakokesha bua bualu buanyi, ne bakokeshi badi balumbulula ne kulumbulula kuakane.

Yeshaya 10:8

Bualu bua yeye udi wamba ne, Tupitene tuanyi tua masalayi tuonso katuena banfumu, anyi?

Yeshaya 47:5

Ushikame muhuwe, buela mu midima, wewe muana mukashi wa Bena Kasada; bualu bua kabena bakubikila kabidi ne, Mukelenge mukashi wa makelenge.

Yirmeya 28:14

Bualu bua Yehowa wa misumba. Nzambi wa Isalele, udi wamba ne, Meme nakuteka mutshi wa tshikokedi wa tshiamu mu nshingu ya ba mu bisamba ebi bionso, bua bakuatshile Nebukadenesâ, mukelenge wa Babulona, mudimu; nebamukuatshile mudimu bulelela, nakumana kufila nyama yonso ya mu mpata mu bianza biandi kabidi.

Yirmeya 34:1

Dî dia Yehowa diakalua kudi Yelemiya hakadi Nebukadenesâ, mukelenge wa Babulona, ne masalayi andi onso ne makelenge onso a hanshi ha buloba bakadi muinshi mua bukokeshi buandi ne ba mu bisamba bionso, baluangana ne Yelushalema ne misoko yau yonso:

Yezekiyele 26:7

Bualu bua Mukelenge Yehowa udi wamba ne, Tangilai, nentumine Bena Tulo Nebukadenesâ, mukelenge wa Babulona, mukelenge wa bakelenge, mufume biandi ku luseke lua nôde, muikale ne tubalu ne makalu a nvita ne babandi ba ha nyima ha tubalu ne tshisumbu tshinene tshia bantu bakuabo.

Danyele 1:2

Mukelenge Yehowa wakafila Yehoyakima, mukelenge wa Yuda, mu bianza biandi, ne tshituha tshia malonga ne mpanza bia mu nsubu wa Nzambi; yeye wakaya nʼabi mu buloba bua Shinâ mu nsubu wa nzambi wandi. Wakabiteka mu nsubu wa tshibutshilu tshia nzambi wandi.

Danyele 2:31

Wewe, mukelenge, wakatangila, ekumona, luhingu lunene! Luhingu alu luakadi lunene be ne luakadi lukenka ne dinkenke dikole, luakimana ku mpala kuebe; tshinfuanyi tshialu tshiakakukuatshisha buowa.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Danyele 4:19

Hashishe, Danyele, udibo babikila ne, Beleteshasâ, wakadi ne mutshima muhandike tô tshituha tshia diba, ne meji andi akamutatshisha. Mukelenge wakamuambila ne, Beleteshasâ, tshilota etshi ne dijingulula diatshi kabikutatshishi nansha. Beleteshasâ wakamukudimuna ne, Mukelenge wanyi, tshilota etshi tshikale kudi badi nʼebe lukuna, ne dijingulula diatshi dikale kudi badi basue kukunyoka.

Danyele 4:22

Mutshi eu nguewe muine, mukelenge. Wewe wakudiunda mimene ne mukole; bualu bua bunene buebe buakuhita bunene, budi bufika tô ne mu diulu, bukokeshi buebe budi bufika tô ne kunfudilu kua buloba.

Danyele 4:25

nebakuihate munkatshi mua bantu, neushikame ne nyama ya mu mpata, neudie mashinde bu mudi ngombe idia; neuboleshibue ne dibungi dia mulu. Bidimu muanda mutekete nebihie tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Danyele 4:3

Monai bunene bua bimanyinu biandi! Monai bukole bua malu andi a kukema! Bukelenge buandi budi bukelenge bua tshiendelele, bukokeshi buandi budi bushala ku tshikondo ku tshikondo.

Danyele 4:32

Nebakuihate munkatshi mua bantu, neushikame ne nyama ya mu mpata; neudie mashinde bu mudi ngombe idia; ne bidimu muanda mutekete nebihite tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.

Danyele 5:18

Mukelenge, umanye ne, Nzambi Mutambe Bunene wa mu diulu wakaha Nebukadenesâ tatuʼebe bukelenge, bunene, butumbi ne buneme.

Danyele 7:14

Bakamuha bukokeshi, butumbi ne bukelenge, bua bantu bonso, ba bisamba bionso ne ba miaku yonso bamukuatshile mudimu. Bukokeshi buandi budi bukokeshi bua tshiendelele, budi kabuyi mua kujimina, bukelenge buandi m bukelenge budi kabuyi mua kubutudibua.

Osheya 8:10

Nansha biadiabo bulunda ne ba munkatshi mua bisamba bia bantu, nembasangishe kabidi tshituha tshihi, nebabange kukenga muinshi mua tshikokedi tshia mukelenge wa bakokeshi.

Matayi 6:13

Kutufikishi hadi mateyi, kadi utusungile kudi bubi. [

Yowanane 19:11

Yesu wakamuandamuna ne, Bu bukokeshi kabui bukuhebue kudi wa mu diulu, wewe kuakadi kuikala nʼabu bua kungenzela bualu; bua bualu ebu nunku wakunfila mu bianza biebe ngudi ne bualu butambe bubi.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Didimanyisha 17:14

Ne bobo nebaluangane nvita ne Muana wa Mukoko, ne Muana wa Mukoko neabahite bukole, bualu bua yeye udi Mukelenge wa bakelenge ne Nfumu wa banfumu; ne bantu badi nʼandi, babikidibue, ne basungidibue, ne ba kueyemena, nebahite bukole kabidi.

Didimanyisha 19:16

Yeye udi ne dina difunda ha tshmialu ne ha tshibelu tshiandi ne, Nfumu wa Banfumu, ne Mukelenge wa Bakelenge.

Didimanyisha 4:11

Wewe, Mukelenge wetu ne Nzambi wetu, udi muakane bua kuangata butumbi ne buneme ne bukole; bualu bua wewe wakafuka bintu bionso, ne bualu bua disua diebe biakadiku, ne biakafukibua.

Didimanyisha 5:12

bamba ne dî dikole ne, Muana wa Mukoko wakushihibua udi ne buakane bua kuangata bukole ne bubanshi ne meshi, ne bukole ne buneme ne butumbi ne disankisha.