Danyele 2:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Hashishe, Aliyoka wakaya ne Danyele kudi mukelenge lukasa, wakamuambila ne, Nakumona muntu munkatshi mua bantu ba ku Yuda bakabueshabo mu buhika udi mua kujingulula mukelenge tshilota tshiandi.

MUKANDA WA MYIDI MUKULU

²⁵ Ariyoke kufila Daniyele pa lukasa kuvua mukalenga, umuambila ne: — Mukalenga, ndi mupete muntu udi mua kukujinguluila tshilota tshiebe. Udi wa ku tshisumbu tshia bena Yuda badibu bakuate, bafike nabu kuneku ku bupika.

Danyele 2:25 교차 참조

Genese 41:14

Hashishe Palô wakatuma di, Wakabikila Yosefe, bakamuhatula mu nsubu wa midima lubilu, yeye wakadibeya muedi wandi, wakaluata bilulu bikuabo, wakaya kudi Palô.

Nehemya 7:6

Aba mbantu ba luseke bakumuka mu buhika, bakadi bangatshibue, bakadi Nebukadenesâ, mukelenge wa Babulona, muangate, bakahingana ku Yelushalema ne ku Yuda, muntu yonso ku mosoko wandi;

Nsumuinu 24:11

Handisha badibo baya nʼabo ku lufu; usungile badi bamba kushihibua.

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Danyele 1:6

Munkatshi mua bantu aba muakadi bakuabo ba Bena Yuda, Danyele, Hananiya, Mishaele, ne Azaliya.

Danyele 5:13

Nunku bakalua ne Danyele ku mpala kua mukelenge. Mukelenge wakakonka Danyele ne, Wewe udi Danyele au, wa munkatshi mua bahika ba ku buloba bua Yuda, wakangata tatu wanyi mukelenge ku buloba bua Yuda, anyi?

Danyele 6:13

Nunku bakakudimuna mukelenge di ne, Danyele au udi umue wa bahika ba Bena Yuda, kena ukunemeka, mukelenge, anyi mukandu uwakujadika ne dina diebe, kadi utshidi utendelela misangu isatu ku dituku ku dituku.