Danyele 2:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Danyele wakamba ne, Dina dia Yehowa ditumbishibue kashidi ne kashidi, bualu bua meji ne bukole mbiandi.

MUKANDA WA MYIDI MUKULU

²⁰ wamba ne: “Tuelayi Mvidi Mukulu tuasakidila diba dionsu! Yeye udi ne meji ne bukole.

Danyele 2:20 교차 참조

Genese 14:20

ne Nzambi Mutambe Bunene wa mu Diulu, wakafua bena lukuna bebe mu tshianza tshiebe, atumbishibue Abalama wakamuha tshia dikumi tshia bintu bionso.

1 Bakalenga 8:56

Yehowa wakaha bantu bandi Bena Isalele dikisha bu muakabalayeye atumbishibue; nansha dî dimue dia milayi yandi mimpe yonso yakalayeye muntu wandi Mose kadiakahona hanshi hatuhu.

1 Kulondolola 29:20

Davidi wakambila bantu bonso ne, Tuvudishilai Yehowa Nzambi wetu disanka. Bantu bonso bakavu-dishila Yehowa, Nzambi wa bankambua babo, disanka, bakinama mitu yabo, bakatendelela Yehowa, bakakukuata mukelenge.

2 Kulondolola 20:21

Hakahungeye dî ne bantu, yeye wakasungula bantu bua kuimbilabo Yehowa misambu ne bua kumutumbishabo mu buakane buandi hakadibo baye ku mpala kua bena nvita, bamba ne, Tumbishai Yehowa, bualu bua luse luandi ludi lujalame tshiendelele.

Nehemya 9:5

Hashishe Bena Lewi, Yeshua ne Kadamiele ne Bani ne Hashabeneya ne Shelebaya ne Hodiya ne Shebanya ne Petehiya, bakamba ne, Jukai bienu, nuvudishile Yehowa Nzambi wenu disanka ku tshibangidilu tô ne kunshikidilu. Bavudishile dina diebe dia butumbi disanka, didi ditumbishibue ha mutu ha masanka onso ne butumbi buonso.

Yobe 12:13

Kudi Nzambi kudi meji ne bukole; yeye udi ne lungenyi ne dijingulula dia malu.

Misambu 113:1

Tumbishai Yehowa! Nuenu bantu ba Yehowa, mutumbishai bienu, tumbishai dina dia Yehowa!

Misambu 113:2

Dina dia Yehowa divudishibue disanka ku dituku edi tô ne tshiendelele.

Misambu 115:18

Kadi tuetu netuvudishile Yehowa disanka ku dituku edi tô ne tshiendelele. Tumbishai Yehowa!

Misambu 147:5

Mukelenge wetu udi munene, udi ne bukole bukumbane; dijingulula diandi dia malu kadiena ne kunfudilu kuadi.

Misambu 41:13

Yehowa, Nzambi wa Isalele, avudishibue disanka ku tshibangidilu tô ne kunshikidilu! Amen! Amen!

Misambu 50:23

Udi ufila disakidila bu mulambu wandi udi untumbisha; nendeshe luhandu lua Nzambi kudi muntu udi ulongolola nshila wandi bimpe.

Misambu 62:11

Nzambi wakuamba dî diandi musangu umue; nakunvua di edi misangu ibidi ne, Bukole mbualu bua Nzambi;

Nsumuinu 8:14

Ndi mua kulesha bantu lungenyi, ndi meji a kukuatshisha nʼau bantu; ndi dijingulula dia mianda, ndi ne bukole.

Yirmeya 32:19

Wewe udi munene mu kulesha kuebe kua lungenyi kudi bantu, udi ne bukole bua bungi mu bienzedi biebe, udi ne mesu ebe mabulule bua kumona nshila yonso ya bana ba bantu, ne bua kufuta muntu yonso bu mudi bienzedi biandi ne bu mudi mamuma a ku bienzedi biandi.

Yezekiyele 28:3

Tangila, wewe udi uhita Danyele lungenyi! Kakuena bualu busokome kûdi!

Matayi 6:13

Kutufikishi hadi mateyi, kadi utusungile kudi bubi. [

Yuda 1:24

Katataka kudi yeye udi mumanye mua kunulama bua nuenu kanulenduki, ne udi mua kunuteka ku mpala kua butumbi buandi ne disanka ditamba bunene, kanui ne tshilema;

Didimanyisha 5:12

bamba ne dî dikole ne, Muana wa Mukoko wakushihibua udi ne buakane bua kuangata bukole ne bubanshi ne meshi, ne bukole ne buneme ne butumbi ne disankisha.