Danyele 12:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tshikondo tshidibo bumusha mulambu wa kuosha wa buatshia-buatshia tô ne tshidibo bateka tshinyangu tshia dibutuka mu muaba wau, matuku neahite tshinunu ne nkama ibidi ne makumi tshitema.

MUKANDA WA MYIDI MUKULU

¹¹ Kubangila ku diba didibu bumbusha mulambu wa buatshia buatshia wa kuoshela Mvidi Mukulu, ne ku diba didibu bateka “Bualu bubi butambe” pa tshioshelu, matuku neapite tshinunu ne nkama ibidi ne makumi tshitema.

Danyele 12:11 교차 참조

Ekesode 29:38

Ei mmilambu ludi mua kuoshila ha tshioshelu bana ba mikoko babidi ba tshidimu tshimue ku dituku ku dituku misangu yonso

Yezekiyele 4:6

Hawamana matuku au, ulale kabidi ku luseke lua ku tshianza tshiebe tshia balume, utuale mibi ya ba mu tshisamba tshia Bena Yuda; ndi nkulekela matuku makumi anai, dituku dimue dikale bu tshidimu tshijima.

Danyele 1:12

Ndi nkusengelela ne, Anji kuteta bantu bebe matuku dikumi; batuhe midioko ya kudia ne mai a kunua;

Danyele 11:31

Bena nvita nehalue kudiye babatumineye mukenji, nebanyange tshitendelelu ne muaba muasa ne ngumbu ya nvita, nebalekeshe diosha dia mulambu wa kuosha wa buatshia-buatshia, nebajadike tshinyangu tshia dibutuka mu muaba wau.

Danyele 7:25

Yeye neadiule Nzambi Mutambe Bunene wa mu diulu ne mei mabi, neatatshishe bansanto ba Mutambe Bunene wa mu diulu tô ne hahangabo. Neahangidishe bua kukudimuna bikondo bia tshijila ne mikenji, ne bansanto nebafidibue mu bianza biandi tô ne hahita tshikondo tshimue, bikondo bibidi ne tshituha tshia tshikondo.

Danyele 8:26

Tshikena kumona tshiakukuambilabo bua dilolo ne dinda tshidi tshia bushuwa, kadi wewe sokoka tshikena kumona etshi, bualu bua tshidi tshilesha malu a matuku a bungi atshidi ku mpala.

Danyele 9:27

Muntu neajadike tshihungidi tshikole ne bantu ba bungi bua kushalatshi lumingu lumue. Hankatshi ha lumingu nealekeshe difila dia mulambu wa nyama mishiha ne wa bia kudia. Mu muaba wa milambu ei yeye neateke tshinyangu tshia dibutuka, tô ne halua dibutuka diakasungula Nzambi hamʼbidi ha muena tshinyangu.

Osheya 3:4

Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda, ne kabayi ne telafima.

Matayi 24:15

Nunku hanuamona tshinyanga tshia dibutuka, tshiakambabo kudi muprofete Danyele, tshimane mu muaba wa tshijila (udi ubala bualu ebu amanye biandi),

Marke 13:14

Kadi hanuamona tshinyanga tshia dibutuka tshimane mu muaba Udi kawi watshi (udi ubala bualu ebu amanye biandi), ha diba adi badi mu Yudaya banyemene ku mikuna;

Didimanyisha 11:2

Tshiendelu tshidi ha bule ha ntempelo, utshishîe ha bule, kutshîdikishi nasha; bualu bua bakutshiba bisamba bia bende; ne bobo nebadiate musoko wa tshijila munshi mua makasa abo ngondo makumi anai ne ibidi.

Didimanyisha 12:6

Ne mukashi wakanyema mu tshihela, mudiye ne muaba mumulongoluela kudi Nzambi, bua kumudishaboku matuku tshinunu ne nkama ibidi ne makumi asambombo.

Didimanyisha 13:5

Bakamuhesha mukana muambe malu manene ne bihendu bia kuhenda nʼabi Nzambi, ne bakamuhesha bukokeshi bua kuenzeye malu andi ngondo makumi anai ne ibidi.