Danyele 11:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bualu bua matu a ku Kitima nealue kudiye ne nvita, ne mutshima wandi neuneme bujitu. Bua muanda eu neahidie tshihungidi tshia tshijila, nênze bu mudiye musue. Nealukile kuabo neunvuangane ne bantu aba badi bahidia tshihungidi tshia tshijila.

MUKANDA WA MYIDI MUKULU

³⁰ Bantu ba ku luseke ludi diba dibuelela nebafike ne majuwa a mayi. Nebamuluishe mvita. Neatekete mu maboku. Neapingane tshianyima. Nealuishe tshiakabidi tshisamba tshidi tshitue ndondu wa tshijila, bualu neumvuangane ne bantu badi babenga ndondu awu.

Danyele 11:30 교차 참조

Genese 10:4

Bana balume ba Yawana badi nunku Elisha ne Tâshishi ne Kitima ne Dodamma.

1 Kulondolola 1:7

Bana balume ba Yawana: Elisha ne Tâshighi ne Bena Kiti ne Lodanima.

Nehemya 6:12

Nakujingulula bualu ebu ne, Nzambi kakamutuma, kadi yeye nkayandi wakadiambila bualu ebu kuadi bualu bua Tobiya ne Sanebalata bakamuha mbueshilu.

Yeshaya 23:1

Dî dia tshijila bualu bua Tulo. Asai miadi, nuenu matu a Tâshishi, bualu bua bakubutula musoko wenu udi ne ngumbu ya nvita, ne kakuenamu nsubu kabidi, kakuena dilobo dia kutudilamu! Mu luendu luau lua ku buloba bua Kitima bualu ebu buakubuluibua kudiu.

Yeshaya 23:12

Wakamba ne, Kuena usanka kabidi, wewe muana mukashi wa Sidona udi mukengeshibue. Juka biebe, uhitshile mu mai manene tô ne ku Kitima; nansha wewe muikale kuakua kuine kuena uheta dikisha.

Yirmeya 2:10

Nusabuke ku bisanga bia Kitima, numone; tumai bantu ku Kedâ, nuelangane meji bimpe; numone ne bualu bua mushindu eu bukadi bumueneke diambedi, anyi?

Yezekiyele 27:6

Bakasonga nkaya yebe ku mitshi ya telebinta ya ku Bashana; bakenza biendedi biebe ne mabaya a nsanga ya ku bisanga bia Kitima, mikale ne mibanga milamikaku.

Danyele 11:28

Hashishe, neahingane mu buloba buandi ne bintu bia bungi; kadi mutshima wandi udi uhidia tshihungidi tshia tshijila, nênze bu mudi mutshima wandi musue, nealukile ku buloba buandi.

Danyele 11:29

Mu tshikondo tshiakasungulabo yeye neahingane ku luseke lua sude; kadi malu a mu tshikondo etshi kaena ikala bu muakadi malu a mu mbikondo tshia diambedi.

Danyele 7:25

Yeye neadiule Nzambi Mutambe Bunene wa mu diulu ne mei mabi, neatatshishe bansanto ba Mutambe Bunene wa mu diulu tô ne hahangabo. Neahangidishe bua kukudimuna bikondo bia tshijila ne mikenji, ne bansanto nebafidibue mu bianza biandi tô ne hahita tshikondo tshimue, bikondo bibidi ne tshituha tshia tshikondo.

Dibadika 24:24

Kadi matu manene nealue kukala kua buloba bua Bena Kiti, nebakengeshe Bena Ashû, nebakengeshe Bena Ebê kabidi, yeye neikale muhaudibue kabidi.

Matayi 24:10

Hashishe, ba bungi nebalenduke, nebafilangane ku bilumbu, nebikalangane ne lukuna.

Didimanyisha 12:12

Nunku, sankai bienu, mûlu ne nuenu badi bashikamamu. Mulau wikale ha buloba, ne kudi mai manene, bualu bua diabolo wakuhueka kunudi, muikale ne tshishi tshikole, mumanye ne, Udi ne musangu muihi.