Bienzedi 8:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Luseke lua Mukanda wa Nzambi luakadiye ubala luakadi luamba ne, Bakalua nʼandi ku tshishihelu bu mukoko; Bu muana wa mukoko udi uhua ku mpala kua mukoshi wa miosa, Nunku yeye kena ubulula mukana muandi;

MUKANDA WA MYIDI MUKULU

³² Miaku ya mu Mukanda wa tshijila ivuaye ubala ivua nenku: “Uvua bu mukoku udibu baya nawu ku tshishipelu, bu muana wa mukoku udi upuwa, padibu bamukulula boya. Kavua muakule muaku nansha umue.

Bienzedi 8:32 교차 참조

Misambu 39:2

Nakadi kamama, nakahuwa talalâ nakahuwa tshiyi ne disanka, ne kanyinganyinga kanyi kakajudibua.

Misambu 39:9

Ndi kamama, tshiena mbulula mukana muanyi; bualu bua wewe wakuenza bualu ebu.

Yirmeya 11:19

Kadi nakadi bu muanʼa mukoko mutalale udibo baya nʼau ku tshishihelu; tshiakamanya muakadibo bangelele tshifufu bamba ne, Tutahe mutshi ne mamuma au diatshimue, tumûmushe ha buloba bua badi ne muoyo, bua bantu kabavuluki dina diandi kabidi.

Yirmeya 12:3

Kadi wewe, Yehowa, udi mu mmanye meme, wewe udi untangila, udi uteta mutshima undi nʼau kûdi; ubahatule bu mudibo bahatula mikoko mu luhangu bua kuya nʼai ku tshishihelu, ne ubalongoluele bua kufuabo dituku dia kubashiha.

Yirmeya 51:40

Nendue nʼabo ku tshishihelu bu bana ba mikoko, bu mudibo balueku ne bimpanga ne mpumbu ya mbushi.

Dibadika 7:39

ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

Dibadika 7:57

ne muana mulume wa ngombe ne tshimpanga tshimue ne muana mulume wa mukoko wa tshidimu tshimue bu mulambu wa kuosha ha kahia,

Luke 23:34

Yesu wakamba ne, Tatu, ubabuikidile bubi buabo, kabena bamanye bualu budibo benza. Bakabanyangana bilulu biandi, bela nʼabi nshobo.

Yowanane 1:29

Hakatshiabu, yeye wakamona Yesu ulua kudiye, wakamba ne, Tangilai, Muanʼa mukoko wa Nzambi, udi umusha bubi bua ba ha buloba!

Bienzedi 8:31

Yeye wakamukudimuna ne, Ndi mua kujingulula munyi, bikala muntu kai mundeshe? Yeye wakasengelela Filipo bua kubandeye ne bua kushikameye nʼandi.

Rome 8:36

Mbu muakafundabo ne, Bua bualu buebe tudi tushihibua dinda tô ne ku dilolo; Tudi tubadibua bu mikoko ya kushihibua.

1 Korente 15:3

Bua nakafila kunudi ku mpala kua malu onso bualu bunakangata kabidi ne, Kilisto wakafuila bua malu mabi etu, bu mudi Mukanda wa Nzambi wamba;

1 Petro 1:19

kadi nuakahikudibua ku mashi a mushinga mukole, bu a muana wa mukoko kai ne tshilema ne kai ne ditoba, ku mashi a Kilisto mene;