Bienzedi 7:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Muntu eu wakabalombola, mumane kuenza malu a kukema ne bimanyinu mu Ejipitu, ne mu Mai Makunze, ne mu tshihela bidimu makumi anai.

MUKANDA WA MYIDI MUKULU

³⁶ Moshe kupatula bena Izrayele mu Ejipitu, kuenza bishima ne malu a dikema mu ditunga dia bena Ejipitu, mu mayi manene Makunze, ne mu tshipela, bidimu makumi anayi.

Bienzedi 7:36 교차 참조

Nehemya 9:10

wakalesha Palô ne bena mudimu bandi ne bantu bandi bonso bimanyinu ne malu a kukema, bualu bua wewe wakamanya ne, Bobo bakadi bafunyina batatu betu bulobo, ne wewe wakangata dina dinene bu mudi nʼadi lelu.

Misambu 95:10

Bantu ba mu tshikondo atshi bakantondesha bidimu makumi anai, nunku nakamba ne, Badi bantu badi bahambuka mu mitshima yabo kabena bamanye nshila yanyi.

Misambu 95:8

Kanukoleshi mitshima yenu bu munuakenza ku Meliba, bu munuakenza dituku adi ku Masa mu tshihela;

Ekesode 12:41

Hakaleha bidimu nkama mai ne makumi asatu, mu dituku adi mene mene, bisumbu bionso bia bantu ba Yehowa bakaluhuka mu buloba bua Ejipitu.

Ekesode 14:21

Mose wakolola tshianza tshiandi ha mai, ne Yehowa wakatuma luhehele lukole lua ku esete, wakahingasha mai butuku abu buonso, buloba bûme buakamueneka kuakadi mai, mai akahanduluka.

Ekesode 16:35

Bena Isalele bakadia bidia abi tô bidimu makumi anai, tô ne hakaluabo mu buloba muakadi bantu, baka dia bidia abi tô ne hakaluabo ku matshika a buloba bua Kanâna.

Ekesode 3:20

Nengolole tshianza tshianyi, nembakengeshe ne malu a kukema; ne ku nyima kua malu â yeye neanulekele.

Ekesode 33:1

Yehowa wakambila Mose ne, Bikai, yai bienu, ne wewe ne bantu bawakaluhula mu buloba bua Ejipitu, ku buloba bunakalaya Abalahama ne Isaka ne Yakoba ne, Nembuhe bana benu.

Yowanane 4:48

Yesu wakamuambila ne, Binuikala kanui numona bimanyinu ne malu a kukema, kanuena nuitabusha, nasha kakese.

Bienzedi 13:18

Bu bidimu makumi anai yeye wakabatuala mu tshihela bu tatu muledi.

Bienzedi 7:42

Kadi Nzambi wakabakoma nyima, wakabalekela bua kutendelelabo tshisumbu tshia bidi mulu; bu muakafundabo mu mukanda wa baprofete ne, Nuakafila nyama mishiha ne milambu kundi meme Bidimu makumi anai mu tshihela, anyi, nuenu ba mu nsubu wa Isalele?

Dielulula 8:4

Bilulu bienu kabiakasunsuka hamʼbidi henu, ne makasa enu kaena mûle bidimu ebi makumi anai.

Ebrewu 3:8

Kanukoleshi mitshima yenu, bu muakenzabo mu dinfikisha dia munda, Bu muakadi dituku dia ditetshibua diabo mu tshihela,

Ebrewu 3:9

Kuakantetaku batatu benu bua kumanya mudi bujalame buanyi, Ne bakamona midimu yanyi bidimu makumi anai.

Ebrewu 8:9

Katshiena bu tshihungidi tshinakahunga ne batatu babo Mu dituku dinakabakuata ku tshianza bua kuluhuka nʼabo mu buloba bua Ejipitu; Bualu bua kabakashala mu tshihungidi tshianyi, Ne tshiakabatshuka, Mukelenge udi wamba.