Bienzedi 6:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Di edi diakabasankisha buonso buabo; bakasungula Stefano, mule tente ne ditabusha ne Nyuma Muimpe; ne Filipo, ne Polokolo, ne Nikanô, ne Timono, ne Pâmena, ne Nikolao wa ku Antiokia wakadi muitabushi wa bualu bua Bena Yuda.

MUKANDA WA MYIDI MUKULU

⁵ Bantu bonsu kuanyisha bivua bapostolu bambe. Kusungulabu Stefane, muntu wa ditaba divule, muwule kabidi ne Mueyelu wa Tshijila, pamue ne Filipe, Prokore, Nikanore, Timona, Parmenase, ne Nikola, muena Antiyokiya, uvua mubuele mu tshisumbu tshia bena Yuda kukavua matuku.

Bienzedi 6:5 교차 참조

Genese 41:37

Bualu ebu buakadi buimpe ku mesu kua Palô ne ku mesu kua bantu bandi bonso.

Nsumuinu 15:1

Dî dia kalolo didi diandamuna tshiji, kadi dî dikole didi disonsola tshiji.

Nsumuinu 15:23

Disanka didi dikuata muntu bua dî didi mukana muandi muandamune; monai mudi dî diamba mu tshikondo tshiakane mudidi diakane!

Mika 3:8

Kadi meme hanyi, ndi mule tente ne bukole bua kudi Nyuma wa Yehowa, ne dijingulula dia malu makane, ne bukole bua mutshima, bua kulesha Bena Yakoba malu mabi abo ne Bena Isalele bubi buabo.

Matayi 23:15

Nuenu bafundi ne Bafalese, nudi bena lubombo, mulau ulualua kunudi, bualu bua nuenu nudi nunyunguluka mai manene ne buloba bua kuitabushisha nasha muntu umue bualu buenu; kadi bitabusheye, nudi numuvuisha muana wa mu Ngena munutambe nuenu bubi misangu ibidi!

Bienzedi 11:19

Bakadi batangadike bualu bua dikenga diakajuka bua lufu lua Stefano bakaya tô ne ku Foinike ne ku Kupulio ne ku Antiokia, bambila anu Bena Yuda dî.

Bienzedi 11:20

Kadi bakuabo bakadi Bena Kupulio ne Bena Kulene, hakafikabo ku Antiokia, bakabanga kuambila Bena Gelika kabidi lumu luimpe lua Mukelenge Yesu.

Bienzedi 11:22

Lumu luabo luakafika ku matshu a bena ekelesia ba mu Yelushalema; bakatuma Bânaba tô ne ku Antiokia.

Bienzedi 11:24

Bualu bua yeye wakadi muntu muimpe, wakadi mûle tente ne Nyuma Muimpe ne ditabusha; ba bungi bakasangishibua kudi Mukelenge.

Bienzedi 11:26

Hakamumoneye, wakalua nʼandi ku Antiokia. Bakadi badisangisha ne bena ekelesia tô tshidimu tshijima, bakayisha bantu ba bungi; mu Antiokia muakabangabo kubikila bayidi ne, Bena Kilisto.

Bienzedi 11:27

Mu matuku â baprofete ba ku Yelushalema bakalua ku Antiokia.

Bienzedi 13:1

Munkatshi mua bena ekelesia ba mu Antiokia muakadi baprofete ne bayishi, mena abo akadi Bânaba, ne Shimeona muidika ne, Nigê, ne Lukio wa ku Kulene, ne Manaene wakakola ne muloho Helode, ne Shaula.

Bienzedi 15:22

Hashishe bapostolo ne bakulu ne bena ekelesia bonso bakelangana meshi ne, Mbimpe tusungule ba mu tshisumbu tshietu, tubatume ne Paulo ne Bânaba ku Antiokia; bakatuma nunku Yuda, udi ne dina dikuabo ne, Bâsaba, ne Sila, hakadi bantu banene ba munkatshi mua bana babo ba mu Kilisto.

Bienzedi 2:4

Buonso buabo bakadi bûle tente ne Nyuma Muimpe, bakabanga kuakula miaku mikuabo bu muakabaha Nyuma dî dia kuambabo.

Bienzedi 21:8

Hakatshiabu, tuakumuka tuakalua ku Kaisalia. Hatuakabuela mu nsubu wa Filipo, muambi wa Lumu Luimpe umue wabo wa bulami muanda mutekete, tuakalala kuandi.

Bienzedi 22:20

hakadibo bamatshisha mashi a Stefano, mumanyishi wa bualu buebe, meme kabidi nakadi ngimana ba buihi, ngitabusha buala ebu, ndama bivualu bia bamushiha

Bienzedi 6:10

Kabakamanya mua kuhita lungenyi luandi ne Nyuma wakadi umuakuisha.

Bienzedi 6:3

Bana betu, nukebe balume muanda mutekete munkatshi muenu badi ne lumu luimpe, badi bûle tente ne Nyuma ne lungenyi, netubateke ha mutu ha bualu ebu.

Bienzedi 6:8

Stefano, mûle tente ne ngasa ne bukole, wakenzenza malu a kukema ne bimanyinu binene munkatshi mua bantu.

Bienzedi 7:1

Muakuidi munene wakamukonka ne, Malu â adi malelela, anyi?

Didimanyisha 2:15

Nunku kabidi, udi ne bakuabo badi balamata diyisha dia Bena Nikalao muomumue.

Didimanyisha 2:6

Kadi udi ne bualu ebu, bua udi ne bienzedi bia Bena Nikalao lukuna, bindi nʼabi lukuna kabidi.