Bienzedi 5:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Buowa bunene buakakuata bena ekelesia bonso; buakakuata bonso bakutuma malu â kabidi.

MUKANDA WA MYIDI MUKULU

¹¹ Bowa bunene kukuata Tshisumbu tshijima tshia bena ditaba, kabidi ne bonsu bavua bumvua malu aa.

Bienzedi 5:11 교차 참조

Misambu 89:7

nNzambi udibo batshina bikole mu disangisha dia ba tshijila, Udi utamba bonso badi bamunyunguluka kutshinyishibua?

Yirmeya 32:40

Nempunge nʼabo tshihungidi tshia tshiendelele ne, Tshiena ndekela kubalonda bua kubenzela bimpe; nenteke dintshina mu mitshima yabo, bua bobo kabahambuki kundi kabidi.

Bienzedi 19:17

Bualu ebu buakadi bumanyibua kudi bonso, ne Bena Yuda ne Bena Gelika, bakadi bashikama mu Efeso; buowa buakakuata buonso buabo, dina dia Mukelenge Yesu diakadi ditumbishibua.

Bienzedi 2:43

Buowa buakabakuata buonso buabo; bapostolo bakenza malu a kukema a bungi ne bimanyinu.

Bienzedi 5:5

Hakunvua Anania mei â, wakahona hanshi, wakahuola, muoyo wandi; buowa bunene buakakuata bantu bonso bakunvua bualu ebu.

Bienzedi 9:31

Nunku bena ekelesia ba mu Yudaya yonso ne ba mu Galela ne ba mu Samalea bakadi ne ditalala, bakadi badiunda mu bualu bua Nzambi; bakadi benda mu dishina dia Mukelenge ne mu disamba dia Nyuma Muimpe; bakadi bavulangana ba bungi.

Filipe 2:12

Nunku bananga banyi, bu munuakatumikila misangu yonso, kembua kuikala kuanyi munkatshi muenu nkayaku, kadi mpindiu nudi nutamba kuenza nunku handi tshîku, nudienzeshe bua kushikisha luhandu luenu ne ditshina ne dizakala,

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

Ebrewu 12:28

Nunku, bualu bua tuetu tudi tuangata bukelenge budi kabui bumanye mua kuzakashibua, tuikale bietu ne disakidila, ditudi bamanye mua kukuatshila Nzambi udi unsankisha mudimu ne kunemekela ne ditshina;

Ebrewu 4:1

Nunku, tutshine bietu, bakavua bamane kutushila mulayi wa tuetu kubuela mu dikisha diandi, bumue umue wenu kalu kumueneka bu mudiye kai mufikeku.

1 Petro 1:17

Binuamubikila bu Tatu udi ulumbuluisha muntu yonso bu mudi bienzedi biandi kai ne kansungunsungu, nuhitshishe tshikondo tshia buenyi buenu mu ditshina.

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.