Bienzedi 27:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua dilobo adi kadiakadi diakane dia kushikishilaku ngondo ya mashika, bakadi batambe bungi bakamba ne, Tumukai kunoko, ne tuamanya mua kufika ku Foinike bua kushikishilaku ngondo ya mashika, aku kudi dilobo dikuabo dia Kulete, didi ditangila ku node-esete ne ku sude-esete.

MUKANDA WA MYIDI MUKULU

¹² Luseke lukuabu katuvua ne mushindu wa kupitshisha bimpe tshikondu tshia mashika mu tshisabu atshi to. Ke pavua bantu ba bungi bavua mu majuwa bajinga kumuka, bua kufika mu tshisabu tshia Fenikse, bu biobi mua kuenzeka. Tshisabu atshi tshivua mu tshidila tshia Kreta, luseke ludi diba dibuelela luatshi. Tshivua muaba muimpe wa tuetu kupitshisha muvu wa mashika.

Bienzedi 27:12 교차 참조

Misambu 107:30

Ka bobo bakasanka bualu bua mavuala au akabatama, ne yeye wakabafikisha mu dilobo diakasuabo kufikamu.

Bienzedi 2:11

ne Bena Kulete ne Bena Alaba, tudi tunvua bantu aba bamba mianda minene ya Nzambi mu miaku yetu.

Bienzedi 27:13

Hakaheha luhehele lua ku Sude bitulu bitulu, bakelangana meshi ne, Tuakuheta butudi basue, bakabisha luongo, bakadi bayila ku muelelu wa mai wa Kulete.

Bienzedi 27:21

Hakadibo kabai badie musangu mule, Paulo wakimana munkatshi muabo, wakamba ne, Balumiana, biakadi bimpe bia nuenu kunvua dî dianyi; bu nuenu benze nunku, kanuakadi kumuka ku Kuleta, kanuakadi kuikala ne bualu bukole ebu ne bua dibutuisha dia bintu.

Bienzedi 27:7

Hatuakadi tuya matuku a bungi bitulu bitulu, tuakafika ha buihi ne Kinido, benda ne ditata dikole; bua luhehele luakadi lutuhumbisha bua kufikaku, tuakayila ku nyima kua Kulete hehi ne Salamone.

Bienzedi 27:8

Hatuakahitshilaku ne ditata dikole, tuakafika ku muaba udibo babikila ne, Dilobo Dimpe; musoko wa Lasaya wakadi ha buihi.

Tite 1:12

Umue wabo, muprofete wabo mene, wakamba ne, Bena Kulete badi bena mashimi misangu yonso, mbu nyama mibi, mbafuba ba lumpukusu.

Tite 1:5

Bua bualu ebu nakakushîa mu Kulete, bua wewe kulongolola malu akadi mashale, ne bua wewe kusunguisha bakulu ku musoko ne ku musoko bu munakakuambila;