Bienzedi 22:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Muakuidi munene wa Nzambi udi udidila ne bakulu bonso; nakangata mikanda kudibo mitumine bana betu, nakadi ngenda mu nshila wa ku Damaseke bua kusuika bakadiku mu nkanu, ne bua kulua nʼabo ku Yelushalema bua kubakengeshabo.

MUKANDA WA MYIDI MUKULU

⁵ Mutuangaji munene, ne bena tshipangu tshia bakulu bonsu badi apa, badi mua kujadika bindi ngamba ebi. Bavua bampeshe mikanda, mifundila bana betu bena Yuda ba mu Damase. Ke mumvua mufike muine amu, bua kukuata bavua bitaba Yezu, kupingana nabu mu Yerushalayime, bua babanyoke.

Bienzedi 22:5 교차 참조

Luke 22:66

Hakatshia butuku, tshisumbu tshia bakulu ba bantu tshiakudisangisha, bakuidi banene ne bafundi; bakaya nʼandi ku tshilumbuluidi tshiabo, bakamuambila ne,

Bienzedi 1:15

Mu matuku â Petelo wakimana munkatshi mua bana babo ba mu Kilisto, bakadi badisangishe nunku bu lukama ne makumi abidi, yeye wakamba ne,

Bienzedi 13:26

Bana betu, tunkanunuina tua Abalahama, ne ba munkatshi muenu badi batshina Nzambi, bakatutumina tuetu dî dia luhandu elu.

Bienzedi 2:29

Bana betu, ndi mua kunujukuila bualu bua nkambua wetu Davidi ne, Yeye wakafua, bakamujika, lukita luandi ludi munkatshi muetu tô ne katataka.

Bienzedi 22:1

Bana betu ne batatu, unvuai divila dianyi dindi musue kunuambila katataka.

Bienzedi 23:1

Paulo wakatangila balumbuludi talala, wakamba ne Bana betu, nakadi muikale ne mutshima muakane ku mesu kua Nzambi tô ne ku dituku edi.

Bienzedi 23:6

Kadi hakamanya Paulo ne, Bakuabo mBasadoke, bakuabo mBafalese, wakela dî dikole ha tshilumbuluidi ne, Bana betu, Edi bianyi Mufalese, udi muana wa Mufalese; badi bandumbuluishila bua ditekemena ne bua dibika dia befue.

Bienzedi 26:10

Nakenzenza bualu ebu kabidi mu Yelushalema; hanakangata bukole kudi bakuidi banene ba Nzambi, nakabuesha basanto ba bungi mu nsubu ya lukanu; hakimbabo kubashiha, nakitabusha.

Bienzedi 26:11

Misangu ya bungi nakadi mbakengesha mu nsunagoga yonso, nakakeba bua kubahendesha Nzambi; bualu bua nakadi nʼabo lukuna lutambe, nakabakengesha tô ne ku misoko ya bisamba bikuabo.

Bienzedi 26:12

Hanakadi ngenza nunku, nakadi ngenda mu nshila wa ku Damaseke ne bukole ne dî bia bakuidi banene;

Bienzedi 28:17

Hakahita matuku asatu, Paulo wakabikila bakadi ku mutu kua Bena Yuda; hakunguilabo, wakabambila ne, Bana betu, tshiakenza bibi kudi bantu anyi ku bilele bia bankambua betu, kadi mu Yelushalema bakaufila musuika mu bianza bia Bena Lomo.

Bienzedi 28:21

Bakamuambila ne, Tuetu katuakangata mikanda mifume ku Yudaya bua bualu buebe, kakuena umue wa bana betu wakalua kunoko utuambila lumu, anyi ukutela ne bualu bubi.

Bienzedi 3:17

Bana betu, ndi mumanye ne, Nuenu nuakuenza bualu ebu mu dituhakana dienu, bu inuakuenza badi ku mutu kuenu.

Bienzedi 4:5

Hakatshiabu, bakokeshi babo ne bakulu ne bafundi bakadisangisha mu Yelushalema;

Bienzedi 5:21

Hakunvuabo dî edi, bakabuela mu ntempelo hatshiatshia, bakabanga kuyisha bantu. Kadi muakuidi mimene wakalua ne bakadi nʼandi, wakabikila balumbuludi ne bakulu bonso ba bana ba Isalele, wakatuma dî ku nsubu wa lukanu bua kuluabo nʼabo.

Bienzedi 9:14

kunu kabidi, udi ne bukole buakuangateye kudi bakuidi banene bua kusuikeye bonso badi batendelela dina diebe.

Ngalate 1:13

Bualu bua nuakamana kunvua lumu lua bienzedi bianyi mu bualu bua Bena Yuda bu munakatamba kukengesha bena ekelesia wa Nzambi, bu munakababutula;

Filipe 3:6

mu bualu bua lukunukunu nakadi nkengesha bena ekelesia; ne mu bualu bua buakane bua mu mikenshi, nakalua muntu udi kai ne bualu.

1 Timote 4:14

Kulekedi kulama tshihedi tshidi munda muebe, tshiakakuhebua ku mei a baprofete ne hakatentekesha bakulu bianza ha mutu hebe.