Bienzedi 22:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Ndi bianyi Muena Yuda, nakaledibua mu Tâso wa mu Kilikia, kadi nakakolela mu musoko eu, ku makasa a Gamaliele; bakanyisha bu mudi tshilele mene tshia mikenshi ya bankambua betu, muikale ne lukunukunu lua bualu bua Nzambi bu munudi nʼalu buonso buenu lelu.

MUKANDA WA MYIDI MUKULU

³ — Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

Bienzedi 22:3 교차 참조

2 Samuele 21:2

Mukelenge wakabikila Bena Gibeona, wakayikila nʼabo. Bena Gibeona kabakadi ba mu bisamba bia Bena Isalele mene, bakadi ba mu tshisamba tshia Bena Amole; diambedi Bena Isalele bakahunga nʼabo tshihungidi, kadi Shaula wakakeba kubashiha bua lukunukunu biakadiye nʼalu kudi Bena Isalele ne Bena Yuda.

2 Bakalenga 4:38

Elisha wakaya ku Gilegala kabidi, tshiole tshiakadi mu buloba. Bana ba baprofete bakadi bashikame ku mpala kuandi; wakambila muena mudimu wandi ne, Wambile luesu lunene ha kahia, ulambishile bana ba baprofete kaleji.

Luke 10:39

Wakadi ne muakunyiʼandi mukashi dina diandi Malia, yeye wakadi mushikame ku makasa a Mukelenge, ulelesha dî diandi.

Luke 2:46

Hakahita matuku asatu, bakamusangana mu ntempelo, mushikame munkatshi mua bayishi, unvua mei abo, ubakonka malu;

Luke 8:35

Bakahatuka mu musoko bua kutangila bualu buakalua; bakalua kudi Yesu, bakasangana muntu wakahatuka bademon munda muandi mushikame ku makasa a Yesu, muluate bilulu, muikale ne lungenyi luimpe; bakatshina.

Bienzedi 11:25

Bânaba wakaya ku Tâso bua kukeba Shaula.

Bienzedi 15:23

Bakabaha mukanda mufunda nunku ne, Bapostolo ne bana betu badi bakulu badi batumina bana betu ba mu bisamba bia bende mu Antiokia ne mu Sulia ne mu Kilikia muoyo.

Bienzedi 15:41

Wakahitshila mu Sulia ne Kilikia wenda ukolesha mitshima ya bena ekelesia.

Bienzedi 21:20

Hakunvuabo bualu abu, bakatumbisha Nzambi, bakamuambila ne, Muanʼetu, wewe udi utangila bungi bua mbombo ya ba munkatshi mua Bena Yuda badi bamane kuitabusha; kadi buonso buabo badi ne lukunukunu lua mikenshi ya Mose.

Bienzedi 21:39

Kadi Paulo wakamba ne, Ndi Muena Yuda wa ku Tâso wa mu Kilikia, ndi bianyi wa musoko udi kawi wa hatuhu. Ndi nkutendekena bua meme kuambila bantu aba dî.

Bienzedi 23:34

Hakaubaleye, wakakonka luseke luakadiye; hakamanyeye ne, Ngua ku Kilikia,

Bienzedi 23:6

Kadi hakamanya Paulo ne, Bakuabo mBasadoke, bakuabo mBafalese, wakela dî dikole ha tshilumbuluidi ne, Bana betu, Edi bianyi Mufalese, udi muana wa Mufalese; badi bandumbuluishila bua ditekemena ne bua dibika dia befue.

Bienzedi 26:5

biasuabo kuamba dî dilelela badi banmanye ku tshibangidilu, bu munakadi Mufalese wa tshisumbu tshia bakatamba kulamata tshitendeledi tshietu.

Bienzedi 26:9

Bulelela, meme kabidi nakadi ngelangana meshi ne, Bundi nʼabu mbua kuenza malu a bungi adi abihisha dina dia Yesu wa ku Nazaleta.

Bienzedi 5:34

Kadi muetu mukuabo, Mufalese, dinu diandi Gamaliele, muyishi wa mikenshi ya Mose, mutumbishibue kudi bantu bonso, wakimana mu tshilumbuluidi; wakamba ne, Bahatule bantu aba tshituha.

Bienzedi 6:9

Kadi bakuabo ba mu nsunagoga udibo babikila ne, Ngua Bena Budishikaminyi, ne wa Bena Kulene, ne wa Bena Alesandelia, ne wa Bena Kilikia ne Bena Asia bakabika, bakela mpata ne Stefano.

Bienzedi 9:1

Shaula wakatshidi ufunyina bayidi ba Mukelenge bua kubashiheye, wakaya kudi muakuidi munene.

Bienzedi 9:11

Mukelenge wakamuambila ne, Bika biebe, uye ku nshila wa musoko udibo babikila ne, Mululame, ku nsubu wa Yuda, ukonkeku muntu, dina diandi Shaula, udi biandi Muena Tâso, bua tangila, yeye udi utendelela Nzambi;

Bienzedi 9:30

Hakamanya bana babo ba mu Kilisto bualu ebu, bakalua nʼandi ku Kaisalia, bakamutuma ku Tâso.

Rome 11:1

Nunku ndi ngamba ne, Nzambi wakumusha bantu bandi, anyi? Nasha kakese! Bualu bua meme kabidi, ndi Muena Isalele, kankanunuina ka Abalahama ka mu tshisamba tshia Benyamina.

2 Korente 11:22

Bobo badi Bena Ebelu, anyi? Meme ndi Muena Ebelu kabidi. Bobo badi Bena Isalele, anyi? Meme ndi Muena Isalele kabidi. Bobo badi tunkanunuina tua Abalahama, anyi? Meme ndi kankanunuina kandi kabidi.

Ngalate 1:14

ne bu munakadi mpita ku mpala kua bena mulongo wanyi ba bungi ba mu tshisamba tshietu mu bualu bua Bena Yuda bualu bua lukunukunu lukole lunakadi nʼalu bua bilele bia bankambua betu.

Ngalate 1:21

Hashishe nakalua ku nseke ya Sulia ne ya Kilikia.

Dielulula 33:3

Bulelela, yeye udi unanga bantu bonso, bantu bandi bonso ba tshijila hadi mu tshianza tshiebe: bobo bakashikama hanshi ku makasa ebe, bua kunvua mei ebe.