Bienzedi 20:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakashika matuku a bidia bidi kabi biela luevene, tuakumuka mu Filipoi, tuakabuela mu buatu; hakahita matuku atanu, tuakafika ku Toa kuakadibo; tuakalalaku matuku muanda mutekete.

MUKANDA WA MYIDI MUKULU

⁶ Kunyima kua tshibilu tshia Mampa kaayi mela buanga, tuetu kumuka ne majuwa mu Filipe, kuenda matuku atanu, kusangana bena ditaba netu aba mu Trowase. Tuetu kushalamu lumingu lujima.

Bienzedi 20:6 교차 참조

Ekesode 23:15

Nenudie bidia bidi kabiyi ne luevene matuku muanda mutekete, mu tshikondo tshinakasungula mu ngondo wa Abiba (bualu bua nuakaluhuka mu Ejipitu mu ngondo au) muntu kalu ku mesu kuanyi ne bianza bituhu,

Ekesode 34:18

Nuenu nenudie bidia bidi kabiyi ne luevene ku mesu kua Yehowa. Nenudie bidia bidi kabiyi ne luevene matuku muanda mutekete, bu munakanuambila mu ngondo wa Abiba unakasungula; bualu bua nuakahatuka mu Ejipitu mu ngondo wa Abiba.

Bienzedi 12:3

Hakamoneye ne, Bualu ebu budi busankisha Bena Yuda, wakakuata Petelo kabidi. Matuku au akadi a bidia bidi kabi biela luevene.

Bienzedi 16:10

Hakamoneye tshikena kumona, ha diba adi tuakakeba kuya mu Makedonia, tuelangana meshi ne, Nzambi wakumbikila bua tuetu kubambila lumu luimpe.

Bienzedi 16:12

tuakajukamu, tuakaya ku Filipoi, musoko wakadi muhite yonso mikuabo ya mu luseke alu lua Makedonia; musoko eu wakadi nkolonyi wa Bena Lomo; tuakadi tulala mu musoko au matuku.

Bienzedi 16:8

Hakahitalu hehi ne Musia, bakahueka ku Toa.

Bienzedi 20:16

Kadi Paulo wakamana kudisunguila bua kuhita Efeso, bua kakasua kulehesha matuku mu Asia; wakadi uya lukasa ne, Binamanya mua kufika ku Yelushalema ha dituku dia Pentekoste.

Bienzedi 20:5

Bantu aba bakadianjila kuya ku mpala, bakadi batuindila mu Toa.

Bienzedi 21:4

Hatuakamona bayidi, tuakalalamu matuku muanda mutekete. Bantu aba, bamane kumanyishibua kudi Nyuma, bakambila Paulo ne, Kubandi ku Yelushalema.

Bienzedi 21:8

Hakatshiabu, tuakumuka tuakalua ku Kaisalia. Hatuakabuela mu nsubu wa Filipo, muambi wa Lumu Luimpe umue wabo wa bulami muanda mutekete, tuakalala kuandi.

Bienzedi 28:14

Tuakasanganamu bana betu ba Nzambi, bobo bakatusengelela bua kushala nʼabo matuku muanda mutekete. Nunku tuakalua ku Lomo.

Filipe 1:1

Paulo ne Timote, bahika ba Kilisto Yesu, kudi basanto bonso ba mu Kilisto Yesu badi ku Filipoi, ne bakulu batangidi ne bulami;

1 Tesalonike 2:2

kadi hatuakadianjila kukenga, ne hakatuenzelabo bibi ku Filipoi, bu munudi bamanye, tuakakolesha mitshima mu Nzambi wetu bua kunuambila lumu luimpe lua Nzambi mu kuluangana kua bungi.

2 Timote 4:13

Tshikutu, tshinakashîa ku Toa mu bianza bia Kâpo, ulue nʼatshi hawalua, ne mikanda kabidi, tshitambe mbiseba bidi ne mei mafundahu.