Bienzedi 2:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Buonso buabo bakadi bûle tente ne Nyuma Muimpe, bakabanga kuakula miaku mikuabo bu muakabaha Nyuma dî dia kuambabo.

MUKANDA WA MYIDI MUKULU

⁴ Bonsu kuwula ne Mueyelu wa Tshijila. Kutuadijabu kuakula miakulu mikuabu, bilondeshile muvua Mueyelu wa Tshijila ubakuisha.

Bienzedi 2:4 교차 참조

2 Samuele 23:2

Nyuma wa Yehowa wakungakuila, dî diandi diakadi ha ludimi luanyi.

Yeshaya 28:11

Eyo, kadi ku mishiku ya muena tshikukumina ne mu muaku wa bantu ba bende, yeye neambile bantu aba dî.

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Yirmeya 6:11

Nunku nakûla tente ne tshiji tshidi Yehowa nʼatshi; kutshikanda kudi kuntonda. Utshihumuine ha bana badi mu misesu, ne bansongalume bunguila hohamue; nebakuate mulume ne mukashi wandi, nebakuate muntu mununu ne muntu udi ne matuku makumbane.

Yezekiyele 3:11

Hashishe, ya kudi badi mu buhika, kudi bana benu ba mu tshisamba tshiebe, akula nʼabo, ubambile ne, Mukelenge Yehowa udi wamba dî edi, nansha biasuabo kunvua nansha biabengabo kunvua.

Mika 3:8

Kadi meme hanyi, ndi mule tente ne bukole bua kudi Nyuma wa Yehowa, ne dijingulula dia malu makane, ne bukole bua mutshima, bua kulesha Bena Yakoba malu mabi abo ne Bena Isalele bubi buabo.

Matayi 10:19

Kadi hanufilabo nunku, kanulambi kuelangana meshi ne, Netuambe munyi? Netuambe tshinyi? Nebanuhe buakuamba ha diba adi.

Marke 16:17

Bimanyinu ebi nebifile badi bitabushe: nebumushe bademon munda mua bantu mu dina dianyi; nebakule miaku mihia-mihia;

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Luke 1:41

Hakunvua Elisabeta muoyo wakamuela Malia, muana wakatabuluka mu difu diandi; Elisabeta wakûshibua tente ne Nyuma Muimpe;

Luke 1:67

Tatuʼandi Zakâya, mûshibue tente ne Nyuma Muimpe, wakamba malu akadi kâi manze kulua ne,

Luke 12:12

Nyuma Muimpe neanuyishe mua kuamba ha diba adi.

Luke 21:15

meme nenuhe mukana ne lungenyi bidi badi nʼenu lukuna kabai bamanye mua kutantamana ne mua kukudimuna dî.

Luke 4:1

Yesu wakadi mûle tente ne Nyuma Muimpe, wakafuma ku Yadene, Nyuma wakamulombola mu tshihela tô matuku makumi anai,

Yowanane 14:26

Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

Yowanane 20:22

Hakambeye dî edi, wakabela muhuya, wakabambila ne, Nuangate Nyuma Muimpe;

Bienzedi 1:5

Bulelela, Yone wakabatiza bantu ne mai, kadi matuku kêna mashale a bungi anuabatijibua mu Nyuma Muimpe.

Bienzedi 1:8

Kadi nuenu nenuangate bukole, hanuhuekela Nyuma Muimpe hamʼbidi henu; nenuikale bamanyi banyi mu Yelushalema ne mu Yudaya yonso ne Samalea ne kunfudilu kua buloba.

Bienzedi 10:46

Bakabunvua bakula mu miaku mikuabo, batumbisha Nzambi. Petelo wakakonka ne,

Bienzedi 10:47

Muntu kai udi mumanye mua kuhidia mai bua kubatijibuabo, bobo bamane kuangata Nyuma Muimpe bu mutudi bangate?

Bienzedi 11:15

Hanakubanga kuakula, Nyuma Muimpe wakabahuekela bu muakutuhuekeleye ku tshibangidilu.

Bienzedi 11:24

Bualu bua yeye wakadi muntu muimpe, wakadi mûle tente ne Nyuma Muimpe ne ditabusha; ba bungi bakasangishibua kudi Mukelenge.

Bienzedi 13:52

Bayidi bakadi bûle tente ne disanka ne Nyuma Muimpe.

Bienzedi 13:9

Kadi Shaula, udi ne dinga dina Paulo, mûle tente ne Nyuma Muimpe, wakamutangila talala,

Bienzedi 15:8

Nzambi mumanyi wa mu mitshima, wakabavidila, wakabaha Nyuma Muimpe bu muakutuheye bietu:

Bienzedi 19:6

Hakabatentekesha Paulo bianza ha mitu habo, Nyuma Muimpe wakabahuekela; bakabanga kuakula mu miaku mikuabo, bamba bualu bua Nzambi.

Bienzedi 2:11

ne Bena Kulete ne Bena Alaba, tudi tunvua bantu aba bamba mianda minene ya Nzambi mu miaku yetu.

Bienzedi 2:3

Ndimi mihanduluke yakamueneka kudibo, yakadi bu kahia, kakashikama ha mutu ha muntu ne muntu.

Bienzedi 4:31

Hakatendelelabo Nzambi nunku, muaba wakadibo badisangisha wakakankishibua; buonso buabo bakadi bûle tente ne Nyuma Muimpe, bakamba dî dia Nzambi ne dikima.

Bienzedi 4:8

Petelo mûle tente ne Nyuma Muimpe, wakabambila ne, Nuenu bakokeshi ba bantu, ne bakulu,

Bienzedi 6:3

Bana betu, nukebe balume muanda mutekete munkatshi muenu badi ne lumu luimpe, badi bûle tente ne Nyuma ne lungenyi, netubateke ha mutu ha bualu ebu.

Bienzedi 6:5

Di edi diakabasankisha buonso buabo; bakasungula Stefano, mule tente ne ditabusha ne Nyuma Muimpe; ne Filipo, ne Polokolo, ne Nikanô, ne Timono, ne Pâmena, ne Nikolao wa ku Antiokia wakadi muitabushi wa bualu bua Bena Yuda.

Bienzedi 6:8

Stefano, mûle tente ne ngasa ne bukole, wakenzenza malu a kukema ne bimanyinu binene munkatshi mua bantu.

Bienzedi 7:55

Kadi yeye, mûle tente ne Nyuma Muimpe, wakatangila mulu talala, wakamona butumbi bua Nzambi, ne Yesu muimane ku tshianza tshia bukole tshia Nzambi,

Bienzedi 8:17

Hakabatentekeshabo bianza, bakangata Nyuma Muimpe.

Bienzedi 9:17

Anania wakaya biandi, wakabuela mu nsubu, wakamulenga tshianza, wakamuambila ne, Muanʼetu Shaula, Mukelenge Yesu mene wakumueneka kûdi hawakadi ulua mu nshila, wakuntuma bua wewe kutabala ne bua wewe kûla tente ne Nyuma Muimpe.

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

1 Korente 12:10

mukuabo udi uhebua mua kuenza malu a kukema; mukuabo udi uhebua mua kuambila bantu bualu bua Nzambi; mukuabo udi uhebua mua kujingulula nyuma; mukuabo udi uhebua mua kuakula miaku ya bungi; ne mukuabo udi uhebua mua kujinguluila bantu miaku;

1 Korente 13:1

Biakula ne ndimi ya bantu ne ya banjelo, kadi bingikala tshi ne luse, nakulua bu tshiamu tshia mitaku tshidibo bakuma, anyi bu dikasa didi diakula.

1 Korente 13:8

Luse kaluena luhanga tshiendelele; kadi bikala mayisha a baprofete adiku, neashike; bikala miaku ya bantu idiku, neihue; bikala lungenyi ludiku, nelushikile.

1 Korente 14:18

Ndi nsakidila Nzambi; ndi nutamba buonso buenu kuakula miaku;

1 Korente 14:5

Ndi musue buonso buenu numanye mua kuakula miaku, kadi ndi ntamba kusua bua nuenu numanye mua kuambila bantu dî dia Nzambi; muntu udi wambila bantu dî dia Nzambi udi utamba muntu udi ubambila dî mu muaku udibo kabai bamanye, bikaleye kai utujinguluila muaku, bua ekelesia adiundishibue.

Efeze 3:19

ne bua kumanya mudi dinanga dia Kilisto didi ditamba lungenyi lua bantu kudimanya, bua nuenu nûla tente ne tshiuwidi tshionso tshia Nzambi.

Efeze 5:18

Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe.

Efeze 6:18

nutendelele Nzambi misangu yonso ne kulomba kuonso ne disengelela dionso mu Nyuma Mumpe; nuikale batabale mu dinanukila dionso ne disengelela bua basanto bonso,

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.

2 Petro 1:21

Bualu bua kakuena diyisha dia baprofete diakanza kulua ku disua dia muntu; badi bantu bakamba dî dia kudi Nzambi benzesha kudi Nyuma Muimpe.

1 Samuele 1:14

Eli wakamukonka ne, Wewe neukuatshike maluvu musangu bule munyi? Umushe maluvu ebe.

1 Samuele 10:10

Hakafikabo ku mukuna, monai, tshisumbu tshia baprofete tshikasangila nʼandi: Nyuma wa Nzambi wakatulukila Shaula bikole, ne yeye wakamba dî dia Nzambi munkatshi muabo.