Bienzedi 17:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku ba bungi bakitabusha, ne Bena Gelika bakashi bakadi ne butumbi, ne balume ba bungi kabidi.

MUKANDA WA MYIDI MUKULU

¹² Bantu bavule ba kudibu kuitaba. Bena Ngreke bavule kabidi kuitaba. Munkatshi muabu muvua bakaji baneme ba bungi, kabidi ne bantu balume tshisumbu.

Bienzedi 17:12 교차 참조

Marke 15:43

Yosefe wa ku Alimataya wakalua; yeye wakadi mulumbuludi wa butumbi, wakadi mutekemene bukelenge bua Nzambi; wakaya kudi Pilato ne dikima mu mutshima, wakamulomba tshitalu tshia Yesu.

Yowanane 7:17

Bitabusha muntu kuenza bu mudi Nzambi musue, yeye neamanye diyisha edi, ne ndia Nzambi, anyi ndi ndiambila nkayanyi.

Bienzedi 13:46

Paulo ne Bânaba bakajukuila bantu, bakamba ne, Butuakadi nʼabu mbua kunuambila nuenu dî dia Nzambi diambedi. Kadi bualu bua nuenu nudi nuhidia dî edi, ne nudi nudilumbuluila bualu buenu ne, Katuena bantu bakane ba kuangata muoyo wa tshiendelele, tuetu netuye kudi bantu ba bisamba bia bende.

Bienzedi 13:50

Kadi Bena Yuda bakakabila bakashi bimpe bakadi ne butumbi ne bantu banene ba mu musoko, bakabishila Paulo ne Bânaba dikenga, bakabumusha mu luseke luabo.

Bienzedi 14:1

Mu Ikonio bakabuela diakamue mu nsunagoga wa Bena Yuda, bakambila bantu dî diakitabushisha ba bungi, Bena Yuda ne Bena Gelika.

Bienzedi 2:47

bakadi batumbisha Nzambi, bakadi ne diakalengele kudi bantu bonso. Ku dituku ku dituku Mukelenge wakadi usangisha kudibo bakuabo bakadi basungidibua.

1 Korente 1:26

Bana betu, tangilai dibikidibua dienu ne, Kakuena ba bungi babikidibue badi bena meshi mu buntu buabo, kakuena ba bungi badi bakole, kakuena ba bungi badi baledibue bena butumbi.

Efeze 5:14

Bua bualu ebu Nzambi udi wamba ne, Tabala, wewe udi mulale tulu, Bika ku lufu, Ne Kilisto neakutemene.

Yakobe 1:10

ne mubanshi atumbile mu dihuekeshihua diandi; bualu bua yeye neajimine bu tshilongo tshia mu tshisuku.

Yakobe 1:21

Nunku umushai bukoya buonso ne divulangana dia malu mabi, nuitabushe dî ne kalolo didi dikunyibua munda muenu, didi dimanye mua kusungila mioyo yenu.