Bienzedi 17:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bana babo ba mu Kilisto bakatuma Paulo ne Sila lubilu ku Beloya butuku. Hakafikabo aku, bakabuela mu nsunagoga wa Bena Yuda.

MUKANDA WA MYIDI MUKULU

¹⁰ Bufuku buila, bena ditaba kutuma Polu ne Silase mu Bereya. Bafika muaba awu, kuyabu mu nzubu wa kutendelela wa bena Yuda.

Bienzedi 17:10 교차 참조

Bienzedi 1:15

Mu matuku â Petelo wakimana munkatshi mua bana babo ba mu Kilisto, bakadi badisangishe nunku bu lukama ne makumi abidi, yeye wakamba ne,

Bienzedi 15:22

Hashishe bapostolo ne bakulu ne bena ekelesia bonso bakelangana meshi ne, Mbimpe tusungule ba mu tshisumbu tshietu, tubatume ne Paulo ne Bânaba ku Antiokia; bakatuma nunku Yuda, udi ne dina dikuabo ne, Bâsaba, ne Sila, hakadi bantu banene ba munkatshi mua bana babo ba mu Kilisto.

Bienzedi 17:1

Hakahitshilabo mu Amfipoli ne Apolonia, bakafika ku Tesalonike, kuakadi nsunagoga wa Bena Yuda.

Bienzedi 17:2

Paulo, bu mu tshilele tshiandi, wakabuelamu nʼabo; Mbingu isatu ya Bayuda wakakulangana nʼabo malu a mu Mukunda wa Nzambi,

Bienzedi 17:4

Bakuabo bakitabusha, bakadisangisha ne Paulo ne Sila; tshisumbu tshinene tshia Bena Gelika bakadi batshina Nzambi ne bakashi ba butumbi ba bungi bakenza nunka kabidi.

Bienzedi 17:6

Hakahangabo kubasanganamu, bakakoka Yasona ne bana babo bakuabo ba mu Kilisto ku mpala kua bakelenge ba musoko, bakela mbila ne, Bantu aba bakamana kutombuesha bonso ba ha buloba bakufika kunoko kabidi;

Bienzedi 20:4

Bakadi bamufila ku Asia bakadi Sopato wa ku Beloya, muana wa Pulo; ne Bena Tesalonike, Alistâko ne Sekundo; ne Gayo wa ku Dêbe; ne Timote; ne Tukiko ne Tofimo ba ku Asia.

Bienzedi 9:20

Ha diba adi mene wakabanga kuambila bantu bualu bua Yesu mu nsunagoga ne, Yeye udi Muana wa Nzambi.

Bienzedi 9:25

kadi bayidi bandi bakamuangata butuku, bakamutuluila ha disoso dia lumbu, bamuhuekesha mu tshisaka.

1 Tesalonike 2:2

kadi hatuakadianjila kukenga, ne hakatuenzelabo bibi ku Filipoi, bu munudi bamanye, tuakakolesha mitshima mu Nzambi wetu bua kunuambila lumu luimpe lua Nzambi mu kuluangana kua bungi.

1 Samuele 20:42

Yonatana wakambila Davidi ne, Waya biebe talalâ bualu bua tuetu tuakahungakasha mei ne, Yehowa neikale hankatshi hetu nʼebe ne hankatshi ha bana bebe ne bana banyi tshiendelele. Yeye wakabika, wakaya; Yonatana wakahingana ku musoko.