Bienzedi 13:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hakabutuleye bisamba muanda mutekete mu buloba bua Kanâna, wakabaha buloba buabo bu buhianyi tô bidimu bu nkama inai ne makumi atanu.

MUKANDA WA MYIDI MUKULU

¹⁹ Kubutulaye bisamba muanda mutekete mu buloba bua Kenaane. Kufilaye buloba buabi kudi bantu bende ne: mbuenu.

Bienzedi 13:19 교차 참조

Genese 12:5

Abalama wakangata mukashi wandi Salai, ne Lota, muana wa muanʼabo, ne bintu biabo bionso, ne bantu bonso bakahetabo mu Halana, bakaya mu nshila wa ku buloba bua Kanâna, bakafika mu buloba bua Kanâna

Genese 17:8

Nenkuhe wewe ne tunkanunuina tuebe buloba buonso bua Kanana bûdi wendakanamu, bu buhianyi buenu bua tshiendelele, nengikale Nzambi wabo.

1 Bakalenga 6:1

Hakahita bidimu nkama inai ne makumi muanda mukulu ku nyima kua dihatuka dia Bena Isalele mu buloba bua Ejipitu, mu tshidimu tshinai tshia bukokeshi bua Solomo ha mutu ha Bena Isalele, mu ngondo wa Ziwa, udi ngondo muibidi, yeye wakabanga kuibaka nsubu wa Yehowa.

Nehemya 9:24

Nunku Bena Isalele bakabuela, bakahiana buloba; wewe wakatekesha Bena Kanâna, bena buloba, ku mesu kuabo, wakafila bakelenge babo ne bena buloba mu bianza biabo, bua kuenza nʼabo bu muakasuabo.

Misambu 135:11

Sihona, mukelenge wa Bena Amole, Oga, mukelenge wa Bashana, ne bakelenge bonso ba mu Kanâna.

Misambu 78:55

Wakihata bisamba bia bantu ku mpala kuabo; wakababanyina buloba bu buhianyi buabo ku muonshi wa luidi, wakashikamisha bisamba bia Bena Isalele mu nsubu yabo ya ntenta.

Yeshaya 34:17

Yeye wakuyelela nshobo, tshianza tshiandi tshiakuyabanyina buloba ne luidi; neyibuangate tshiendelele; ku tshikondo tô ne ku tshikondo neashikamemu.

Bienzedi 7:45

Bankambua bakamuhiana, bakalua nʼandi ne Yoshua, hakabuelabo mu buloba bua bisamba bia bende bakumushabo kudi Nzambi ku mesu kua bankambua betu, wakadika tô ne mu matuku a Davidi.

Dielulula 7:1

Halua Yehowa nʼenu mu buloba bunudi nuya bua kubuhiana, hanuihatshileye bisamba bia bungi ku mpala kuenu, Bena Hiti ne Bena Gîgashi ne Bena Amole ne Bena Kanâna ne Bena Pelizi ne Bena Hiwi ne Bena Yebuse, bisamba muanda mutekete bidi binuhita bunene ne bukole;

Yoshua 14:1

Au mmahianyi akangata Bena Isalele mu buloba bua Kanâna, akababanyinabo kudi Eleazâ muakuidi, ne Yoshua, muana wa Nuna, ne kudi bakadi ku mutu kua meku a batatu a mu bisamba bia Bena Isalele;

Yoshua 18:10

Yoshua wakabelela nshobo mu Shilo ku mesu kua Yehowa, ne Yoshua wakatahulula Bena Isalele buloba bu muakadi ditahulula diabo.

Yoshua 19:51

Au mmahianyi akabanyabo kudi Eleazâ muakuidi, ne kudi Yoshua, muana wa Nuna, ne kudi bakadi ku mutu kua bisamba bia Bena Isalele, hakelabo nshobo mu Shilo, ku mpala kua Yehowa, ku mbelu kua ntenta wa kutendelelamu. Nunku bakashikisha kuabanya buloba.

Yoshua 23:4

Monai, meme nakanuha bisamba ebi bidi bishala bu buhianyi bua bisamba bienu, kutuadishila ku Yadene, ne bisamba bionso binakatamba bukole, tô ne ku mai manene kudi kubuelela diba.

Yoshua 24:11

Nuakasabuka Yadene, nuakalua ku Yeleko; Bena Yeleko bakaluangana nʼenu ne Bena Amole ne Bena Pelizi ne Bena Kanâna ne Bena Hiti ne Bena Gîgashi ne Bena Hiwi ne Bena Yebuse; nakabafila mu bianza bienu.

Balombodi 11:26

Hakadi Bena Isalele bashikama mu Heshebona ne mu misoko yabo ne mu Aloê ne mu misoko yabo ne mu misoko yonso idi ku muelelu wa mai a Ânona bidimu nkama isatu, bualu kai kuakayangata musangu au?